good moorning
معليش يالربع ثقافتي انجليزيه الله يهدي الشايب يوم ولدت
وصار عمري 9 شهور بعثني للخارج علشان اللغه تقوى
المهم
الله يصبحكم بالخير
كنت حاطن راس ابي انام لكن تذكرت اني ما نزلت الموضوع اللي مقطعن
كبدي وانقز من فراشي واستلم الكيبورد
السالفه وما فيهاااااااااااااااااااااااا
اجازة الربيع تخبرون يزين فيهاااااااااا طلعات البر
وكنت ناااااااااوي اطلع مع ربعي اللي داااااااايم اطلع معهم لكن حظي المقرووووود
طلعني مع شباب من الجااااااامعه ويا ليت اني ما طلعت
الشبث لا تستعجل باقول السالفه
يالربع اتصل علي واحد من الشباب فالجامعه وقال انا جايك في طلب ولا تردني
وانا ووجهي مسوي فزعه قلت ابشر بالسعد
قال الرجال نبيك تطلع معنا صوب النعيريه قلت في نفسي
( والله اللي جبتها لنفسي)
قال الرجال وش قلت قلت خلاص ابشر
متى بتطلعون؟؟؟؟؟ قال بكره الصبااااااااح
والاغراض والعزبه جااااااهزه
سكرت من الرجااااااااال ورحت انام كانت الساعه 10 مساااااااء
ابي اصحى من صلاة الفجر ما ودي اتاخر على الربع
اذن الفجر وصليت ويوم قضت الصلاه اتصلت على الرجااااااااال
الاهو مقفل جوااااااااااااااااااااااله
انتظرت (ابطيت عظم)
جا الساعه 12 فالظهر الا والرجال يدق علي وبدم بااااااااااارد يقول صباااااااح الخير
قلت يا صباااااااااااح الزفت (الله يكرمكم) قال وراك معصب
قلت لا طال عمرك ما فيه شي
قال المهم وينك قلت انا بالبيت قال خلاص انا مارك بالرنج
قلت خير انشاااااااااااااء الله
شوي الا واسمع صوت الهررررررررررررررررن واطلع ارحب الا انا في رجاااااااااجيل
تقول انهم من امريكا
جنوز وقمصااااااااااااان وجل وشي يشيب الراس
المهم ركبت وانا الوحيد اللي لابس ثوبي ومتعصب بغترتي
مشينا وشوي واقول لخويي هذولا اللي بيروحون معنا قال ايه ماهم مالين عينك
قلت صلى على النبي من اللي قال فيهم شي مجرد سؤااااال
وانا اقول في نفسي يا علي خل الفزعااااااااااات وقولة تم تنفعك
المهم ما لكم فالطويله فااااااااايده
وصلنا النعيريه ويجونك ينزلون ويقوم التصوير تقول المصاااااااااريه فالاهرررررررررررامات
وانا اصيح عليهم يالربع تعالو نصو الخيمه قالو لا معطين عامل فلوس ينصهاااااااا
قلت والله البلشه والله اللي حرررررررام عليهم طلعات البر
المهم نزلنا الاعزبه الا واشوف دينه مقبله صوبنا وهم يصاااارخون الحمد لله جت الاغررررراض
وانا اقول لا والله فيهم الخير جايبين قعود الربع والله اني ظلمتهم
ويوم قربت منا الدينا الا وانا اشوف شي يفجر الراس
تدرررررررررررررررررررررررررررررررررررررر ررررون وشو
الربع جايبين غسالة ملابس وميكروويف وفرن (بوتو قاااااااااز)
وثلاجه و غرفة نوم
وانا اقوم وأسالهم وش ذا قال واحد فيهم هذي من متطلبات الحيااااااااااه
قلت ليت من متطلبات الحياااااااااااة انك تجلس في بيت امك وتاكل تبن
قال لي ووووووووااااااااااااااااوووه يا وحش جرحتني
وانا اقوم واقول للرجال اللي طلبني انزل معهم الشره علي اللي قلت لك تم
المهم جا الليل وانا اقوم افتش بالعزبه ابي لي قهوه
وافتح العزبه والقى تشيز بقر وجبنة كيري واندوووومي
وبايسن ومريندا برتقال وفيمتوووووووووووووو
واصيح فيهم وين القهوه قالو ما نحب الاشياااااااااااء هذي
وانا اقوم واتصل في ربع لي واقول لهم انا فالنعيريه متعطل واحد يجي يفزع لي
ويجي واحد من ربعي و يوم قرب منا فزيت وطلعت له واقول له مشيناااااااا
قال خلني اريح عند اخويااااااااك شوي وبعدين نمشي
قلت اقول امش انا اللي باسوووووووووق
ما ودي الرجال يدخل عليهم ثمن يجيه
سرطااااااااااااااااااااااان فالمشااااااااااااااااعر
ومن بعدها حررررررررررررررررمت ما اطلع البر مع احد ما اعرف انه حق بر
وسلامتكم
رد مع اقتباس
المفضلات