سنتن من السنين
وعامن من الاعوام ( اجل عامن من الرجاجيل )
وفي بداية ظهور مدينة الرياض قبل كم سنه
وبالتحديد في حي عليشه ( حول جامعة البنات ) تسان حدا خوياتنا تدرس به
كان فيه حارة مهي تسبيره بالحيل ولهي صغيره بحيث ان الواحد يحتقره
وكان بالحاره جيران متكاتفين
وهم
ابو غازي
وسلمان النبهان
وابو سلطان
والاصمعي
وراعي الوقيد ( هذا عايلتوه صغيره توه متزوج )
المهم ان جارهم ابو غازي نوى انوه يشتغل بالتجاره ( تخبرون رواتب الحكومه ماتوكل عيش )
وقرر انوه يفتح محل
وبالفعل فتح المحل ابو غازي وضبطوه وجاب الجيران يتفرجون عليه
قال ابو سلطان ماشاء الله يابو غازي وش تبي تحطوه
قال ابو غازي ان شاء الله مخبز
قال النبهان اييييه يابو غازي خلنا نشبع خبز من خبز ام العيال
قال ابو غازي ومنهو اللي تساذبن عليك وقايلن لك ان ام العيال هي اللي تبي تخبز
قال النبهان اجل منهو اللي يبي يخبز ؟ لايكون انت يابو غازي هه هه هه ( ضحكة تمسخر )
قال ابو غازي لا يالغبر ابجيب لي هندي يخبز .
قال النبهان اييييه زين هاللون
قال راعي الوقيد بالله يابو غازي ورن صك المحل
قال ابو غازي والله تبطي عظم !
قال راعي الوقيد ليه يابو غازي ؟
قال المحل باسم ام العيال ولا ابيك تشوف اسمه
قال راعي الوقيد وليه ماحطيتوه باسمك انت
قال انت ماتعرف النظام ؟ النظام مايسمح للعسكري انوه يحط محل يالغبر
مالكم بالطويله
جاب ابو غازي عاملن هندي اسموه المطنوخ
وقام يشتغل بالمحل .
بس بوه مشكله !
هالهنيدي مايعرف يخبز الا تشبادي ( خبز الهنود )
اهل الحارة بالبدايه ادهرو بالمحل ليما تسمم حدا عيال الاصمعي (والفال مهو لعيال ابو خالد )
واشتكا الاصمعي عند الشرطه ويالله يتنازل عن الهنيدي الخبل
وتنازل الاصمعي بشرط انوه ماصير خباز عقب اليوم
وتحول هالهنيدي اللي اسموه المطنوخ الى حلااااق
ومن اول يوم قام يحك روس اهل الحاره
ومافيه واحدن بالحاره ماحك دماوه
والواحد منهم يدخل راسوه مستدير ويطلع بدماغ مثلث او مستطيل
وبيوم من الايام دخل عليه شنقل ولد ابو سلطان وقص اذنوه
ومره دخل عليه سرحان ولد ابو غازي ونتف رموشوه ( مانبتن الا عقب العيد )
ومرتن دخل عليه الشبث ولد النبهان وقص خشموه ( كان يبي يحلق كلاسك .توهم طايحين به )
الوكاد ان ابو غازي سفر هالهندي اللي مادري على وشو جاي ياصار لايعرف يخبز ولا يعرف يحلق
الله العالم انوه حتى بنشري مايعرف
بس هذولا حنا مايعجبنا الا الاجنبي ( يعنني خبير اجنبي )
وجيتك منهم مدري عنهم
وتقلدوا تحيتي
رد مع اقتباس
المفضلات