أستإذن

[مجرّد]

غبت يومين عن المضايف
اتيت مشتاقاُ لها
دخلت ليلاً كـ عادتي
احمل قلمي الجاف من الثقافه !كما قالوا لي
دخلت بهدوء
انظر يمنى ويسرى
انظر إلى المضايف
علني اجد شخص اعرفه كـي اتكلم معه وأساله عن اخر اخبار مضايفنا
جاء إلي كحيلان مبتسم
اهلاً اخي مجرد قلم
كيف حالك ؟
الحمدلله
كيف حالك انت ؟
انا بخير
دوم يارب بخير وعافيه
يدوم عزك يامجرد
مشينا نسولف مع بعض
سمعنا صوت عالي
نظرنا في اتجاه ذالك الصوت ( معصب )
من هذا الشخص ياكحيلان ؟
هذا المسك ..
اطلق كحيلان تنهيده .!
شفيك يا كحيلان ؟
عن اذنك مجرد أبي اروح اكتب اخر التوصيات في مضيفي
خذ راحتك ولاتنسى ترجع مثل اول بالردود
ابشر من عيوني
كحيلان راح يركض إلى مضيفه
نظرت إلى احدى المضايف
لقيت وحدتن ( رافعه كمومها ولابسه طاقيه بنيه وقرونها طالعة من تحت الطاقيه)
وجنبها ثنتين وحده منهن معها دلال والثانيه فيها عجله من مشيها
يمشن بتجاه شخص جالس على كرسي
جت وهي تكز هالشخص وهو يطيح من الكرسي
المسكين قام وغير المضيف والبنتين اللي جنبها يضحكن ويشجعن
وهي تجلس مكانه
استغربت من هالبنت القويه وذبحتن الشفاوه ابي اعرفها
مر بجنبي الزقروطي عرفته لانه راكب فرس ومتطلم ومن تشوفه تحبه
سلمنا على بعض وهو عرفني ماشاءالله عليه من الرجال الاولين يعرف بالدم
الزقروطي تشوف هالبنت هذيك اللي جالسه على الكرسي
ايه اشوفها
بالله منهي ؟
ماعرفتها ؟
لاوالله معرفتي قليله هنا بالاعضاء
هذي كلي بكم اعجاب
والبنتين اللي جنبها تعاليل واخر العنقود
ههههههههه بالله عليك
ليه شعندك تضحك ؟
لاوالله بس مشوين كزت واحد واجلست مكانه
ضحك الزقروطي اي هذي اقوى وحده بالحاره
تصدق انا شكيت باللي معها الدلال وبس تنقل دلالها ماشاءالله عليها
لكن اخر العنقود ماعرفتها
اي اخر العنقود ...
يالله عن اذنك مجرد
وين يالزقروطي ابي اسالك ؟
مستعجل والله ابي امر على المضايف ابي ارد على المواضيع
الله يوفقك بس يالزقروطي ليه تواجدك صاير قليل عسى ماشر ؟
مامن شر ...
على راحتك
راح الزقروطي وهو على فرسه البيضاء
قمت اتمشى بالمضايف
لقيت واحد معه جهاز وينادي يابو غازي
من عين ابو غازي
يابو غازي
اشك ان هالشخص ابو مرشد
وربي ذيب ماينسى صديزه
كملت مشيي
في ثنين جالسين جنب بعض
عرفتهم واحد حاط سكسوكه وانيق
والثاني تحس انه مهموم وحزين
احمد الطرقي وهاني العجل
ماشاءالله عليهم فاهمين لابعض زين
وتجي من قدامي وحدتن مسرعه
شعرها اشقر ومتبته
وهي توقف عند وحدتن معها وغدها
اي عرفتهم ايمان وام طلال
ام طلال وشفيتس ياايمان مستعجله
بروح انزل اهداء للمطنوخ مشاركاته 5000
ياحبتس للاهداءت ياايمان
شو ياام طلال من صرتي اداريه وجودك بالاهداءت قليل ليه
إن شاءالله ارجع زي اول
طلال كل شوي يمه امشي
جت وحدتن عند ام طلال والظاهر انها الريم
يحتسن بصوت قصير حاولت اسمع وش يقولون لكن حسافه
مر بجنبي واحد يركض ومعه ثوب
ويلحقه واحد
الا هذا المطنوخ والاصيل
ماشاءالله المطنوخ ماتوقعت انه وسيم ودمه عسل
والاصيل ماهو بعيد عنه
جميع اللي بالمضايف يحبهم وينادون عليهم تعالوا بهذا
فديتهم فرشات المنتدى
يمين مضيف العام في بنتين كل وحده جالسه على كرسي ومايتكلمن مع بعض
الظاهر انهن متزعلات
اي اي عرفتهم
سيدة القلم والملاك غيداء
سيدة والملاك عرفتهم
سيدة القلم قامت من الكرسي
وتزاقع النساء فيهن وفيهن
بقلبي قلت اموت واعرف وش مسويات الحريم لاسيدة القلم
جت عندها وحده جزاك الله خير
وتهدي فيها وتنصحها
اي عرفتها هذي ريوف الشمري ماشاءالله عليها راعية دين
رحت ابي اشاركهم الحوار
مر بجنبي صلفيق مستعجل
ياصلفيق وين قال في قصه امش
مشيت معه
ودخلنا مضيف القصص بنص المجلس واحد تحبه من تشوفه
كلامها عسل ونيته صافيه ويعطيك من السوالف الزينه
مشعل الغفيلي اكيد هذا والله اني عرفتوه من سوالفوه
وجنبه راعي الوقيد وراعي الطيب وهايس الشمري علوم رجاجيل
جلسنا تقهوينا
والزقروطي يقرمش من هالبقل
الا اسمع حديهم يقول جاء ابو سلطان
وقفت قلت بروح اشوف ابو سلطان
رجال كبير وجسم ماشاءالله عليه ولابس نظارات
راح عند باب المضايف
وفي ناس اول مره اشوفهم شكلهم جدد يبون يسجلون
اسمع ابو سلطان ياناس وش فيكم اللي اسمه انجليزي مايدخل
دخل مجموعه معه واعطهم سنع اوراق وقال لهم تفضلوا شاركوا
وراح يجلس في مضيفه اللي فاتحه للاعضاء
ودخلت عليه المجد تطالب بمركز التحميل
مشيت مادري وين اروح
مشاركاتي قليله في المواضيع لا اسباب اخاصه
احب الصمت وتصفح المواضيع والمضايف دون صوت
مريت على المضيف العام
محمد الشمري وفيصل الحمود ماقدر افرق بينهم
مغترب يسال عن عبدالرحمن وينه ماشوفه ؟
قلت بطلع من هالمضيف احس راسي يوجعني اذا دخلته



