افزعوا لي يالطنايا ......

[أطلال]

افزعوا يالطنايا ؟؟

وان فزعنا يانوف ؟؟

قاصراتٍ يدينا .... دون عاد الحروف !!


.
.

اختي العزيزة " النوف " .. فردتِ مساحة بيضاء .. لسيدة البياض ..

واخجلتي اختك مرتين .. من أمها ومنكِ ..

فلا أنا بذات حرفٍ يليق بـ أمي ..

ولا أنا بذات قامة كقامتك وقامة من دعيتيهم بحروفك .. ولا حتى من مروا هنا ..

وصدقتِ يانوف فأمر الكتابة عن الأم .. شئ لانستطيع الامساك به ..

وان حاولنا فأقصى مانستطيع هو أن " نشطب " كل شئ .. لتبقى " أمي " مجردة من شوائبنا ..

وشوائب حروفنا التي قد يكون وضوحها بحضرة البياض ادانة لها بالسواد والا لما اتضحت ..

فدعينا نقرأ .. لانكتب .. وهي صفحة للقراءه مدى العمر ..

سأقرأ يانوف .. ولن أكتب ..

.
.








وش أ بكتب ؟؟
وهي مداد .. هي شعور ... وهي خيال .. وهي فؤاد ..
يعني أصل الحرف هي ..
شي .. منبع كل شي ..
ما لقيت أشياء تكتب ..
قلت أشطب ..
لين ما يبقى كلام غير " أمي " ..

وان كتبت اسمه وشالي ما كتبته ؟؟
..... وان شطبت اسمه .. وشالي ما شطبت !!
كل شيٍ لو كسبت امي كسبته
..... وان خسرته .. خاسرة .. مهما كسبت !!

العواطف .. والمشاعر .. والوجيه ..
والأحبه .. والمكان الي نجيه ..
والورق .. والنبض .. وحروف القصيد ..
والي نشتاق ونبيه ..
كلها ممكن تروح !!
والأثر " كومة جروح " !!
الا واحد .. نبعد ونرجع اليه ..
" قلب أمك .. قلب أمي "
ما سألنا النفس ليه ؟
لأنها كل الحروف الي كتبنا ..
من ملامحها نلون ما رسمنا ..
هي أصل كل المشاعر .. لأجل هذا ..
كل ما نبعد عثرنا ..
ونرجع ندور عليه !!

قلب مغسول بعطر ..... روح منسوجة بياض
قلبها غيمة مطر ..... تنبت الطيبة فياض
كل ما أكتب له سطر .... جف تعبيري وغاض !!

وش أبي بك يالسطور ؟؟
ماتكفين الشعور ..
" أمي " نكتبها هنا ..
داخل أقفاص الصدور ..
طاهرة كله بياض ..
والحبر ماهو طهور ..
أمي يبغى له مكان ..
أشبه بعش الطيور ..
نبعد ونرجع اليه ..
لأنها القلب الوحيد ..
الي يبغانا بصدق ..
كثر ما حنا نبيه ..



.
.


مدادي جاف بطبيعته .. فكيف بي أمامها يانوف !!

احترامي ..

أطلاااال

[هايس الشمري]

نوف



علشان الفزعة بس




و مهما كتبنا مقصرين














[poem=font="Simplified Arabic,5,white,bold,normal" bkcolor="transparent" bkimage="" border="none,medium,gray" type=1 line=1 align=center use=ex num="0,black"]

يمه انت اكبر من.. "تواصيف القصايد"= و "اكبر اكبر".. من كلامٍ خاطري وده يقوله
كنت ناوي اكتب فيك من جوفي فرايد=والمصيبة.. "هالمعاني" عند وصفه لك خجوله
الحروف بحور!!.. و جفت ما بقى فيها مدايد= تستحي منك القصايد كلها.. "عرضه و طوله"
لن مدحك في عيونه.. يُعتبر بالحيل كايد=كيف تقدر في حروفه تمتدح.. "بنت الزحوله"!!
ليلة البارح.. ذكرتك غرّق الدمع الوسايد=و اختلط دمعي بحبري.. و اعلن الدفتر ذبوله
آه يمه.. كن في صدري من الحرقة وقايد=اتقطع.. و اتذكر.. عهدي ايام الطفولة
غربتني عنك دنيا كلها.. "هم و نكايد"=صابرٍ فيها قويٍ سالكٍ درب الرجوله
و انت يمه امريني.. يا بعد كل البدايد= خادمك.. لو تطلبين المستحيل... الا اطوله
.
.
.[/poem]


