مات السؤال وكفنته المشاريه"........."بالفكـر شـب وشايـب فـي لسانـي
عم القصايد وأبو الأشعار لبيه"........."مرسول صعلـوك القوافـي حدانـي
أشرب ضماي بكف تذكر نواديه"........."شيمة هلي شمر وطيبـة صخانـي
وألبس سماحة شيخ قدره معليه"........."سوى الردي شانه وانا الطيب شانـي
جد المراجل أن خثع من مباريه"........."(يابا ..شقد تغدر..أذيابـه حصانـي)
والرفقه اللي خانها كود أنا أكويه"........."بالطيب وعلـوم الرجـال ومعانـي
ولد الردي لو مهجة الروح أعطيه"........." لاتامن المضراب حدر البطانـي
حتى أيش لو أنك رفيق مصافيه"........." يضحك بسن وداخله شخص ثانـي
لاصرت له تشكي على من تشكيه"........."جيته وفا كلـي وبالغـدر جانـي
الموت ماهو موت حي(ن) يلاقيه"........."الموت دفن الجرح بيـن المحانـي
لامن سطابك وأنت مافيك تطريه"........." شقول ؟رمحي وأرتكز في حصاني
لاهو لقى حتفه ولاني مخليه"........."بين الرجا والليـأس صمـت الثوانـي
أبي أذبحه وأحييه وأطربه وأبكيه"........."حتى بمنامه فـي أحلامـه يرانـي
هذا وعد ماأشهر أسمه ولا أطريه"........."يكفي يعرف أني عرفتـه أهدانـي
رد مع اقتباس
المفضلات