السلام عليكم
معزوفه قد لاتليق بشموخ حروفكم
ولكن حبً في مقارعة الكبار احببت ان اجازف
اتمنى ان تنال بعضً من الرضى والاعجاب
[poem=font="Simplified Arabic,6,silver,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
في ليلةً ياجعلها ماتعادي=شغلت انا الموتر بداعي الزياره
نويت اوجه يم غرب البلادي=يم الخوي اللي يحب النماره
صالح بن مقبل(1) كريم الايادي=طلق الحجاج القرم كله شطاره
شهمً عريب الجد وجن المعادي=حرً يحب الطيب ولو هو خساره
ذيبً على الطولات تلقى اجتهادي=زبن الدخيل وشف راع الاماره
حركت انا الموتر بهون وركادي=ثمً سلكت الدرب وكلي حذاره
شغلت صوتً ماهو بصوت لعبادي=ولاهو بصوت هيفاء بنت الدعاره
صوتً على حب الكرم والعبادي=يطرب شجون الذيب بمعنى العباره
ومابين حلو الجو ولفح البرادي=يسج بي التفكير عند الاشاره
وقف بصفي ذاك كنه يعادي=جمسً على ماقيل كله سماره
ومابين نظراتي وحب المرادي=نزلت نوافذه بسمو وخياره
ثمً لمحت اللي بهرني وصادي=ريمً خلق بكل فن ومهاره
زينً على زين العيون وايادي=وخدً كما قطعة غيوم بحمــاره
متلثمً يشبه لطير الهدادي=حلوً وزينً مع جمال انتظاره
ثمً نظر لي في جمال انفرادي=قال العفو ماني بنوره وساره
ماني من اللي تنرحم بالبعادي=اللي تعرض لي يشوف احتضاره
قلت السلام وطاب كل المرادي=ماني على الدنيا كثير افتراره[/poem]
وسلامتكم
دواس البراهيم // راعي السبعان \\
(1) صالح بن محمد بن مقبل الناصري التميمي من اهل قصور المقبل غرب منطقة الرياض
رد مع اقتباس
المفضلات