ذهب عدد من رجال عنزه ومنهم عبدالله ابن سويلم شيخ الغضاوره من عنزه وباجح بن عبيدالله وابن شليوي الى امير حائل في تلك الفتره وهو ابن مساعد وطلبوه انهم يرحلون الى ديار شمر لانه ريف وديارهم محل وطلبو من ابن مساعد انه يرحلّ العمود من شمر الى جهة الشقيق وهم يصيرون بالحفيره وهي مكان ليس بعيد عن الشقيق والحقيقه ان فخذ العمود من شمر اعتبروه امر عادي وهالشي يحصل وهذا من الواجب عليهم لانهم هم وعنزه اخوان بالدين اولا واخيرا...
الغضاوره من قبيلة عنزه وشيخهم(عبدالله ابن سويلم) وممن معهم من قبيلة عنزه مثل الخماعله والخمشه قررو في صباح عيد الضحيه...ان يغزو علي شمرّ وان تكون البدايه ...مع فخذ العمود من زوبع من قبيله شمروذالك لاسباب اولا لانها قريبه منهم .... وقرية الشقيق والحفيره قريبه للفيضه وثانيا..لعدوات سابقه مع فخذ العمود....وثالثا...عندما تهزم فخذ العمود من شمر فانك تختصر مسافات كبيره....وتكتسب قوه وسمعه...وتخوف الخصم الاتي بعد فخذ العمود من شمر...مع ان العقّال في قبيلة عنزه...نصحوهم بعدم غزو العمود اولا ولكن قدر الله وماشاء فعل فغزو دون سابق انذار .. اللي حصل انه اتى وقت الحج وذهبت مجموعات كبيره حجيج من العمود فطمعو عنزه بالعمود واستضعفوهم واغواهم الشيطان فلما اتى يوم عيد الضحيه قالت عنزه غزو على العمود
وكانو العمود متفرقين منهم ماهم بدو ومنهم ماذهب للحج
ولكن كانو الموجودين فيهم الكفايه...وعند ما اقتربو من القريه...ارسل ضافي بن معرف العمودي الشمري وهو امير قرية الروض ...بقرب الشقيق ان يكفو شرهم ولكن لافايده...اقتربو وبدو بالرمي ....فاخذو العمود مواقعهم بالقرب من حزم صغير(وهي حميرا الدم) وتعرف الان بهذا الاسم...والعمود كانو قليلين...وكانت نتيجه هالعركه انه انكسرت عنزه و قد قتل عبدالله ابن سويلم شيخ الغضاوره وهرب باجح بن عبيدالله وقتل ابن شليوي وعدد من قبيلة عنزه...والباقين هربو...ولم يصاب ولا عمودي....وقد برز اسم الفارس كايد ابن سطام ابن امير فخذ العمود في هذه الوقعه
وقال الشاعر منير بن علي الفريسي الشمري بعد هالوقعه:
[poem=font="Simplified Arabic,5,orange,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
ابديت بذكر الله جزل العطّيه=الواحد اللي يسمع الصوت ويجيب
كل يرايع ..ويرفع يديه=محصن خطاه ورزقها بالمكاتيب
يالله طلبتك ياعلام الخفيه=تقعد شداد الحظ وتنوي له الطيب
البارحه عيني على النوم عيه= من واهج باقصى الحشا له لواهيب
يوم ابن سويلم جاب ربعه غزيه=حنا نخبر الناس قبل اصاحيب
قبايل جابه تقل مشي حيه =ياتون خمس ميه بليّا مطاليب
مثل الجراد اللي مشى مع رحيه=والا مثل ورد الدبش مثل الاجانيب
ناس تقهّر والجموع معبيّه=لعبها الشيطان مثل ملعونه الشيب
يتلون عبدالله ذرى الغضوريه= يبون قش مزينات المعاصيب
وقدّامهم العصلان اهل الحميه=لو هم شوينن لهم يرجع الطيب
نعمك من العصلان يوم الضحيه= كم واحد خلو ضلوعه هواويب
وكم خفرة دلّت تطرّي هويه=محاسهم خلّوه للطير والذيب
من مبطيٍ وفعولهم عدمريه = (يابىالفصم) ماهي محاذف مصاليب
نعمك من العقيّل والجاهليه= ونعمين بالشبّان واللي بهم شيب
عن الغلب كل قام ينخى خويه= منخاتهم العصلا(1) عيال معاطيب
وردو علينا مثل ورد الضميه=شيٍ نهار العيد مابه تلاعيب
عاداتهم وان حصل كل هيه= يردون حوض الموت مابه تكاذيب
