أرجو أن تعذروا تواضعها
فهي وليدة ليلة واحدة
هنا أمي
[poem=font="MS Sans Serif,5,burlywood,normal,normal" bkcolor="black" bkimage="" border="none,medium,gray" type=3 line=1 align=center use=ex num="0,black"]
هنا كلمه .... هنا ميدان=هنا حب و هنا تِحنان
هنا الدنيا و زينتها=تضيع و مالها عنوان
...................
هنا مرسى سفن همي=هنا عشقٍ سكن دمي
هنا قصة بداياتي=هنا الجنه .... هنا أمي
..................
أحبك وش تبي توْفِي=يا حضنٍ ضاع به خوفي
قِصر ثوب الشعر دونك=و تاهت عندك حروفي
..................
فؤادي جاك بأشجانه=يدور فيك عنوانه
يتوه و لا وصل بَرِّك=لقى في عينك أوطانه
..................
كُبرت إلا على أمي=أجي (طفله) و هي يمي
تدلعني .... ترقصني=و تهوى شَمّي و ضَمّي
..................
أداري .... و إلا.... ما أداري=بنظره تعرف أخباري
و تفهم وش روى صمتي=و تلمس ثلجي و ناري
...................
عليّ تقسى صحيح أحيان=تجي عند الغضب بركان
و إلى من طالعت وجهي=غدت مثل المزن هتّان
..................
يضيق الكون بعيونه=إذا وجهي شَحَبْ لونه
تحوم من الأسى حولي=و تذبل خضرة غصونه
.................
غلاها فطره و سنه= و بِرِّه درب للجنه
عسى ربي يقويني=و أحقق بي حِسِن ظنه
................
أثور إن شِفتْ دمعتها=و أدور غصب بسمتها
و إذا راقت رحل حزني=و مات بصوت ضحكتها
...............
أداري من يداريها=و أحَشِّمْ قَدر مِغليها
و أحب الأرض و ترابه=إذا لامس مواطيها
...............
ألا يا كِثر ما قَصَّرتْ=أنا معها و لاقدّرت
و لو أسقي الثرى دمعي=فلا عن ذنبها كَـفّـرتْ
..............
نعم يمه .... كِتبْ حرفي=و أنا أدري فيك ما يكفي
عشانك فَزّتْ أقلامي=و لجلك حِبرها نزفي[/poem]
رد مع اقتباس
المشاركة الأصلية كتبت بواسطة العذب
إلى أمي أولا ... و أم نوف ثانيا .... و أخيرا إلى كل أم
المفضلات