(((( بـيــروتنـــــا ))))

[مشــــعل]

المخاوي

هلا يابعد حي


وصح بدنك يالطيب

[الكاسب]

.

قال الذي مـن عـزة النفـس مابـاح
لاشـك جـور الوقـت بيـح كنيـنـه
عديت انا حيـدٍ عـن الخلـق منـزاح
فوق الوطا ياحمود مـن حيـن حينـه
يذكر مخاليـقٍ قضـى ذكرهـا وراح
واشيب عينـي مـن توالـي سنينـه
قعدت في راسه ابـي البـال ينسـاح
وانسـى جـروحٍ بالضمايـر دفينـه
قمـت اتصبر..لكـن الدمـع فضـاح
والوقـت يفضح..والخلايـق تعيـنـه
"كـذاب" منهـو قايـل الرجـم دمـاح
انشـهـد انــه للهواوي غبـيـنـه

صح لسانك يامشعل


وكريـم يابـرقٍ علـى ديـرتـي لاح
ليـت المـطـر بديـارنـا ذاكريـنـه
بعض العرب في وسط "بيروت" مرتـاح
"وبيروتنـا" ياحمـود باطـراف "لينـه"
ياحلـت الفرصه..وقيـل الحيـا طـاح
"والفقع" شافو له علـى القـاع عينـه
نبي لنـا مـع خيـرة الربـع مـرواح
والكـل منـهـم خـوتـه خابريـنـه
ياماحـلا وان هـب ذعـذاع الاريـاح
وكلـن تجهز...والهـدف عارفيـنـه
من فـوق جيـبٍ قاطـع الـدو نـزاح
يـروج روجـات البحـر بالسفيـنـه


قصيد جزل يامشعل

صح لسانك مرة ٍ اخرى ولاهنت

[مشــــعل]

صح بدنك يالكاسب

واعتز بشهادتك

لاهنت يالطيب