بسم الله
ولا عدوان الا على الدنماركيين وامثالهم
وبالخير يالربع
يا احلى ربع
تدرون ليه انتم الى ربع
لان بكم الاخو والاخت والعم والخال والخاله والعمه
وولد العم وبنت العم يعني كلكم قرابه ومافيه اجنبي
على طاري العمه
عزمن واحدن من خوياي حضري وقال ابيك تسير علي وتجيب الوالده معك
قلت والله امي مهي فاضيه تتابع الاسهم
الا تسان تبيني اجيب عمتن لي بدويه طاااااااااااااااازه
قال صبر خلن اشاور اهلي ( تقل خاطبن منوه )
المهم عقبه بكم يوم جاني وقالي تكفى اهلي يقولون خل خويك البدوي يجيب عمته معه
قلت ماشاء الله وش هالحماس
قال بيتفرجون عليه
قلت كل تبن ليه عمتي قرد يتفرجون عليه اهلك هذي مدرسه بالحياه تدرسك وتدرس اللي جابوك
قال عادي ياخي لا تزعل انت بس جبه ابيه تدرس اهلي
مالكم بالطويله رحت لعمتي قلت ياعمه
قالت ولمه وشتبي ( هذا اول التدريس )
قلت ابي اسير انا وياتس
قالت وين يم خالتك شيمه
قلت وليه انتي ماتعرفين الا خالتي شيمه
ياعمتي تكفين اضبطي وضعتس ابوديتس يم خويلي حضري واهلوه يبون يتفرجون عليتس
قالت يتفرجون علي؟ ليه وش شايفني
قلت انتي تحفه
بس الله يرحم والديتس ضبطي لبستس والبسي احسن شين عندتس
وابشريلتس طيب وحركات وكحل وشباصات وبكلات وتنوره بعد
قالت لا تشري شي انا عندي كل شي
ويوم جاء من باتسر العصر ( وقت المسيار )
وانا ادخل البيت اصوت لعمتي
وهي تطلع ليمار لابستن ثوب اسود وعصابته الحمراء
وطبعاً رابطتن المفاتيح والمسواك باخر العصابه
ومتطيبتن بفروك ( طيب العج الاول ) بس الله العالم ان اهل خويي بيفقدون من الريحه
المهم وكلت امري للعزيز الحكيم وتوجهنا لبيت الخوي
ويوم وصلنا دقيت على جواله وقلت خل اهلك يفتحون عمتي القديره
ودخلت انا عندوه وقبل اجلس سمعت ضحك داخل بيتهم
قلت بقلبي الله يستر هذي العمه قامت تمقس
وكل شوين يزيد الضحك واسمع عمتي تصوت
وتقول ( يااااااغربااااااااااااااااااالي مامن وااااااااااااااالي يفزعلي )
قلت لعيونتس ياعمتي ابشري بسعدتس
قلت فلان افزع شف عمتي وش عنده
ويوم دخل داخل وهو يرجع لي ميت من الضحك
قلت العلم يافلان
قال تعال ادخل شف عمتك تستهبل
قلت عمتي تستهبل ؟!
هذي بعمره ما استهبلت تجي هالحين تستهبل عند اجناب
والله وانا ادخل ليمار الشوفه اللي ماتسر
ليمار عمتي طايحتن على بطنه وعاجستن تقوم تدرون ليه ؟؟
الارضيه بلاط وزلقت عمتي المصونه وكل ماجت بتقوم تزلق وهذا عمل كل اليوم
ويالله اقومه عقب ما طحت عنده وبوجهنا للبيت ومنه ما اخليه تطلع البيت
وخويي ما اقدر اراعيلوه
مع انوه المسكين كل شوي يقولي اهلي يقولون خل خويك يسير بعمتوه
هههههههههه
وين انا والمسايير هههههههههههههههه
وتقلدوا تحيتي
رد مع اقتباس
المفضلات