******من مطار القريات*******
ودعت ناجح من مطار القريات
يوم اركبونا الطايره وشلعتنا
لفت ودارت وامرجت بين لحظات
لولا الكراسي والمحازم رمتنا
طاروبنا حمر العلابي خواجات
خضر العيون وجيههم هولتنا
تكفى تشهد يافهد واقرا الآيات
الموت جانا والظروف اجبرتنا
جانا المضيّف قال وش فيه خدامات
قلت نزلونا بطونا موجعتنا
من قبل اشوف الغيم دون السماوات
واليوم اشوفه يافهد من تحتنا
عز الله اني ماحسبت الحسابات
والله ترى سيارتي موصلتنا
يازين ممشاالارض لو هي مسافات
عند الشعيب مجهزين قهوتنا
وش جابني لطايره والمطارات
والله ماعود ركوبها ان نزلتنا
لو تنفجر قامت تذيع المحطات
رح عاد دور قشنا مع جثثنا
وسلامتكمـ وصح لسان قايلها
شايبنا الله يحفظه
عاد انا رديت عليه بثلاث ميه وخمسين بيت يوم ركبت القطار
والحمدلله كلهن ملك إلا ثلاث ميه وعشرين بيت منهن ايجار
وفيه من ضمنهن احواش للايجار اللي يبي يستاجر يسويله شبك غنم
لاااااااااااااااااااااا الحين موضه الغنم راحت اللي يبي يسويله شبك اسهم
الحوش بالف ريال بالشهر <<<<<< تقل طلعت عن الموضوع
رد مع اقتباس
المشاركة الأصلية كتبت بواسطة المتوقد
المفضلات