دلاخـتنـا في بداياتنـا في الانترنتـ .. صورتي في المراهقـة ..... شاركونـا بدلاخاتكمـ
--------------------------------------------------------------------------------
بسم الله الرحمن الرحيمــ
كيف حالكمـ جميعــا
شخباركمــ عساكم بخير...
وكل عام وانتم بالحبـ
اعلـوم اخبــار
صراحة اني احبـ هذا القسمـ من قلبي ومن الاذين الايمين تحديدا
ولكــن وقتي شووي
وتعرفون الناس مايحبون يقرون قصص ومواضيع طوال حتى ولو انها طريفة
فصـراحة موضوعنــا اليومـ عبارهـ عن بدايتنـا اول ما مسكنـا الكيبورد ،، وضغطنـ،ـا زر ابدا..
يا حليلنــا يومنــا بدائييـ،ـن
فالحقيقـة يا جمـاعة الخير كانت بدايتي الانترنتيـة بداية برئيـة .. لان حياتي كانت تتسمـ بالصدقـ، البيئي ، كنت اصدق على طول لو قلتـ لي والله العظيمـ .. خل عاد لو تقول اقسم بالله!!! اصدقكك لو اني اشوف تسذب عيني عينكـ...
يالبى قلبي زمــان
....
بس كان يقول لي اخوي الكبير الله يذكره بالخيـر ويوفقـه ...دنيـا واخـره (( مهندس في ارامكـو..حاليـأ في فرنسـا))
لاتكتب اي معلومة عنك صدق.. او اي صورة لك ولا لغيركـ.. ترى فيه شي اسمه هكر وفيروسات واختراقات .. وكل الي بجهـازكـ ياخذونــه ....(( ومن كثر ماكرر عليّ قلت يارب حتى ما يسرقون الهاردسكـ براسه))
...
قلتـ ابشر .. ولا يهمكــ
وتبدا الرحـلة الانترنتية ..او العنكبوتية بالاصح....(( صدق الي سماها العنكبوتية..من عنكبوت ..ما سماها اخطبوط اقوى في العضلات!!؟؟))
..
ويسوي لي ايميــل قال ويش تبي يكون رموز ايميلكـ قلتـ..كذا(( وجيب له قصـة حياة..اول حرف من اسمي واول حرف من اسم ابوي واول حرف من اسم جدي..الين سبعين جـد))
وصار الايميل سالفه الا قصـة حياه ..كله على شان منساه
...
وسوي له اضافه اخوي..
وتبدا صدق حياة السهر ودبلة التسبد والارهـاق .. عــاد هذيك الايامـ وقتـ المراهقـة يا خـذ دورهـ،
وقصص الغرامـ تاخـذ دورهــا ... ايامـ زمــان يوم كان الواحــد مايعترف بشي اسمه الحبــ ويعتبره انه من الخرابيطـ ... الي يحس به بعدين.. ويطيح فيه
....
وهذه صورتي ايامـ الكلامـ هـذا
...
طبعــا كلامي هذا ايام زمان كان التلفزيون عايدي (( يعني بدون اللوان)).. مابعد نزل التلفزيون الملون ابو ازرار خلو عاد الحين بريموت وانت جالس بعيد----- ايام كنت اسهر بالاسبوع ثم اتلحفـ بشرشف الي مكتوب عليه اهلا وسهلا..واحلام سعيدة.. وعليه صورة طاؤؤس
<<=<< تقول انه شايب..
كنت احب ويش اني اتفرج على الصور اول بداياتي الانترنتية... ولاعمري خليت صورة في مكان عربي ولا انقليزي ولا فلبيني ولا في المريخ الا شفتهـا زينها وشينهـا
..
