![اقتباس](images/misc/quote_icon.png)
المشاركة الأصلية كتبت بواسطة فلاح العماش
أحبتي
بكل الودّ
متواضعه أصافح بها قلوبكم
الأهداء حصرياً
للجازي
صوره مع التحيّه
( لبرقعها ) ....!!
.
.
.
[poem=font="Simplified Arabic,4,white,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
الجازي اللي لو قصيدي كتبها=طار الفراش بدفتري / بين الأضلاع
طيّب أذا بعض الحكي ماعجبها=طيّب أذا حبر القلم بالورق ضاع ...؟!!
تزعل .. تثور .. تضيق .. تبدي غضبها=أو أنّها تسكت أذا قلبها طاع ...!!
على العموم الله يبارك عتبها=فرصه سعيده والرضا سيد الأوضاع
لأنها أروع وأشهى وأبهى=ابي أتمادا شوي وآصير طمّاع ...!!
تضمى وتشرب .. مدري الما شربها=من حسنها حتى الحجر لاحكت ماع ..!!
هي علّمتني كيف قلّة أدبها=جت تهدي لقلب الشقي سلّة أوجاع
مالذّ من حبّة كرزها / عنبها=كل الهدايا سكّر / أحيان نعناع .....!!
بس أنّها غلطه وقلبي شطبها=هي مادرت أنّي شقاوي وملتاع
فدوه لها كل الجروح وعربها=راع المحبه والهوى غصب ينصاع
محدٍ من الترفات جا وغلبها=ماتشبه الا نفسها شكل وأطباع
حتى القمر لو شافها قد خطبها=تسوّي الهوايل فيه ويموت مرتاع
أم العيون اللي طويلٍ هدبها=الله خلقها سود وكبار ووساع
عيون ذبلانه ترف من تعبها=كن جفنها شبعان ورموشها جياع
هي فتنةٍ سبحان ربٍ وهبها=للبرقع اللي حاولوا فيه ماطاع ..
يرزّها وترزّه ولو جذبها=شكل النقاب وطلّته لون خدّاع
يالله عسى بوح المشاعر عجبها=يكفيني بس تقول / روعه وابداع ...!!
وأنا الوحيد اللي الى من كتبها=غنّى الغمام بدفتري والحكي ضاع ...!!
ياحلوها بعض الذنوب أرتكبها=فيها من السكّر على شوي نعناع ...!![/poem]
.
.
.
دمتم
,
المفضلات