خمس وثلاثين تراشح دميّه= من غير اللي غزّن عليه المناصيب
عبدالله يوم العيد زار المنيّه= طشّووه لعيون البنات الرعابيب
حطّوه بالصفحه شمال الركيه= وهذاك حق اللي تعدّى المواجيب
وفزّه (2) تقّد ثيابها بيديه = صاحت عشيره يوم فوق النعش جيب
وربعه فضي ونسيو المنقديه= من فعلكم يامدلهه شمّخ النيب
شي صويب وشي خلّي سريه= يوم الدخن من بينكم كنه السيب
واللي بقى ضاقت عليه الفضيه = رحل وخلاّ الجو عذب المشاريب
تهاربو وكلٍ ركب له مطيه= تفرقو مثل سواة المهاريب
وكل ٍ كسب من ولد وايل سريه= غدوبهم العصلان مثل المكاسيب
مثل الجلامي يوم لقّت قفيه= لو تدعي الواحد لخير ٍ فلا يجيب
والله فلولا الحكم ماله تليه= بالغضوري يدّب جميع الاجانيب[/poem]
والقصيده اطول من ذالك
(1) العصلا او العصلان لقب للعمود من زايده من زوبع من قبيله شمر
(2) المقصود بفزّه هي امراه الشيخ عبدالله ابن سويلم الذي قتل في هذه الوقعه
وهذه القصيده للشاعر ماجد العميم السويدي الشمري :
[poem=font="Simplified Arabic,5,white,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
نعمينٍ يالدنة ضافي= وافين وفعلكم وافي
,بالكولة والملح الصافي=ياحلوضرب القصيره
اقلط ياذيب الرعودي=عشاك بخشم البارودي,,
,وقعٍ من كف العمودي=.والصبع من ورى مثيره
هذيبٍ لاتمشي مشي=علي سلماتٍ وخمشي
,,,والواحد يامال الطشي= حلات الكرمه كثيره
انتم ظفرينٍ وعدمى=,ياعل عيونك ماتعمى,,
,حفظ به يوم انه رمى=وقع من تالي كسيره
عبدالله زار الامواتي=,بالعيد الاول فواتي,,
,زجن عليه الاصواتي=وعيدٍ قزيتو نظيره
جبنالك من علم وخبر=اميراٍ حطوله قبر,,
,لوهو بخياره ماصبر=يرغي من عقب هديره
قلبك كبيراٍ يالدايح=,مانتم لقانٍ للصايح
عنازٍ راحت طفايح=والسالم وطى الحفيره
يام ثويبٍ مبنوقي=من خص المنظر بالموقي,,
,مانجح غير السبوقي=ولقوتهم ماهي بريره
الينك ماانتي حضيضه=غنازٍباتلى مقيضه,,
,من عند وريكٍ فضيضه=عشيرٍ فارق عشيره
صوالٍ ياضب الحره=جبت المثلوثه تجره
الطايح رعجلٍ تجره=ضاقت بعنزه الحصيره[/poem]
وهذه القصيده للشاعر خضير العسوج العمودي الشمري:
[poem=font="Simplified Arabic,5,white,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
يابنت ياللي تبي التمجيد=زين التماثيل ماثابه
عبت هدومه نهار العيد=وتمحش الكحل بثيابه
رثع بكم شيخنا الصنديد=عيا علي الملك عيابه
ركضت خوالك ماهي تصديد=لشيوخكم تشهر حرابه
طشو حليلك وصرتو صيد=وخلوه للطير وذيابه
طشوه من صيتهم تخليد=والموت ماتحسب احسابه
ماسانعتله على مايريد=ولافاد بنتٍ تنخابه
اللي يبي كايدٍ ومكيد=علي الحفيره كلح نابه
عبدالله اللي وقع ماعيد=وابن شتيوي لهزنابه
اللي سلم مسندٍ تسنيد=واللي هرب ضيع اصحابه
جفلة غنم ماجمعها الليد=من الذيب لياعض في نابه
ياهل النضا وان وصلتو عيد=قله ظنون العدو خابه
عصلان لاصاربه تهديد=السيف معروف مقضابه
وانتم جنيتو وحنا نزيد=فضيحةٍ وانفتح بابه
يالغضوري والعمودي حيد=واليوم مالك معي جابه
هذاك فعل العرب ياعيد=وان احمد اللي فتح بابه[/poem]
وهذه القصيده للشاعر محمد الجماح :
[poem=font="Simplified Arabic,5,black,bold,normal" bkcolor="burlywood" bkimage="" border="solid,medium,black" type=1 line=0 align=center use=ex num="0,black"]
عليّت ياعبدالله رفيع المسيّر=زين الجواب اللي يسلّي عشيره