عقب كذا قلت ليه ما اخش الدردشة ..طبعا كنت معرفها ولا ادري ويش هي ..بس تعرفون لا جيت لك صفحة رئيسية للموقع تلقى دعايات دردشات تجبرك الا تخش ومعك الجماعه كلهـا..عاد يسووون الدعاية بفلاش يلحس المخ..مثل الحين يقول لك بعض الدعايات تفضل ارحب واسهل اقلط يالله حيه خش معنـا ..ولا كل ماتتمناه هنـا..وخش معهم والقاه بس كتابه وخرابيط.. وساعه على شان القى الحرف على الكيبورد.. والعالمـ تحتقرني من دلاختي في الاملاء الكيبوردي(( ولا ترى الاملاء ممتاز فيه من يومني صغروري)) بس الكيبورد قوي وقاسي بعض الحروف يالله تنضغطـ ..ثم عقبها مليتهـا
..واقول اهلها صدق ناس فاضين مجانيين ---- بس قلت خني استمر على شان اطور سرعتي في الكمبيتور..
وفعلا بديت اتحسن شوي شوي..بس برضه العالمـ ماتعطي وجهه الا لناس الي تعرف ..حتى يضحكون لبعض لو مافيه شي يضحكـ... كانو يسمونه تميلح .. وانا معرف التميلح الين سالت جدتي هذيتس الايام وقالت التميلح هو المجاملة
..
قلت ليه مسوي تميلح زيهمـ ..احط ضحكة واحط اسم الي اتميلح له قدام الضحكـة... ويا ربي قام حضي ..
الين دخلت في قلبـ نكـ كان نكه كاني باقي اذكره شـوق..كانت زيي بدائية .(( الله العالم))..جازت لي وجزت لهـا لاننـا ساعه على شان نكتبـ ..
وتبدا مرحـلة الحب والهيامـ والغرامـ ... الين ماعاد شفتهـا مدري ماتت ولا جاها بلا..ولادة ولا زواج ولا شي مدري عنه..ولا انفلونزا الطيور))
على طاري انفلونزا الطيـور .. احس انهـا تسذب..بس يبون اللحم يزيد سعره..خاصة البقر لان محد يشتريه
ههههههههههههههههههههههههه..
وهذه صورة قسم بالله من تصويري الخاص على شان تدرون اني مهتمـ بهذا الموضوع اهتمام شديد... ((وخاصة اخوي المطنوخ))تدل على انفلونزا الطيور... هذه طائر دخل عليّ مع دريشة السيارة وجبته متلبس بجريمته وصورته ..واسوي اعلان لمن مثله بان يتم الحذر منهمـ
-----------------------
ثمـ عقبت ماماتت صديقتي الانترنتيـة ... بعد علاقه دامت عدة قرونـ -- وبعد ما طفشت من الشات عقب موتهـا ولا عــاد حبيته عقبهـا (( صمت حداد لهــا وعزلت الشات))
بديت احس بثغرة في قلبي ..حتى لو جاء معمر القذافي بنكـ بنت في الشات حبيته ...
وهذا الي صار...
دخل عليّ تمساح شرير عيونه صفر... بدا يحس اني مراهقـ وامر بحاله صعبـة ههههههههه .. ودخل عليّ بنكـ بنت الين فرطـ مخ راسي ... الا يشوفني ... وارفع التلفون قصدي الماسنجر على اخوي قلت الكميرا شرايكـ فيهـا؟
فعصبـ ..ودرى اني طحتـ في شي اسمه هبـال .. قال الا شرايكـ تجي معي في امريكـا ..كان عندهـ كورس شهرين... قلت مهيب شينه بس عندي امريكا ماجات الا وعندي اختبارات !!!! وانا زعلان وفي نبرة صوتي الحب والغرامـ...
...
خذيت لي كميرا بس ما شغلتهـا الى يومكـ هذا ولا مرة في حياتـي.. ولن اشغلهـا.. وترى هي للبيع للمعلوميـة .. لو انه بريال... ماركة جنويس ...حتى ودي اكسرهـا
...