و شكرا لك

[احـمد الـطـرقي]

بحر الشوق

العذب

بركات الشعر

ريوف الشمري


اطلال الشعر

هايس الشمري




تفاعل يبيض الوجه



وفزعه ترفع الراس



بارك الله لنا فيك يانوف اطربتي الذائقه بنشر الدفء هنا

في احرف الرائعين


وانا هنا متواجد ومبهور


وموعود مع روائع قادمه وستاتي


تحياتي


.
.
.
.
.


موعود

[بتول آل علي]

أختي الغالية
نوف الفهد



قرأت هذا الموضوع منذ فترة ...!!!
و لكن عجزي عن الإتيان بما يفي
هو الذي أخرني عن الرد


و لكنني جئت أخيرا لا لأضيف شيئا
بل لأضيف لذائقتي شيئا من النور المنثور هنا



شكرا لهذه الأقلام



الدهور

[نوف الفهد]

الشاعرة المبدعة الرائعة وأختي الغالية جداً على قلبي
°ˆ~*¤®§(*§*)§®¤*~ˆ°أطلال°ˆ~*¤®§(*§*)§®¤*~ˆ°

الله عليك يا أطلال .. والله أخجلتيني جداً .. وحسيت إني ماقدمت ولاحرف بحق أمي .. وأنا فعلاً من يوم مابديت أكتب ومن قبل لا أكتب عجزت أوفي ربع أو عشر معشار من حق "أمي"
ماقول غير الله يطول بعمر أمك وأمي وكل الأمهات .. وصح الله لسانك يا أطلال عدد ماتحبين توصلك لو كنتي وين .. صح لسانك مليون ولايكفون ياشاعرتنا .. وألف ألف ألف شكر على التواصل والتواضع وتلبية الدعوة .. ولي الشرف وجودك ياعيون نــ بنت الفهد ــوف ..

دمتِ يا الغالية

أختك
نــ بنت الفهد ــوف

[نوف الفهد]

الشاعر القدير والمبدع
][®][^][®][هايس الشمري][®][^][®][

ارحب يالقرم .. عز الله إنك أجودي .. ولاخاب ناخيك .. عز الله إنك ولد نشامى .. كثر الله من أمثالك .. وعسى الله يطول بعمر الوالدة يارب ويحفظها ويخليها لك ويخليك لها يارب .. صح الله لسانك على هالإبداع .. صح الله لسانك ولاهانت يمينك طال عمرك .. ومثل ماقلت مهما قصدنا بها مقصرين .. وأشهد إنك ماقصرت على إبداعك ووجودك اللي شرفني ياطويل العمر ..

دمت بكل الود

أختك
نــ بنت الفهد ــوف

[نوف الفهد]

الأخ القدير
والشاعر العبقري المبدع
][`~*¤!||!¤*~`][أحمد الطرقي][`~*¤!||!¤*~`][

صدقت ياخوي يا أحمد فزعة الطنايا تبيض الوجه .. وحروفهم تدخل القلب بسرعة .. بس أنا مانسيت ولابنسى أنك وعدتني بالعودة ولكن العودة بإبداعك .. فلا تبخل علينا به .. لاتنسى إني طلبت الفزعة .. وبما إنك من أهل المضايف فلابد أن تفزغ ..

