مساء الخيرجميعا وياليت تعذروني عن قله المشاركه لاني كل يو م بديره تقول كداد
تاكس ثانيا الي يعرف خبر عن شخص لقبه نسناس الشمال كان بمنتدى شمر اذكره قبل حوالي ثلاث سنوات او اكثر وتقبلو وافر احترامي
قصتي مع الثور وهي كا الاتي
فيه واحد من اقاربي ما اذكر اتصل على الا فيه كارثه او يبي يجني علي بكارثه
ومانجتمع لو دقيقه الا وتدمع عيوننا من الضحك وكبودنا تتقطع الاشي من الكهكهه
المهم اتصل علي صباح يوم من الايام وكان الجمعه الساعه التاسعه الصبح
وقال صباح الخير يا عابر وقلت اصبحنا واصبح الملك لله انت وايش عندك من الكوارث
قال لا ياعبور اليوم الكارثه بيدك لا كن عجل تعال بشكلك وتقهو عندي بمزرعتنا
قلت بشكلي عاد لو تشوف شكلي تهج وتترك المزرعه قال تمام هذا الي انا ابي
فيه علوم ابي اشوف من الي يهج لا كن تعال قلت جمعه وابي اتروش واتجهز للصلاه عطاك الذهاب قال تعال ربه ساعه وكلنا نبي نصلي ما حنا كفار
ركبت سيارتي ورحت له طبعا لبست ثوبي لورحت له بشكلي باع المزرعه من الخوف
قلت وش عندك يا الوجه السمح قال منزين وجهك انت عاد حول تقهو قلت عسى يقهوونك العلاج مانت واعي حولت وخذيت نص فنجال والباقي من الفنجال رشيته عليه طبعا من قوه الميانه
وسألته وش عندك ياوجه السعد من نكبه قال انت مسوي فيها قوي علي لاكن كان بك قوه وخير شف الي بالحوش قلت وشو قال اطلع فوق الدرام الي جنب الجدار وتعرف رحت وطلعت فوق الدرام وطاح بي الدرام اول مره (طبعا الدرام البرميل) طاح المره الاولى والثانيه عدلته وشفت الي بالحوش
وش شفت شفت الكارثه واكبر كارثه ثور قرونه ثلاث امتااااار ويطلع من خشمه هواء تقول عباره جمس مخبط ومطرود اضافره مايله تقول ربابه جسمه تقول ياكل باليوم خمس شحنات برسيم المهم اني شفتي على طول نسيت اسمي والغبي قعد يضحك وقلت ليش تضحك قال عليك ياالعابر اضحك ليش (......) على روحك سلمت ملابسك قلت نسيت اسمي الحكي
لاكن انت وايش تبي تسوي قال نبي نحمله بالدينا الواقفه هذي قلت ومالقيت الا انااصارع الثور يوم الجمعه قال تر يقولون موتت الجمعه ماعليها حلوه قلت حلوه لا كن ماهو على قرن ثووور ياثووور
المهم تفاصيلها طويله لا كن ابي اختصر دقيت اللطمه (اللثمه ببعض اللهجات)وخذيت الحبل الاحمر
وقلت يا انا يالثور وقال كفوووووووووو بصوت عالي فقع اذاني وروع الثور وشكل الثور زعل وقال خلهم لين يدخلون الحوش طبيت انا مع الجدار ماهو مع الباب ويوم نزلت بالحوش الى الجدار بعيد ما اقدر اطلع الا مع الباب طول الجدار مترين ونص وانا طولي حول المتر والستين سنتمتر
مالكم طويله جاني الثور او هو الفيل او هو الديناصور من الروعه ما صرت اميز من سرعته
جاني يمشي 240طبلون كامري ليمتد ويديه ياناس تصدقون كوعه يديه من السرعه تدقر بقرونه
راح العابر لاكن الله ستر وصرت اراعي للجدار لاكن بعيد ومن قوه قوه قوه الخوف نقزت ثلاث امتار اطور من حدالجدار بنص متر وتعلقت باجدار وخويي يوم دري اني سلمت وقع من الضحك
لاكن ما دخل بالبدايه معي للحوشالمهم دقيت سلف ونسيت نعولي الله يكرمكم
ورحت وقلبي يرجف مليون نبضه واتصل علي خويي قلت انت ومزرتك وثورك الله يجعلكم حطب
لا تتصل علي ورقمي ابي الغيه فكنا شرك كليوم تحرث على قبري
ارجو ان تنال على اعجابكم لما فيها من المصداقيه وحصلت علي بالفعل ولدي المزيد من الموافق الطريفه الخطره جدا ولا كن بالقريب والمعذره لشده انشغالي عن منتداكم الرائع
مه وافر احترامي للجميع
العااابر البقعاوي ..............
رد مع اقتباس
المفضلات