المهم تبين لي حبيب القلب والحب والحياه بعد تسم سنه انه تمساح وليس بنتـ .. قلبت عليه شك شوكـة ..
..
ولا عرفت اخش مع الجنس الناعمـ .. كنت جنط بما تعنية الكلمه... صريح فوق اللزوم.. والعالمـ تبي مجاملـه ..دن في راسي جرس وطرى عليّ فكرة شيطانية ..قلت ليه ما اخش بنك بنت لمدة اسبوع واشوف كيف الشباب يتميلحون مع البنت...
قمت ادش شات واحد لمدة اسبوع الين عرفوني..تدرون كم طلع لي ّ من حبيب الف حبيب..وكم طلع لي من زوج خمسة فقط وكم طلع لي من صديق خبرات كمبيوترية؟ سبعطش ..وطلع لي سبعه اهل تضحيات صح..بس ياليت كنت اقدر اقلد صوت بنت ......كان اعلومـ ...
..
ثم تعلمت منهم واكتسبت خبره في هذا الاسبوع الي فيه الاف المعجبين ... وبديت اعرف للشات واللفلود الين صرت فيه كنج.. ثم طفشت منه وخليتـه00
.
قلبت على المنتديات وقرى سوالفهمـ ..طبعـا هذا بعد ماقريت في شات ان فيه عالمـ تحاور في الشات بكتاباتهمـ في المنتديات .. سجلت في منتدى وبديت معهمـ .. طبعا كان حضوري حلو ومواضيعي .. كنت ممتاز الى حد الشهره.....
حـي اذكـر كنتـ اسوي تضحيـة في حياتي ومخاطر على شان بس القطـ صـورة اضعهـا في المنتدى ..
وهذه صورة تبين ذالكـ .. لو شافتهـا الحكومـة بكيمرتي كان اقل شي بيصادرون راسي قصدي الكميرا
حسيت ان الكتابه مالهـا اي معنـى .. خاصة بعد ان بغت من العضوات ان تتزوجني بالغصبـ ..من جـد ..والحمد لله الله فكنـي ... وكذبت عليها قلت بتزوج بعد شهرين.. وابغضتني زي الشيطـان..
المهمـ شفت ان الموضوع مايخارج..
قلت ليه ماتعلمـ التصميم وخاصة ان العالمـ .. تسوي لها تواقيع تفتح النفس
..
بديت وعرفت ولله الحمـد
ولكـن لازلتـ الى الحين غشيمـ...صــور من مكتــبي
....
....
--
--
...
....
صــورة من حائطـ الغرفـه ..(( باقي صـور في كل متســان بس اعذرونـا هذا المقسـومـ ..وقدرنـا نجيبـه..لا احـد بعد يزعجنـا وويقول نبيكـ تزوجنــا .. ولا يتزوجنـاهو بالغصبـ))
@@@@@@@@@@@@@@@@@@@@@@@
والله القصـة كانت بتطول بس كنت مروقـ وكني بدت ترويقتي تخربـ ... لانهـ جاتني رسالة خاصـة..
بحاول اني اروق مرتن اخرى اما كملت الموضوع ولا اكتب موضوع اخر الزمان الجاي....
والله لا يهينكمـ كل واحـد يكتبـ لنـا قصتـه في بداياته .. ودلاختــه .. وذكائـه ..خلوه يصير موضوع لابغيت تذكر انك كتبت موضوع وتضحك تجي هنـا...
وشكرا لكمـ--------------------------
الشعبـ الموقـر ---- لكمـ الاحقيـة وحرية القلمـ في اي تعليقـ.. وشكرا لمشاركتكمـ..
..
الله لا يبيح ولا يوفقـ ولا يهنئ كل من خش الموضوع ولا رد علينــاّ
رد مع اقتباس
يخرب عقلك كل هذولي ضب قاتل درجه اولى 
مشرف مضيف الترحيب والتعارف
المشاركة الأصلية كتبت بواسطة علوش الدوسري
المفضلات