بسم الله الرحمن الرحيم
الغربه مهما كانت صعبه
لان فيها ترك للاهل والقرابه والوطن
وبما اننا بمضيف التراث والشعر نبي نتناول هذا الموضوع من هذه الناحيه
وايردا بعض القصص مع شواهدها من القصيد
فربما تكون مسببات الغربه قديما اكثر من الان
ففي وقتنا الحالي
المسبب الاول للغربه هو العمل وطلب الرزق
قديما بالاضافه الى طلب الرزق هناك
(الجلاوي) والجلاوي هو من قتل احد من ابناء عمومته فجلى الى منطقه اخرى خوفا من الثأر
وهناك من يرحل عن اهله بسبب زعل بينهم
وقد يكون الاخير هو الحاصل في نماذجنا للموضوع هذا
ونجد قديما ان من يزعل على اهله في نجد يذهب للعراق او سوريا
فيبدأون بالتوجد على نجد هناك من يقول وهو شاعر حربي:
[poem=font="Simplified Arabic,4,burlywood,bold,normal" bkcolor="transparent" bkimage="" border="solid,medium,gray" type=1 line=0 align=center use=ex num="0,black"]
لاواهني من فارق الغور ياسيف=لديار ربعٍ يحتمون المحاجي
والله ماصيدي ممله من الضيف=حياة ربٍ له عباده تراجي
لاشك اهل نجد لنجدٍ مواليف=مثل الخلوج اللي طواها الخلاجي[/poem]
وفي قبيلتنا "شمر" جميع اللذين جلو من نجد المقصد الاول لهم هم "الجربان"
فهم المرسى الاول لهم في العراق
وبعدها هناك من يتوجد على اهله وهناك من يطيب له المقام ويجلس
********
الامير عبد الله الرشيد في بدايات حكمه حصل بينه وبين اولاد عمه العلي خلاف فرحل الى العراق
برفقة "ملاقي بن مسطح" الى الشيخ صفوق الجربا واقام هناك
فذكر رحلته بالعراق بقصيده طويله نذكر منها:
[poem=font="Simplified Arabic,4,burlywood,bold,normal" bkcolor="transparent" bkimage="" border="solid,medium,gray" type=1 line=0 align=center use=ex num="0,black"]
هويت جسرٍ من ورا شط بغداد=يجوض قلب "المسطحي" لاهوى فيه
مابين نحاس ومابين حداد=وهذا مريح ساهراتٍ دواليه
ومابين زراعٍ مابين كراد=وكلٍ بشغله والي العرش مشقيه[/poem]
والقصيده اطول من ذلك
فلما ضاق فيه الامر
قال:
[poem=font="Simplified Arabic,4,burlywood,bold,normal" bkcolor="transparent" bkimage="" border="solid,medium,gray" type=1 line=0 align=center use=ex num="0,black"]
الربع شدو ضمرِ مثل الاقواس=حيلٍ يفلن حيل راعي الرديه
تعاطو المعبار من عند دواس=وانا على الخابور مالي مطيه
كلٍ تذكر عزوةٍ له مع الناس= وانا اتذكر عزوتي الشمريه[/poem]
*********
وهذا مغير بن غازي من العليان من شمر الفارس المعروف
صارت مشكله بين العليان واهل قفار فزعلوا العليان على الامير صالح بن علي
وعلى الشخ بن شويعر لانهم صفو مع اهل قفار
فقررو العليان الرحيل للجزيره
وفيها يقول مغير بن غازي:
[poem=font="Simplified Arabic,4,burlywood,bold,normal" bkcolor="transparent" bkimage="" border="solid,medium,gray" type=1 line=0 align=center use=ex num="0,black"]
وانا لي هومةٍ مادري على وين=يم الصفاة او مادري للجزيره[/poem]
وبالفعل رحلو للجزيره وراحو للجربان يوم جاء اكاليوم وهو يصير عزيمه عند الجربان
يامار مغير مخفي اسمه وهم يقلطون الرجال قال اكا الشمري من بقى ماقلط
قال واحد من العبيد مابقى الى "سمرمد" نجد
وهو يزعل مغير بن غازي
قال:
[poem=font="Simplified Arabic,4,burlywood,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
ابوك يارجلٍ بدار تلزيت=مقلوب اسمك مودعٍ سرمدالي
ياصار مايفرح بزولك الياجيت=وتنوض عن وجهك صعول الرجالي
عقب الشمط ورفعنا كاسر البيت=وترحيب بالخاطر بعيد الاهالي
وقصيرنا ماهو فريق ولابيت=خطو الجهامه نقصره بالكمالي[/poem]
وهو يزعل ويرحل للبلقاء بالاردن
واقامو هناك فضمن من توجد
هو الشاعر شلاش بن سعيّد يتوجد على حايل يقول:
[poem=font="Simplified Arabic,4,burlywood,bold,normal" bkcolor="transparent" bkimage="" border="solid,medium,gray" type=1 line=0 align=center use=ex num="0,black"]
يادارنا يامل نو السحابي=غر المزون اللي تسقي مغانيك
ونجيك من سنجار فوق الركابي=ولاينشكي همك على غير اهاليك
يادار لو حنا بعيد غيابي=لازم على كور المواجيف ناتيك
ناتي على حيلٍ سوات الذيابي=عيرات يقطعن الفيافي بتفنيك[/poem]
والقصيده اطول من ذلك
***********
وهذا خضير الصعيليك زعل على جماعتوه ونهج للجزيره
لوه قصيده يقول به:
[poem=font="Simplified Arabic,4,burlywood,bold,normal" bkcolor="transparent" bkimage="" border="solid,medium,gray" type=1 line=0 align=center use=ex num="0,black"]
عديت راس الرجم وارمي بالاصوات=واطارد الصرح الممرد مع البيد
يابو جري ربعي مع الربع الاموات=رجايهم راجاي موت الاكاريد
الشخب ماينكس لضرعه الى فات=والسل مايضرب طريقه تسانيد[/poem]
فرحل الى عبد الكريم الجربا ولوه قصيده بالجربا يقول باوله:
[poem=font="Simplified Arabic,4,burlywood,bold,normal" bkcolor="transparent" bkimage="" border="solid,medium,gray" type=1 line=0 align=center use=ex num="0,black"]
ياشيخ انا جيتك على الفطر الشيب=قزان من دار المحبين دباب[/poem]
وعقبه رحل الى شمال العراق وجاور الاكراد وعشق احد بناتهم
يوم بغى يرجع لربعوه قال:
[poem=font="Simplified Arabic,4,burlywood,bold,normal" bkcolor="transparent" bkimage="" border="solid,medium,gray" type=1 line=0 align=center use=ex num="0,black"]
ياصاحبي مامن نصيبٍ يرجوين=لابالشباب ولابعد عارضي شاب
وديارنا عن دار الاكراد ناحين=كلٍ تنحر دار حيه والاقراب[/poem]
والقصيده اطول من كذا....
