مجرد نصوص انتثرت تحت وطأة برد ..
تأمل ذاتها في الوصول لكم ..
.
.
:: أنقاض !! ::
[poem=font="Simplified Arabic,4,white,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
أنا وطن شاسع .. ولكنه أنقاض = وأنا دفا .. بس الشتا مقتفيني!!
وأنا عيونٍ دمعها ما بعد فاض = بس الكحل مغسول من وسط عيني
وأنا هدوء .. وضجة .. وسهد .. وإغماض = صحرا .. وكل الغرس مزروع فيني
مشكلتي إني ما تعلمت الإعراض= عمن يغيب وذكرياته تجيني
يبقون لو مجرى مواصيلهم غاض = مثل العروق اللي براحة يديني
هذا لأني ما أعرف وشو الماض = ما فات حاضر بين روحي وبيني
جيت الدفاتر والورق خالي وفاض = أبي دفا .. قالت سطوره عطيني
عزاه .. لا والله تهنيت بإغماض = وعزاه يالي طينتك مثل طيني
دمعي وقلبي .. كنهم .. سحب وفياض = يجف قلبي لو وقف دمع عيني !!
وبردٍ نحلني لين حولني أنقاض = ما أبيـه .. بس المشكلة هو يبيني !! [/poem]
.
.
:: برد!! ::
[poem=font="Simplified Arabic,4,white,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
يا ضيقتي .. هذا الشتا ما تعداك ؟ = ما يكفي البرد الشمالي بروحي ؟؟
غير الشتا بك برد ما يعرف الاّك = هبايبه جرح وأنا لي جروحي
خوذي بقايا بردك وروحي هنااااك = الله كريم ويدفي الحرف بوحي
روحي ببردك لا رحم من ترجاك = خلاص ما أبيلك دفا .. بس روحي !![/poem]
.
.
:: ليه ؟؟ ::
[poem=font="Simplified Arabic,4,white,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
يوم فك البرد أبواب المكان = انكسرت من الجهات الأربعة
لا بروحي للدفا أية ضمان = ولا بقى بي حيل حتى أمنعه
وامتلت بالأسئلة عوج المحان = بس صوت الحل منهو يسمعه ؟؟
ليه أحس البرد مخلوقٍ عشان = ينثره برده وأجيه وأجمعه ؟؟
وليه أحس الدمع كاسبي رهان = تذخره عيني .. وحرفي يدمعه ؟؟
وليه بعض الحزن نخفيه ويبان = وان شبعنا منه .. هو وش يشبعه ؟؟
ليه .. ليه .. وليه هي الامتحان = الي ما هو بأي حلٍ يقنعه
ليتني لا طحت من عين الزمان = دام ما بي ما يحقق مطمعه..
يا يوصل قلبي لبر الأمان = يا يجيب الله وقوعي في سعه !!
دام قلبي بالصبر ما هو مدان = والشتا عندي فصوله أربعه
ودام كل البرد مخلوق عشان = ينثره برده .. وصدري يجمعه !![/poem]
.
.
:: زينه !! ::
[poem=font="Simplified Arabic,4,white,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
هل الغمام ولا رويت أطرافي = اللي تولاها العطش من حينه
والبرد شاركني خفيف لحافي = لا واهني منهو يفارق عينه
صحابي إحساس القصيد الغافي = وراح العمر كله على تلحينه
بردٍ يدور له خفوقٍ دافي = وأنا الدفا والله مدري وينه
ديّاني وجاني يبي يستافي = هو باقي بيٍ ما يسدد دينه ؟؟
يكفي نحولي .. والذبول الطافي = على ملامح وجهي .. ويا بينه ..
ما غير أجامل من خفاه الخافي = ولا جف عوده في شباب سنينه
لا من سألني عن جفاف أطرافي = وعن حالي .. وحالي مهو من زينه
وأجاوب بردٍ مهو بالشافي = جواب من أمره مهو بيدينه
(زينه .. وقلبي طيبٍ متعافي) = وإلا ( لهو "عافي" و لاني " زينه " !! )[/poem]
.
.
عذرا لكل هذا الصقيع !!
.
.
تقديري للجميع ..
أطلاااال
رد مع اقتباس
المفضلات