[poem=font="Simplified Arabic,5,white,bold,normal" bkcolor="transparent" bkimage="" border="none,medium,gray" type=1 line=1 align=center use=ex num="0,black"]
قال من يازن كلامه يا هرج = ما يتخبط لين يودع له عجاج
هرجتي اختار له بعض الفرج= واتحرص لاجي فيها اعوجاج
وآزنه وزن المبلّط للدرج = واحبسه حبسة اسيرٍ في سياج
لين يأتي له مكانٍ ومخرج =وبالمقابل انتظر يصف المزاج
ثم أقوله لمن بعاه بلا حرج = النصيحة تشتري بسوق الحراج
**
ولا تقاطع هرج رجالٍ هرج = ولا تحذّف وأنت بيتك من زجاج
وانتبه من مسلك الدرب العوج= والظلام لياحلك دوّر سراج
وأحْذرك من هرجةٍ مع الهوج= والهوج يجذبك لدروب الهواج
وابتعد عن مشيةٍ مع الهمج = والهمج دايم تورد للهماج
ولا توقّف ما قفٍ منه الحرج= ما يفيدك لو رفعت الاحتجاج
ولا تباها في كبيرات الحجج= وما يجييك من الحجج إلا اللجاج
وكل شيء بعد ما يكثر سمج= والتسمم سبته كثر العلاج
والقطا مي بالنظر لامن بلج = يرفع النظرة عن فروخ الدجاج
وكل موقف صعب يقفاه الفرج = وكل ضيقة دوم يقفاه انفراج
ومن مشى بالدرب لو انه العرج = يظهر الله بعد ذلك له خراج[/poem]
رد مع اقتباس
المفضلات