********
ويقول بصري الوضيحي يوم هو عند بن شعلان:
[poem=font="Simplified Arabic,4,burlywood,bold,normal" bkcolor="transparent" bkimage="" border="solid,medium,gray" type=1 line=0 align=center use=ex num="0,black"]
ياهيه يامترحلين على كوم=حيل يومن بالزهاب همامي
بالرفق داروا مشيهن حين مااقوم=خوذو كلام موجل ماينامي
الى لفيتو ديرة اصحاب من قوم=من روج رايج ريهجان اجمامي
جيت المراح وحط بالقلب معلوم=منازل الخلان هم والعمامي
محذا مشب النار والحفر مثلوم=ومركا الدلال المتعبات الشوامي[/poem]
وهناك من غير "شمر " الفارس محدى الهبداني من عنزه يوم تزاعل مع ربعوه
وهو يرحل للشيخ عبد الكريم الجربا
يقول محدى:
[poem=font="Simplified Arabic,4,burlywood,bold,normal" bkcolor="transparent" bkimage="" border="solid,medium,gray" type=1 line=0 align=center use=ex num="0,black"]
يالله ياخلاق صبحٍ بعد ليل=بامرك عسى تقبل لعبدك سواله
يادارنا عفناك من زايد الميل=عيفة عديمٍ شاف نقص الجلاله
ياربعنا هيا على الزمل ونشيل=لعبد الكريم اللي سمعنا فعاله
الشيخ نطاح الوجيه المقابيل=ومن حدته غبر الليالي عناله
الدار دار وكل دارٍ بها كيل=والرزق عند اللي عزيزٍ جلاله[/poem]
جلس محدى فتره بضيافة عبد الكريم
ومره من المرات غزى عبد الكريم على عنزه وهم بالطريق على العنزه وهي تجي البشاير
ان عبد الكريم جاوه ولد وهم يباركون لعبد الكريم ماعدا محدى
يوم سمع هالخبر قال ياعلوه ماهو مبروك
يامار فيه بجنبه شمري قال ليه يامحدى تقول هالون وعبد الكريم مزبنك
قال محدى والله ماهو كره بعبد الكريم لكن زي ماتشوف عبد الكريم كل يوم يغزي على عنزه
وان جاه ولد مثلوه والله مايبقى احد من عنزه
سمع عب الكريم بالسالفه قال خلو محدى يجي
يوم جاء محدى قال عبد الكريم وش فطنك بربعك يامحدى
قال محدى والله ياطويل العمر يوم مريت من عند ديارهم تذكرتهم قال عبد الكريم اكيد
قلت شي
قال محدى قلت:
[poem=font="Simplified Arabic,4,burlywood,bold,normal" bkcolor="transparent" bkimage="" border="solid,medium,gray" type=1 line=0 align=center use=ex num="0,black"]
يادار وين اللي بك العام كاليوم=ماتقل طبك عقب خبري نجوعي
خالٍ جنابك بس يلعي بك البوم=ماتقل وقف بك من الناس دوعي[/poem]
الى ان قال
[poem=font="Simplified Arabic,4,burlywood,bold,normal" bkcolor="transparent" bkimage="" border="solid,medium,gray" type=1 line=0 align=center use=ex num="0,black"]
صارو لنا عدوان وحنا لهم قوم=ولاظنتي عقب التفرق جموعي
ياشيخ انا عندك عزيزٍ ومحشوم=ويمضي علي الحول كنه اسبوعي
لاشك قلبي بالوفا صار ماسوم=لربعي وانا ياشيخ منهم جزوعي
وعين تشوف الحيف ماتقبل النوم=والقلب يجزع بين هدف الضلوعي[/poem]
والقصيده اطول من ذلك...
قال عبد الكريم ياشمر والله عقب قصيدة محدى ماغزي على عنزه ارجعو
وبالفعل رجعو شمر
يوم دريو عنزه وهم يرسلون لمحدى وهو يرجع لهم
**********
النماذج اللي ذكرته هي من رحل عن جماعتوه وتذكرهم
وصوّر لنا شعور من يرحل عن جماعتوه
بالمقابل هناك من صور لنا الشعور المعاكس
وهو شعور من رحلو عنه جماعتوه
يقول عجلان بن رمال من شمر:
[poem=font="Simplified Arabic,4,burlywood,bold,normal" bkcolor="transparent" bkimage="" border="solid,medium,gray" type=1 line=0 align=center use=ex num="0,black"]
ياحن قلبي حن ركبٍ مواجيف=حفيا وذاعرهن من الذل جوعي
قلبي تذكر دار ربعٍ بهم كيف=ناخذ بهرجتهم اسبوع السبوعي
غدت بهم عجلات الايام ياسيف=وتجلبة غبر الليالي ربوعي
ايمن جهامتهم وطى الشط والسيف=وايسر جهامتهم وطن الشموعي
راحوا كما غيمٍ تحده عواصيف=ومن وين ماهب الهو له يلوعي[/poem]
والنماذج كثيره
اسف على الاطاله
هذا اللي عندنا ونبي اللي عندكم
المفضلات