استنكار
جتني علوم كلها اليوم تذكار
صاحت شمال الارض وصاحت جنوبه
اهل البقر قاموا يهزون الاذكار
وحنا الهدف طاحت يدينا مغلوبه
وتوحدوا بغايتهم يملا النار
شتم الرسول اول غاره عدوبه
والكارثة يامسندي تركهم عار
لصار ضعف اليد ماهي محسوبه
اضعف صغار الكون كله ترى ثار
شر تفجر والنفوس محطوبه
توقد لضاها باللهب اشعل الدار
راس الفتن جرد ساسه بطوبه
تظاهروا بافكارهم ومدوا ستار
بايسر سبل تكاتفوا بسير الغروبه
وتواردت تفصيلها يوم الاحصار
وقف شعر راسي وشيب بنوبه
ابشع عبارات بهالكون ماصار
رسولنا ينهان وسط العروبه
ياحيف ياعز العرب وين بتار
كيف المخازي والديار محروبه
اما حياة كلها عز بكبار
والا ممات بالوطن ساوموبه
لاتشتري عرض الرخم صار منهار
خله علف تطاه ولوعاندوبه
آكالة الخنزير نصابة البار
صفر الجباه عابدين ذنوبه
هذا قليل وبخاطري شيء مادار
لكن حلاة الثار وقتن مشوبه
عبدالمجيد الخريصي
اخو مغيضة
رد مع اقتباس
المفضلات