السلام عليكم ورحمة الله وبركاته

مافكر احد فيكم لماذا شفته بهذه الصوره

هذه هي فكرتي العامه عن بعض الاعضاء مبنيه على خيالي ومن
التـوقيع ,والصـوره الشخصية ,والنكات , والحوار

الغيت تفاصيل كثيره ,واسماء كثيره خوفاً من ردود الافعال

اتمنى لاحد يزعل علي

وقبل ان إغادر المنتدى حبيت اسلم عليكم واودعكم راح اغيب شهر تقريباً

سامحونا على العاميه

مودتي

مجرد قلم

[عبدالعزيز]

كثيييييييييييييييييير الشهر يابوقلم وش دعوا؟؟ لاإجازة تبي تبدا والربيع بدى يحمس!!

الضاهر انه الفصل المؤقت للفاتورة واللي يدوم لشهر


غيبتك ان قدره الله تبي تبقى بنا أثر يالغالي فأتمنى انه ماتطول ولو طالت ثق ثقة تامة انك تبي ترجع ومكانتك هي نفسه ماتغيرت بقلوبنا ..

موفق خير يالغالي ولاجيت عطنا انطباعك الجديد

[صلفيق ابو قناة]

عزيز وغالي يبو حميد

بنفقدك مار لا تبطي علانا وقيل علينا

تروج وترجع بالسلامة

[شام]

جولة مكوكية مضائفية ...
اخي مجرد قلم ..
ماشاء الله عليك ..
وتروح وترجع لنا بالسلامة ..

