تخيل أبوك وامك مسجلين معنا بالمنتدى؟؟ قصة من تاليفي للمشاركة !
--------------------------------------------------------------------------------
خووووش موزوووع خش في راسي بعد ماشفت من التفحيط
وخاصة بعد ما يطلعون المراهقين من الاختبارات وهم محتسرين (( ضايقين بعنف)) vvsmile على المادة ثم يعبرون بضيقتهم على المادة بالتفحيط وصوت الكفر بالشارع يعبر لهم انه يتفرغ منهم شحنات سالبة. . (( اذكر زمان يومنا ندرس وكنا زيهم ..كنا اذا طلعنا من الاختبار نحاول بقدر الامكانية انا ننسى الي درسناه على شان ما يسبب زحمة في خلايا المخيخ ))
.
وكنا زمان يا حليلنا كنا جيلنا اكبر المنافقين على مستوى المحيط الاطلنطي
اذا ابوه ماهوب يشوفه وطلع من المدرسة كان يسوي زي بالوح(( قصدي زي باخشب)) في الشوارع
من انواع التنطيل والسلاسل والزحف والخرابيط... الخ
بس اذا كان ابوه ينتظره برى ولا كان يسوق ببووه ..كان ينزل الشماغ ويمشي ونظره في الارض ومشر بالسبابة فوق ..يعني كن الي يشوفه يقول انه يشتهد ويذكر الله
وهو نصاب محتال مجرم حرامي شرير
والحين لو اتوقع انا وياكم مثلا يعني
ان ابوي وامي ولا ابوك انت وامك معنا بالمنتدى ويكتبون معنا ويعرفون ان ذا نكك ويش كان بيصير برايكم ؟؟ ..
اتوقع اول شي ان السحالي بيخشن بنكات عيال ولا بيفحطن محلهن جايتهن سكتتون قلبيتون
والي بتسوي على بالها قوية شخصية بتكتب بشخصية عنتر ابن شداد
ولا عمرها بتكتب في قسم همس القوافي ..لانها لو كتبت هناك زوجوها على طول شيبانهم هههههههههههههههههههههههههههههههههه
قالو البنت ديه عم بتحب ونخاف على موستقبلها من كول حاقة ... ابوك يللغه(( عفوا المصدر علوش الدوسري للموضع))
..
كان بتشوفون البنات كلهن في قسم الطبخ والنفخ مسويات فاهمات
وبتشوفون تسم وحده بتوقف عن الكتابه لانها لو كتبت مثلا في قسم الطبخ عن اكله ولا وجبة كذا وكذا..ردت عليها امها وقالت تسذبين.. انتي اصلا ماتعرفين تطبخين .. ويش بيصير شكل وجه البنت ؟؟؟ <== زي تسذا
ولا مثلا لا شافت الام البنية كاتبه لها موضوع ويشبطوله ههههههههههههه قالت لو رحتي تكنسين الدرج تسان اصرف من ذا الوقت الي تكتبين فيه القصة ..بعدين البنت تستخزي وتنحاش...
وبعد تسان البنيات ماهم حاطين صور بنات في تواقيعهم -- كان بيحطن طلع البدر علينا من ثنيات الوداع .. على شان يقولون يا حليل بنيتنا اجوديه مادرو انها تسذوبة وام لسانين
اتوقع كان بيصير المنتديات بدون بنات....
...
نجي للتماسيح
.
كان تشوف التمساح لا درى ان ابوه يقرى كتابته
كان قام يكتب شعر او انه يخثرد
على شان يزوجووونه باسرع وقت (( حتى ولو يقطون له الرفااقه من عنز مكسور قرنها))
تلقاه متربع في قسم الحوار والنقاش الجاد = على شان يحس ابوه ان ولده قوي شخصية واراه كبيرة ومتفتح وانسان مثقف وواعي ويحل مشاكل الغير .. الاخ ..(( وهو مادرى انه جنط .. يحب يتميلح
كان تلقى الشباب الي حاط توقيعه صورة ددسن على شان ابوه يشتريها له ويكتب عليها من ورى القزاز الخلفي... شقراء.. ولا توكلت على الله .. في ستارة سودا....
ولا يحط صورة دينا وعليها كراتين طماط ولا جح= خاصة اخوااننا في جيزان .. .. اهل المظغوط
...
تلقى الواحد لا بغى من ابوه شي ولا من اهله .. كتب موضوع ولا قصة عن البخل وايالف من راسة قصة يحط الاب بخيل والعيال ضاع مستقبلهم من بخله وانه جاه مرض وطاح على الفراش... وبطولة الفلم هو بوجهه ...
لا وبعض المراهقيــن..ويش بيسوي ضنكمــ ؟.. فكرو معــي.؟....فكرتو!! ماتدرون ويش بيسووون؟؟ طيب اقرو السطر الي بعد ذا..
راح يكثر من مواضيع الشيخوخه .. والأمراض اللي تصيب الإنسان عند تقدمه بالسن ... يقصد شيبانــه... يمال المشعابــ
المهم انت الحين ويش رايكم لو ان كل منكم ابوه وامه معنا بالمنتدى ويش رايح يصير؟؟
هههههههههههههههههههههههههههههههههههههههه ههههههههه ههههههههههه
..
<=======<< حقوق القصة .. تأليف وانتاج وطباعه وتصوير وهندسة صوت وهندسة طيران وميكانيكا.. علوش الدوسري...
* اي واحد بيكتبة في منتدى اخر... يعتبر نفسة مشكيّ على وزارة الزراعة والمياه == الي ترش سوسة النخيل الحمراء.. لان فيه سوسة منتديات ....
* ولا بنشكية على وزارة المصالخ لان هذا فيه سرق عيانا بيانا...
حررت هذه القصة بتاريخ كتابتي لها بمكان اخر
الساعه ست وربع دقايق وثلاث طعش ثانية وثلاث كسرات اجزاء من الثانية
وشكرا لكم
رد مع اقتباس
وبمــا إن كمبيوتر البيت متقاططين عليه 
.الله يارب يوفقهـا ويرزقهـا طول العمـر.....خل الشاايب يامال الشحم يسوي عليها انه فاهم وحريف... خله يجي جنبهـا ويعلمهــا... حتى يصير في عينها زهرهـ
. راحت بتحطه بميزب <=< الي يشيلون به الاطفال الصغااار مصنوع من جلد... بتشيل ذا البزر وبتجي تكمل الموضوووع
<=< هذه تنفع للمطنوخ--لان الي يعرف يطبخ يسمونه شقردي ولا مطنوخ
ماحطت الصور الصغار هذه زينه........... فليه ماتكثرون منها في المواضيع؟...
المفضلات