[poem=font="Simplified Arabic,5,white,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
البارحه ياسعود غصبٍ عوينا=عدي صويبٍ باسفل الرجل مكسور
قمت اتقلب والبشر نايمينا=ياما وعت عيني على "فجة النور"
"يالله" تتبع قاسي الوقت لينا=ومن عقب عسرات المقادير بيسور
"ويالله" على سود الليالي تعينا=وتغفر خطا عبدٍ لفى اليوم مذعور
"ويالله" ياللي ترحم المذنبينا=اطلب عسى من يمك الذنب مغفور
حنا رضينا دين الاسلام دينا=وقرأننا في زحمة العمر دستور
ويوم الحشر وان كان حنا لفينا=تغفر لنا وان "صفّة" الخلق طابور
واطلب عسى زلاتنا ماتبينا=والعيب عن باقي المخاليق مستور
نطلب رضاك...ويستذل الجبينا=ورضا "دنافيس" العرب بالف حادور
منهو زعل يرضيه عّد السنينا=وان مارضى ماني على رضاه مجبور
وخوينا وان كان اخطا علينا=ادمح خطاه..وحجتي عنه "معذور"
"ويالله" كم بأرضك قصورٍ بنينا=والقبر ياربي على القاع محفور
"يالله" لابد المنايا تجينا=ونبدل الدور العريضات بقبور
ابي الخلايق وان لقوني "دفينا"=كلامهم..."مذكور بالخير مذكور"
ياسعود نغلي بالبشر من يبينا=ومن لايبينا...جزوة الصد بدبور
مد اليمين نبادله باليمينا=ومد اليسار...يسار...والذل مدحور
وصلاة ربي والبشر سامعينا=على الرسول اللي له الحق دستور
والشعر يذكر ماتخطه يدينا=ويترجم احساس المخاليق بسطور[/poem]
.
.
اخوكم مشعل الشمري
رد مع اقتباس
...
المفضلات