عليه عطّت بالنوايح نويّر = وقدّت معاصيم الجوايب منيره
إلين ذباحه خذاه متخيّر= والله لهم من خيبر ٍ للجزيره
وابن شتيول لاهس للنقيّر= نقر بخرفان الضبى ياخو سيره
ضربه صبيٍ للعلابي يطيّر= وطشّوه بالصبخاء شمال الحفيره
عادات ربعي يذبحون الاميّر = ومن طار راسوه بدلو له بغيره
والخمعلي نزل علينا بذيّر = وعقب علينا قام يجزي بالمغيره
جمّع علينا الصولات من كل ديّر= وصارت على فروخ الجلامي كثيره[/poem]
وهذه القصيده للشاعرحمد سيف العمودي الشمري :
[poem=font="Simplified Arabic,5,white,bold,normal" bkcolor="black" bkimage="" border="solid,medium,black" type=1 line=0 align=center use=ex num="0,black"]
يوم نهار العيد عيد ضحيه= جتنا جموع كالجراد التهامي
معهم عبدالله مدله الغضوريه= اليا قرضن غر الثنايا اللثامي
كز المجرد وجاهم من كل فيه=وجانا بجمع يجدعه كالجهامي
وردو علينا مثل ورد الضميه= واليا ورده اللي جو عقب الحيامي
وقالو تقضيب قضّبوهم مليه= واليا ماخذوا عنا توريد السلامي
وثارن منهم مدنيات المنيه= وصار الدخن من بيننا كالخيامي
وصارو لهم العصلان مثل الركيّه = وراحو روان ٍ من جروح كوامي
خلّو عبدالله بالمعاره تتيه= وابن شليوي طار راسه شمامي
والخمعلي شكى غميق الشكيه= وحتى الخمشي ذاق ضرب السهامي
وعشرين صويب كلهم من دنيه= بمشوكاتٍ يرّمكن العظامي
عقب المناخي حرفتلك قفيه= وراحت تخوت مثل فروخ الجلامي
كلّه لعيني دمعه الجعفريه(1)= صارت دموع بنيّهم كالجمامي
كم خفرة بالعيد قدّت شفيه= وخلّت معاصيم الجوايب عدامي
شمر بحق الجار شر البريه = ومن اول ٍ تر جارهم مايضامي[/poem]
الى اخر القصيده
(1) الجعفريه هذه مره من الجعافره من عنزه كانت عند العمود وقصيرة لهم ويوم قربو عنزه لديار العمود شافوه وضربوه يحسبونه عموديه وقالت المره ليتن مع اهلي الجعافره ولا اني انهان عندكم فخذو العمود حقّه وحافظو على قصيرتهم
وبعد هالوقعه اتى رجل يدعى عيد ابن سويلم شيخ الغضاوره من قبيله عنزه ووالد الشيخ عبدالله السويلم الذي قتل يطلب الثار عند ابن مساعد وقال لابن مساعد امير حائل " المسلمين ضحّو بهالحلال وهالانعام وشمر ضحّت بعنزه " يقولون وهو يثور ابن مساعد من مجلسه وما رد على عيد لانه يدري انهم هم المخطين فقال الشاعر حمد سيف العمودي الشمري هذه القصيده بهالمناسبه :
[poem=font="Simplified Arabic,5,orange,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
سميّت بالرحمن قبل القصيده = وعلى النبي صليت الفٍ وزدنا
بالك تقول ليه ليه ياخو عيده= وابنك بشرّه يالمخزّى عندنا
دلاّ يشب وكل داشر بديده= اليا ما على الصنديد حنا حندنا
على عبدالله وأي والله وليده=شيخ الشيوخ اللي تدّور نكدنا
شيخ الشيوخ للي تبيّن حميده=الهيلع اللي كل شغله لهدنا
والله فلهم من خيبر الى بريده=وجينا الشمال ولا لمثله وجدنا
يوم دارنا بالصيد حنا نصيده=أوي والله صيدةٍ يوم صدنا
جمّع جرود وصوّله يوم عيده = وثار الدخن من كل جمعه من ادنا
وثار من العصلان تقل بوعيده=من ضرب ربعي كل بدٍ حمدنا
منيره تصيح وتلعط الجيب بإيده= (وفزّه) لو ....فراشها مانشدنا
وتقول منيره وعساها لديده= ياليتنا مع شمرٍ ماوردنا[/poem]
احب اشكر الاخ الفاضل والشاعر (سعيّد العمودي) اللي امدّن ببعض القصائد والمعلومات فالشكر الجزيل له وبارك الله فيه
ولهم الرحمه ولكم طوله العمر
المفضلات