[شريف روما]

هههههههههههههههههههههه
ياسلاااااااااااااااام عليك والله اني عشت الدوووووور

وعزالله انه مايخفى عليك شي
كل هذا انا اعرفوه لاني كل يوم موجود ام انت مو كل يوم
اثاريك تعرف خفايا مايحدث خلف الكواليس

سرد رااااااااااااااااااااائع
تأليف جميل ومن غير مجاملة والله من افضل ماقرأت بالمضايف
ليه ماتبين بالفلة عزالله يطلع منك شي رووووووووووووووعه

وبالنسبة لغيابي
ظروف ياهندس وراح تعدي على خير

لاتتأخر علينا
نتحرى رجعتك

وترد لنا بالسلاااااااااااااااامة

[المطنوخ]

مجرد قلم

شهر...؟؟!

ياخي حرام عليك

لو قلت لنا 3 ايام تكاثرناها .....شلون شهر.!!

لكن ماقول الا عسى الله يوفقك ويسدد خطاك وين ماوجهت

وانت من الناس اللي تنفقد وربي ....لكن عزاءنا انك وعدتنا بالرجوع

:
:
:
:
التحليل هذا ماراح يمر بسلام من عندي
لكن منتظر عودتك
وعندها راح اتولاك بنفسي
علشان تعرف شلون تخفي عننا هالكنز الدفين..


تقبل جل مودتي واحترامي عزيزي


تحياتي

[تعاليل]

نظرت إلى احدى المضايف
لقيت وحدتن ( رافعه كمومها ولابسه طاقيه بنيه وقرونها طالعة من تحت الطاقيه)

^
^
ههههه جـــودي آبـــوت

وجنبها ثنتين وحده منهن معها دلال

^
^
تعــاليل راعية المعاميل

يمشن بتجاه شخص جالس على كرسي
جت وهي تكز هالشخص وهو يطيح من الكرسي
المسكين قام وغير المضيف والبنتين اللي جنبها يضحكن ويشجعن
وهي تجلس مكانه

^
^
^
عصــــــــــــــابه ماحنا بنات
خواتي خواتي .. نبي نزبــــن الأسري أغدينا
نتعلم الأتيكيت ..

تصدق انا شكيت باللي معها الدلال وبس تنقل دلالها ماشاءالله عليها

^
^
^
معـــاميلي .. مارخص بهن ولا أبيع
غالياتن علي .. هاليودعن أنوقل بهن من مكان لمكان











أخوي العزيز ::
مجــــــــرد قـــــــــــلم ..

وش هالموهبه
أشووووووى أنك ما شاركت بمسابقة الفله
تسان عــــــــجوووبه ... مالها ذتسر

ولا أنا غاسلتن أيدي من الفوز





مــجرد قــــــــلم ..
لاتحرمنا من هالــــــــــــزين ..


تعاليل

[مشــــعل]

اخوي مجرد وقلم

لن نقول الا انها ضروف وتزول انشاءالله
وتعود بعدها

وتأكد باننا بانتظارك
والمضايف كذلك

[هايس الشمري]

مجرد قلم



تروح و ترجع بالسلامة ان شاء الله

[سيدة القـــــلم]

_ـ_ـ_

مرحبَاَ مُـ ج ــرد قلم

يمين مضيف العام في بنتين كل وحده جالسه على كرسي ومايتكلمن مع بعض
الظاهر انهن متزعلات
اي اي عرفتهم
سيدة القلم والملاك غيداء

لم يكُن هُناَك " زعــل " كمَاَ تفضلت..

فنحنُ اخواَت مُتحَاَباَتٍ فِي الله ..نجبُر كسُور بعضنَاَ .. وننُاصح بعض .. كُل مَاَهُناَلك ..

انكَ اتِيت بوقتٍ كُنَاَ فِي ذروه انشغَاَلناَ ..

هِي كَاَنت مشغُوله بالحث علَىَ " المُقاَطعه "

وأنَاَ كنتُ مشغُوله بـِ أنـَاَ وبجمع " الزنَ ـاَبق "
لأصنع منهَاَ قِلادة اُعلقُهَاَ بِـ عُنقي لِيتدلـّىَ نَاَحِيه قلبِي


هَذَاَ كُل مَاَفِي الأمر ..



.

.

.

اسألـ الله ان يحفظك فِي حِلك وترحَاَلك.. ويستُرك فُوق الأرض.. وتحت الأرض.. ويُوم العَرض

.
.
حـ ق ـيقهٍ..
سا نفتقدك يا مجرد قلم..

اتمنَىَ لك التُوفيق

كُن بخِير

_ـ_ـ_





.