يالربع والله هالسالفه صحيح
ههههههههههههههههه
هذي ضحكة وناسه مع شوي خجل
طبعا الجميع يعرف اني رايح بالرجلين ولا عندي من الفهامه شي
عاد جتني حضرة جناب الوالده وقالت فيه بنيه ابي اخطبه لك
قلت بس عندي شرط
قالت وشهو
قلت اهم شي انتس انتي تبينه يا مامي ( دلوع هالولد من يومهو وغد )
قالت والله يا ماي ولد اني ابيه لك ( بعد حضرة الوالده دلوعه طالعه لي )
قلت اتكلنا على الله
قالت مامي بس اسمع لا تعلم احد الين نروح لرفحاء بالعيد حتى ابوك
نبي نضع ابوك امام الامر الواقع ( راعية خطط حربيه )
قلت نو بربلم نهي مشكله
المهم انطميت على شحم ليما رحنا لرفحاء
وبيوم من الايام كنت استعد ابي اروح مع شباب للبر نبي نخيم ( الولد ناسي الخطبه والله من
الفهاوه بهالراس )
وهي تدق علي الوالده قالت وين انت
قلت والله عند العيال نبي نخيم بالبر
قالت تعال ابيك هالحين
قلت يمه تبين تخاويننا !!
قالت تعال يا *** ؟!!
وانا اطير يمه
ويوم جيته قلت نعم يمه وش تبين بسرعه الله يخليتس لا يروحون العيال ويخلوني
قالت انت نسيت اننا نبي نخطب لك
قلت ايوالله هاه يمه وش تبيننا نسوي
قالت انا الحين كلمت ابوك وهذا هو جاي نبي نقول لوه ونروح للربع
قالت هاه تم
قلت عشرين الف تم
قالت اخاف تبي تروح مع العيال
قلت خليهم يولون الله ياخذ وجيههم اصلا ابقطع علاقتي بهم
مالكم بالطويله
جاء حضرة الوالد
واجتمعنا بغرفه وحده حنا الثلاثه
ويوم بدة امي بالكلام وهي تصكن ام الركب ( حسيت بحرارتي ارتفعت )
وبعد ماخلصت امي من الحتسي وهو يراعيلي ابوي بعينن قشرى
وانا ابرطم
هو يبتسم
وانا ابتسم
وهو يرجع لنظرتوه الاولى وانا اغمض من الخرعه
قال تبيني اخطب لك
قلت لا اخطب لامي بالله وش رايك يعني
قال خلاص بعد العصر نروح يمهم ( بهالحتسي حنا الضحويه )
ويوم جاء بعد العصر وانا اروح لامي قلت وين ابوي
قالت مدري عنوه
وانا اتصل عليه قلت يبه وينك
قال انا عند فلان اتقهوى
قلت يالله انا جايك اطلع لي لا ادخل عليك واخربه معك تفهم ولا لا
قال وش تقول
قلت ما اقصدك اقصد خالي
المهم مريتوه وخذيتهم لبيت الربع
ونزلت ابوي عند الباب وقبل يدخل قلت تعال يالحبيب انت تعرف اي وحده تخطب
قال لا
قلت ياحبي لك اذا قمت تستهبل
بالله تخيل انك نكبتني وخطبت الشغاله
يالله يا يمه درسيه وعطيه العلم لا والله توصل معي انزل ومغطوه بهالشارع
قال انت من تعني
قلت اقصد خالي ( راح فيها الخال )
ومالكم بالطويله بعد خطبو الربع من الربع وانا فركت له خارج رفحاء
هههههههههههههههههههههههههه
هذي ضحكة خجل
وتقلدوا تحيتي
رد مع اقتباس
والف الف الف مبرووووووووووووووووك لقلبك الطيب 
المفضلات