يامن شرى له من حلا (سويت) له علة:)
السلام عليكم
سالفة (يا من شرى له من حلاله علة)
هذا يا طويلين العمر من سنيوات مضن أي قبل "عقدين من الزمان"<<ركزوا وليرحم والديكم ترى مهو دايم اذكره
نرجع لسالفتنا كانوا الناس توهم وادزعين بالتتن قصدي بالشاهي وهابينن به ولي يحصل له كاسة شاهي تسن حاصلٍ له شراب بايسون بهالوقت
وكانوا يقصّدون :
[poem=font="Simplified Arabic,5,skyblue,normal,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
الشاي يذكر يم ايران =عند العجم خابر ساسه
لا يا بعد لجة الحيران=طق الخواشيق بالكاسة[/poem]
والآخر يقول
[poem=font="Simplified Arabic,5,skyblue,normal,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
الشوق سكر وانا له تساي=يغدي خوى الراس وعماسه[/poem]
المهم فيه واحدٍ مرهيٍ الله عليه ويحب المدح والطهبلة شوي ، سوى له شبه شاهي بس وكل يوم وهالزقرت عاتسفين عنده وابريدز شاهي يروح والاخر يجي لين يمسون ، وكل يوم وهم على هالطاروق ويقصدون عليه لزوم الترفيع عشان ما يقطع بهم بعد ما صاروا شبه مدمنين
من عرض قصايدهم به يقول حديهم:
[poem=font="Simplified Arabic,5,skyblue,normal,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
يا ما حلا وقت العصر مسيارنا لبو حلا=هو الحلا من ربعنا وغيره نسميه الصريم
للشاي يشري والحلا مهما بأسعاره غلا= انا اشهد انه مكرم وطبعه بعد طبعٍ كريم
أول ما يسمع من حضر كلمة هلا يا مسهلا=وشاهي ربيع مخدرٍ أحمر مثل دم الظليم[/poem]
(الصريم) يقولون انه يقصد شيخهم بهالتسليمة وهي الي خلته يحقد على ابو حلا زود
الظليم ذكر النعام يمدحون دمه للروماتيزم
والحدرة الي تبي تجيكم بعد شوي معناه التسوق
تخبرون هكالوقت البدو ما يجيبون مقاضيهم الا من حدرة لحدرة وهذي ما تجي على الكيف ، فخاف ابو حلا ان الشاهي يخلص ، ويدري هالزقرت ما يرحمون يبون يقلبون عليه وابو حلا شف وشيصير اسمه ، لذلك قام يقلل من الورق ويخفف الشاهي ليما صار ماء بسكر والورق يالله يغير لون الماء ، وهالشعب يدفون وشعارهم شي حلال ربحه بيِّن
على هالحال ليما صار ما لايمكن توقعه
هقوتكم وش صار
واحد من زباين شبته الرسميين والملقب بالمفراغة لأنه يفرغ اباريق الشاي وحتى بيالات ربعه لو بدزي بهن شي ، المفراغة وعقب ما دف من البريدز لين زغرتت تسبده وهو يقوم ويمشي خطوتين وهو يتمايل ويمسك بعمود البيت سلامات شفيه ما فيه الا يوم دقس على فرته وهم يخمونه وللمستشفى ولكن القدر صار اسبق وهو يتوفى المفراغة
المفاجئة ان تقرير الطيب عزا الوفاة لارتفاع السكر ، وش الاسباب ووش سالفة هالمرض الي أول مرة يسمعون به ، قالوا هذا السكر ويجي من كثر الحلا
الحلا!
الحلا!
ولا يطري عليهم الا ابو حلا قالوا هو الي ذبح فلان ووراك ودونك وطلايب وعلم خايب قال شيخ القبيلة ابو حلا لازم يدفع الدية ويجلي عن العرب سبع سنين<<حاقد عليه قام ينافسه والعالم كله مسنتره عند ابو حلا وهو مدزابل دلاله ما لقا الي يصبحه بالخير
ابو حلا يوم وصلت الأمور لهالحد وهو يتنهد ويقول كلمته ال صارت مثل
((يامن شرى له من حلا (سويت) له علة))
ومع الوقت وهو ينحرف المثل ويتحور
.
.
سلام
رد مع اقتباس
المشاركة الأصلية كتبت بواسطة مشعل الغفيلي
المفضلات