[align=center]
بسم الله الرحمن الرحيم[/align]
متواضعه
تقف صاغره بين يديكم
على أمل أن تنال الرضا والقبول
الـــوجـــيـــه
[poem=font="Simplified Arabic,5,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
أنا ماني على كيف الوجيه اللي تحراني=ولاني مزعلٍ نفسي على شان ارضي الزعلان
ولاني مرضي اللي مايهمّه كانه ارضاني=ولالي شفقه لعين الذي ماهو علي شفقان
هلا باللي قطع لي طول عرض الارض وان جاني=باحطه في عيونٍ تحتضن من شوقه الخلان
وامد الخطوه اللي تقصر الغيبات وان كاني=تعنيت العنا مقصور للي شرّع البيبان
واذا مديت خطوه للخوي اللي تناساني=أبارجع الف خطوه لين كن اللي جرى ماكان
ظهر وجه الزمان وكنت احسب الطابع انساني=ندمت اني نسيت ان البشر موصوف بالنسيان
انا مشكلتي ان اللي طعني حسبة اخواني=الا يالذ,,, طعنات الشجاع ان جات من العدوان
واذا الطعنه قفى بكتوف ماني مفرز الجاني=انا الجاني علي بهقوتي في هالزمان اخوان
وانا وهذا الزمن باهله اذا مافنيه افناني=ولاني هايبٍ جرة حبل من قرصة الثعبان
باقدّر واقتدر وارفع حجاجي واكرم العاني=وامد اللي قصرها غيري لحلق ادمي جيعان
واخلي من يجيني كني اللي جيته ان جاني=كأن البيت بيته دون ماللي حرّم الرحمّن
مادري طيب ولاّ فلسفه بس دام وصاني=أبوي اللي موصى باتبعه واوصي الورعان
على وقت الرخا ماصار يعجز قاصي وداني=على رفع القصور وقولت انه فلان ولد فلان
من اول بالجنايز نفرز الاول من الثاني=مهو هالحين صرنا نفرزه بالجيب والنيسان
على رغم الدراهم والشجاعه واللي اشقاني=قبل ماكسب نتيجة جهدي بلا حيفٍ ونقصان
رضخ وجه الزمان اللي بدا يومٍ تحداني=وحرصت اني اشوف اللي رماني لاغدى ينهان
على وقت الرخى واللين للمظلوم والجاني=كسبناها من اول شالغريب لياكسبت الآن
ورثنا صيتنا من صيت ناسٍ تظرب الفاني=طعونٍ واسعه واصحون يحضن قلبه الحيران
على هدي النبي واللي سلف وبعقدة ايماني=وخطى الصديق والفاروق علي وعثمان بن عفّان
عرفت ان القلوب السود تفرح حين حرماني=لاجل هذا غدى اول هالقصيدة مبدأ وعنوان
انا ماني على كيف الوجيه اللي تحراني=ولاني مزعلٍ نفسي على شان ارضي الزعلان[/poem]
عبدالستار مثقال
رد مع اقتباس
المفضلات