نقطة ( بركات الشمري ) مع الضوء ..!!!
و في ثاني اسبوع نحن هنا
لتسليط ( نقطة ) من الضوء على
شاعر في غنى عن التعريف .... و التعريف غنيّ به
هو شاعرنا المتألق دوما و أبدا
( بركات الشمري )
!!!... و أترككم مع هذه الحواريّة الخفيفة .. الممتعة ...!!!
1- مَن هي ؟
هي هذيك ..اللي نستني للحنين
...... واتركتني .. في دهاليزه ! .. أضيع !
مشتريها بـ دم قلبي .. والسنين !
....... للأسف وبكل بساطه ! .. هي تبيع !!
2- لماذا هو ؟
يمكن عشاني من احبابه وخلاّنه !
....... وآخر قصيدة قراها ...... وانعمى بعده !
ويمكن عشاني مليت بقلبه الخانه !
........ ويمكن عشاني وعدت وماوفى بوعده !
3- متى ذلك؟
كانت قبل عامين........ أو أكثر شوي ..
.......... نبني من اغصان الشجن حلم وقصور !
والحين شوفي ماحصدنا .. ولا شي !
........ إلا ّ بقايا اجراح ... مع حلم ... مكسور !
4- كيــف؟
مدري ! ولكن الأكيد ....اتركتني !
........ عايش ولا كني مع الناس / .. عايش !
راحت ورى هاك الغياب ونستني !
........ بس آتأمل بيتها ....../ .. والدرايش !
5- ماذا فعل ؟
خلاّني انزف ضيقة الروح .. للناس
....... خلاّني أرحل من عذابي لـ عذابي !
أبسأله هو يملك اشعور وإحساس !؟
....... وإلا يحب يشوف .. ضيعة شبابي !؟
6- ما رأيك بالاسئلة بصراحة؟
تلمس الإحساس .. فينا والشعور !
......... للمدى توصل .. ولا توصل .. مدى !!
نور ليل .. إن قلت يشبه.. ليل نور !!
........ كذبة ٍ والصوت .. مو مثل ... الصدى !
لكم الود
الدهور
رد مع اقتباس
المفضلات