كبوة جــــــــــــــــــــــــواد !!!!!!!!!
الأحبه الرائعين في مضايف الشعر والأدب.
ويبقى البوح للمضايف حلماً وحباً افخر به
لكم أنتم فقط
:
:
:
:
[poem=font="Simplified Arabic,5,crimson,bold,normal" bkcolor="transparent" bkimage="backgrounds/23.gif" border="outset,medium,darkblue" type=2 line=0 align=center use=ex num="0,black"]
((كبــــــــــوة جـــــــــواد))
ياليل وش عذر السعي لإجتهادي=والوقت صادق في مواعيد كذاب
أسري بعذري والضياع إمتدادي=ويشيلني مخلب زماني على ناب
ياليل كـم دوّرت غاية مـرادي=وأنته يطل بصفحتك نجم وشهاب
ياليل أنا فارس طرحني جوادي=كبوة جواد وشارب الحب ماتاب
أسوق للحلـم البعيـد إعتقادي=ويعود به من قاسي الوقت نهّاب
ياسيّدي غرد على الغصن شادي=وذكّرني اللي ماتناسته الأسباب
مابين غيمٍ يغِرِق رضاه وادي=وبرقٍ فتح له في عيون الرجا باب
آمال وأحلام وغرام ومبادي=مرسولها ياطير ودى ولا جاب
ناديت واسأل عن صدى من ينادي=ويرجع صداه بوحشة جبال وشعاب
مرّت سنين وصادق الحلم غادي=وأنا على رجواي خايف ومرتاب
الهم شربـي والتباريـح زادي=والحظ يرمي له زمانين ماصاب
من يومهاعايش بسجن إنفرادي=أجمع شتاتي وأنثر أبياتي أحباب
وآخذ وألوّن من بياضي سوادي=والليل زيّن صفحته نجم وشهاب
شعر/ عبيدالله العرابي
((بعيدالنظر))[/poem]
رد مع اقتباس
المفضلات