(((( بـيــروتنـــــا ))))

[فيصل حمود]

شاعرنا القدير مشعل الغفيلي

قصيده جزله ومعبره ورائعه بدون مجامله ابدا.

لاهنت وصح لسانك.

[هايس الشمري]

قال الذي مـن عـزة النفـس مابـاح
لاشـك جـور الوقـت بيـح كنيـنـه
عديت انا حيـدٍ عـن الخلـق منـزاح
فوق الوطا ياحمود مـن حيـن حينـه
يذكـر مخاليـقٍ قضـى ذكرهـا وراح
واشيـب عينـي مـن توالـي سنينـه
قعدت في راسـه ابـي البـال ينسـاح
وانسـى جـروحٍ بالضمايـر دفيـنـه
قمـت اتصبر..لكـن الدمـع فـضـاح
والوقـت يفضح..والخلايـق تعيـنـه
"كـذاب" منهـو قايـل الرجـم دمـاح
انشـهـد انــه للهواوي غبـيـنـه
دليت اصوت وارفع الصوت "ياصـاح"
واحسـب مناعيـر العـرب سامعينـه
ياحمود وقتـك يافتـى الجـود ذبـاح
للذيـب هزلـه وللحصانـي سميـنـه
تنعـاف دنيـا مالفـت منهـا الاربـاح
قامـت تغيّـر يابـن الاجـواد ديـنـه
"ال ك ل ب" عاوي واصبح "الذيب" نباح
ليـت السلامـه للنشـامـا رهيـنـه
.
.
.
وكريـم يابـرقٍ علـى ديـرتـي لاح
ليـت المـطـر بديـارنـا ذاكريـنـه
بعض العرب في وسط "بيروت" مرتـاح
"وبيروتنـا" ياحمـود باطـراف "لينـه"
ياحلـت الفرصه..وقيـل الحيـا طـاح
"والفقع" شافو له علـى القـاع عينـه
نبي لنـا مـع خيـرة الربـع مـرواح
والكـل منـهـم خـوتـه خابريـنـه
ياماحـلا وان هـب ذعـذاع الاريـاح
وكلـن تجهز...والهـدف عارفيـنـه
من فـوق جيـبٍ قاطـع الـدو نـزاح
يـروج روجـات البحـر بالسفيـنـه
منوة مهرب مع "هراويـن" "وسـلاح"
اقفـى يشـوح ودولـتـه طالبيـنـه
انشهـد انـه كاسـبٍ كـل الامــداح
مـن صممـه ياعـل تسلـم يميـنـه
يزرق كما زرق القنـا زرق الارمـاح
ويبعد بنا عن شـوف ضـوح المدينـه
نبي لنـا عنـد "الشمـالات" مصفـاح
وسـط الديـار اللـي جذبنـا حنينـه
نبـي نـزوره قبـل نــزاع الارواح
من قبل مايوضع علـى الـراس طينـه





مشعل




رائعة من اول بيت لاخر بيت



صح لسااااااااااااااااااااااااااااااااانك مليووووووووووووون و لا هنت



جزل يا بعدي


اخوك

[مشــــعل]

شاعرتنا الدهور

صح بدنك

وشاكر مرورك الكريم

[مشــــعل]

شاعرنا بشير اللويش

شهاده اعتز بها

تسلم يابعدحي

[مشــــعل]

ياسر الحربي

لاهنت يالطيب

تشرفت بمرورك

[مشــــعل]

شاعرتنا ريوف

تشرفت بمرورك

وتشرفت بشهادتك

وجزاكي الله خير على التنبيه

شكرا اختي

[مشــــعل]

صح بدنك يانواف

لاهنت يالبناخي

شاكر مرورك

[مشــــعل]

هلابك يالاصمعي

صح بدنك يالطيب

لاهنت على هالمرور

[مشــــعل]

مجاهد وقت

تشرفت بمرورك الكريم

وشهادتك اللتي اعتز بها

لاهنت

[مشــــعل]

حياك الله يافيصل

صح لسانك

ومرورك بحد ذاته شرف لي
لاهنت