تهزأنا وحتى سيرلانكا<>وصرنا نخاف إيران أتغزينا
ألا يالله وش حنا جنينا
على الأسلام بس حنا مشينا؟
وكل الذنب بس حنا خلقنا
في وقت الذل بين بالجبينا
نبي ننغض على أعدانا ولكن
حكوماتٍ تكبلنا بدينا
حكوماتٍ تكبلنا وحنا
نشوف اللي تحدانا بنبينا
مغير الشجب في حرقة علمهم
ونروح أنام ماكنا درينا
ألا وين الصحابه وين خالد
يشوف الروم وش قالوا علينا
تهزأنا وحتى سيرلانكا
وصرنا نخاف إيران أتغزينا
ألا مكثر قبايلنا ولكن
بقينا كالأناثي ساكتينا
ألا وين الصحابه وين سعدٍ
أبي وقاص يشوف أشصار فينا
يشوف الحال ماوالله بحاله
على الجمره وكنا قابضينا
ويشوف القدس تبكي ثم تبكي
بيدين المعتدين الغاصبينا
وذي بغداد ياطارق حزينه
بيدين المعتدين الحاقدينا
وذي كابل تستسلم بديهم
وسوريا صارت الصيد الثمينا
وهذي ختامها خلوني أبكي
ودمعي يهل وأنتم نايمينا
وجاب الخالدي من جور مابه
قصيدٍ من عنى وقته سمينا
يجيب الشعر من عنات قلبه
يارب فزعتك لاتغضب علينا
أحمد بن مبارك
رد مع اقتباس
المفضلات