قلت برسمهـا بخيالـي دام خفاقـي أسرهـا ــ صرت أوّصفها مـلاكٍ تاخـذ عقـول البريّـه
جادلٍ مشرق ضياها ما ظهر نـور وجهرهـا ــ خدّها كنّه وربي ماخذ مـن الشمـس ضيّـه
والشفايف جمرٍ أحمر ويل قلبي مـن ثغرهـا ــ أدري أني لو أذوقه ما غدت روحـي ضميّـه
قدها الميـاس صاير خيزرانـه فـي نهرهـا ــ والله إنهـا لا تثنّت تربـك النفـس السويّـه
صوتها الفاتن أسرني ولّع الروح وسحرهـا ــ صرت أهوجس في هواها نسمة الفجر العذيّـه
جـادلٍ يالله دخيلك شايـف المـوت بنحرهـا ــ العطور تفوح منها وأحسـب إنهـا مزهريّـه
فاتنه مـن حـد رجليها إلـى غـرة شعرهـا ــ يعني إن الله عطاها مـن الحلايـا اليوسفيّـه
آه من ليـلٍ غشاها وأتعـب متـونٍ سترهـا ــ قلت بسري ليلها للصبـح والخيـره خفيّـه
يالله إن ظروفها تسمـح ولا يـوم تعسرهـا ــ ثم تناديني تعـال حـط أدينـك فـي يديّـه
وأجي (.....) والتقي فيها على شاطي بحرها ــ لين أشوف (.....) تغني يـا هنيّـك ياهنيّـه
حلوةٍ ربـي خلقها تسـرق القلـب بنظرهـا ــ لين أمـوت وهالحبيبه باقيّـه بالقلـب حيّـه
وسـ ـلامتكم
رد مع اقتباس
المفضلات