دمت بود سيدي

أختك
نــ بنت الفهد ــوف

[نوف الفهد]

أختي الغالية جداً والعزيزة جداً والقديرة والرائعة
][`~*¤!||!¤*~`][الدهور][`~*¤!||!¤*~`][

عزيزتي وجود اسمك الغالي بمتصفحي المتواضع هو شرف كبير بالنسبة لي ووسام فخر .. وزاد الشرف بتلك الكلمات الرائعة التي قيدتني وأعجزتني عن الشكر .. لايسعني سوى أن أشكر لكِ وجودكِ معنا .. وأشكركِ على الرد الرائع ..

دمتِ كما أنتِ غالية عالية

أختك
نــ بنت الفهد ــوف

[][أحساس مجنون][]

هذه فــزعه متواضعه ...

في حرفها وبساطتها اهديها

لاغلى البشــــــر ...

((( أمي )))


يمه .. يايمه

غربتي .. أتعبتني ..

والحزن طواني ..

يايمة فديتك ..

فديت قلبك وروحك

*

*

*

يمه ..

الهنى عقبك غابت مواريده

يمه ..

الصدر ضاقت به تناهيده

يمه ..

احلف أني لك مشتاق ..

والله .. اني مشتاق ..

يمه فديتك ..

وعسى يطول عمرك ...

ودوك عمري فدوةٍ لعيونك ..

*

*

*

يمه ..

رجيتك .. هاتي عنك الحمل الثقيل ..

هاتيه على كتوفي عنك .. اشيل ..

يمه ..

انا .. كبرت وصرت رجال ..

زينيني بناظر عيونك ..

طالعيني .. شوفيني ..

صرت رجال ..

يايمه ..

شفتي اشلووون

أنا مو صغير كافي تدلليني ..

شوفيني .. كاشخ ..

وهم بعد .. لابس عقال ..

ومابقى غير اقول ..

يالله شوفي لي بنت الحلال وزوجيني ..

*

*

*

يايمه ..

ودي اسولف لك عن غربتي ..

هو صحيح تعلمت فيها الصبر والجلاده

وزان الشقي طبعه .. بالركاده ..

بس يايمه ..

مافيه مثل حنانك

مافيه مثل قلبك

ونبضك .. وصدقك

شفت ناس يايمه ..

يظلمون .. وهم يضحكون !!

يكذبون ولا يستحون !!

ناس يايمه ..

لا ضمير .. ولا .. ذمه !!

والصديق يلزمه .. منفعه !!

يووووووه يايمه ..

العدو ابرك منهم !!

شفت كل شي غريب ..

طبعهم يمه عجيب ..

ماعلينا منهم ..

لهم يوم يايمه

يوقفون قدام ربهم..

*

*

*

يمه ..

أقولك شي ..

اولدك .. يحب ..

بنية ولا كل البنات ..

عفيفة .. طاهره

صادقة .. شاعرة

احبها يمه انا بجنون ..

والله اني في هواها مفتون ..

يمه

بعدين اكملك ..

سالفه طويله عريضه ..

*

*

*

علميني بس انتي وشلونك

طمنيني يالغاليه عن علومك ؟؟

يمه ..

أحبك .. يانبض شوقي وحنيني

ياسر حسي وجنوني ..

يمه ..

لا


لا.. أنا طفلٍ صغير

مشتاقلك ضميني ..

محتاجلك لميني ..

وش معنى اخوي الصغير تضمينه ؟؟

يالله عاد انا ضميني ..

وهاتي راسك ابوسه ..

ورجولك اقبلها ...

فديتك يايمه

فديتك يايمه

ا
ح
س
ا
س

مجنــون

[نوف الفهد]

][أحساس مجنون][

مجنوووووون بحروفك .. بإحساسك .. بحبك لأغلى البشر .. عسى الله يطول بعمرها ويخليها لك .. ويخليك لها .. ويعطيك كل ماتتمنى .. ويرجعك لها بالسلامة يارب .. إحساس روعة .. وحروف صادقة .. وكلها لعيون "ست الحبايب" .. أشهد إنك قرم على هالفزعة .. ولاهانت يمينك هاللي كتبت .. فعلاً روعة .. وصح الله لسانك ..

دمت ولاهنت طال عمرك

أختك
نــ بنت الفهد ــوف