مالذي يحصل مع نوف ؟!!

**تعاليل** · 19-01-2006 13:46

ريووومه ... سلمي على نووف وقولي لها
تعاليل تسلم عليتس ... وسوي الآآآآتي

أولاً : إن ما كان عندها خــدامه .. تنام بالليل وتصبح بمكاتب الخدم
وتقدم على لها طيــرة شـــــــلوى .. لإن اللي فهمتوه إنها تشتغل .. وخصوصاً
المــدرسه تعاني كثير

... ولما ترجع البيت لآآزم ترتاح مو بوجهها على المطبخ
والغسيل والتنظيف .. حرااااااااااااام مهـــي مكــينه .. <<< حتى المكينه تنــفجر من الضغط ..

ثانيــــــــاً .. تحــاول إنها تفهم أقاربها والجماعه .. إنها تعمل ... والمرأه العامله ما تقدر تطلع خلال أيام الأسبوع
وتعتذر بأسلوب لطـــيف .. وتأجل حياتها وزياراتها الإجتماعيه للويك إنـــد ... إلا إذا كان فيه شئ ضروري

ثالــثاً ... تحــــــــاول تآآخذ أوقات راحه .. مثلاً إذا يوم من الأيام شافت عيالها طفشانين ويبون يطلعون
تلبسهم وتكــشخهم .. وتعطيهم أبوووووووهم وتقول له العيال يبون يطلعون .. وتطلعهم مع الباب وتسكر
من وراهم ... ورررررررررررررررركض للفراش .. كذا تضرب عصفورين بحجر ... الأول إنها قربت
وقوة العلاقه بين الأب وعياله .. ثانياً إنها أخذت قسط كافي من النووووووم

رابعــــــــــــــــاً: وأهم شين إنها ما تتنازل عن حقها من النووم بالليل .. تحط لها توقيت تنوم فيه عيالها
يعني إذا هم طلاب مدارس ولا شئ ... حدهم تسع ولا تسع ونص إلا وهم نايمين .. وتجلس باقي الوقت
مع ابو العيال ... ليــــــــــن مثلاً الساعه 11 .. .. وتــفهم الجميع إن هالوقت خلااااااااص نهايه اليوم
تحط راسها وتنام ... والكل في البيت لآآآزم يحترمون التوقيت ... يعني مو العيال ينامون متى ما يبون
والأب يسهر ويجي متى ما يبي .. التــــــــــــــنظيم مهم ..

وصـــــــــــــــــــــــــــدقيني إذا عملت اللي قلت لها ... هذا علمها بالشــــــــــــــر ..

لإن كــــــــــــــــــــل اللي فيها .. إرهاااااااااق وقله راحه ... هاللي يودعها ساعات تضيع
العالم والناس من حولها .. لآآآآآآآآآآآآآآزم تريح نفسها ... حتى المخ يبي يرتاح ..

**شموخ** · 19-01-2006 15:36

هلا ريووووومه

شكل عندها وسواس قهري ( أخس يالطبيبه النفسيه شخصت الحاله على طول من الأعراض )

فانت من خلاله تغيب عن الدنيا لساعات لاتعي ماحولك

( النوم )

ياليتني لو مره أنام ومااحس باللي قريب من الغرفه خلي اللي حولي اللي حولي صعبه ان ماحسيت فيه ميته

والله حقيقه أقولها نومي مره متعب تصدقين المشي اللي في الصاله المقابله لغرفتي والا الممر اللي قدام غرفتي يصحيني ويطيرالنوم عشان كذا والله انبه ممنوع احد يمر من عند غرفتي او يقرب منها لأن نومي مغير ساعتين وأصحى أناظر الساعه تقولين عندي موعد وارجع أحاول أنام حوالي ساعتين واصحى على هالحاله وعاد ايام الدراسه اغلب الاوقات مغير ساعتين بالليل وان كثرت اربع متقطعه يتخللها فاصل اعلاني اللي هو مناظر الساعه

بس الحالة الي تجي نوف انها ماتدري وين هي تجي بعض الاشخاااص اذا كان متعب او مرهق لأنه مره صارت لي يعني الحمد لله مو كل مره تصير لي كنت أيام اختبارات ومن التعب والارهاق نمت وكان حتى وقت النوم مو زين اللي هو العصر وقت منهي عن النوم فيه فيوم صحيت ناظرت في ساعتي الا الوقت متاخر والماده ماخلصتها واطلع عليهم من القهر شوي وابكي اهاوشهم ليش ماصحوني الاختبار فاتني احسبني صبح

قالت امى سمي بالرحمن حنا العصر مافاتك شي

وهذه الحاله تسمى عند البدو نجم أو منجوم بوه على حسب روايه جدتي يوم درت عني

والله امى تعقدت من نومي إذا جات تصحيني الصباح ودقت الباب على طول انفجع وافز صارت مغير تجي ورى الباب وتنادينى بصوت واطي بعد

واصحى لدرجة انها احيانا تشك انى مانمت تقول على طول من حين انادي تردين

خلى نوف تطول بالها فعلا للنوم اسرار وعجايب

تحياتي
شموخ

**ريم شمر** · 19-01-2006 21:37

اخوي المطنوخ
جرب تنظم نومك وتغير من عادتك حاليا
يمكن فيه شي معين يسبب لك المشكله

على فكره ترى ردك فعلا طمن نوف
وهذا اللي كنت اقصده من الموضوع كله

///////////

اخونا الفاضل الدختور عبدالعزيز

أذكر يوم كنت دكتور

متى ؟!! قبل سنة الصخنه ؟!!

يادختور عزوز خلك بالجح اصرف

نصحيتك شافتها نوف قبلي
واتصلت علي وانا بعز النومه
حسبي الله على عدوك
بغت تجيني نفس حالتها من الخرعه

المهم انها ميته من الضحك
وتقول ياليتنا من حجنا سالمين
انا لو الله يفكني من وصفات عيال عمتس تسان انا بخير

**ريم شمر** · 19-01-2006 22:00

تعاليل

هلا والله بالطش والرش

ياعلني مابتسيتس ياتعتع

ايه هذا الحتسي مهو وصفة راعي الجح

نصايح قيمه فعلا وهذا اللي كنت اقول لها

ورغم ان عندها شغاله بس هي من النوع اللي تحب تسوي كل شي بنفسها

وصـــــــــــــــــــــــــــدقيني إذا عملت اللي قلت لها ... هذا علمها بالشــــــــــــــر ..

لإن كــــــــــــــــــــل اللي فيها .. إرهاااااااااق وقله راحه ... هاللي يودعها ساعات تضيع
العالم والناس من حولها .. لآآآآآآآآآآآآآآزم تريح نفسها ... حتى المخ يبي يرتاح ..

سمعتي يانووووف

-----------

شموخ

حيا الله من جانا

بس الحالة الي تجي نوف انها ماتدري وين هي تجي بعض الاشخاااص اذا كان متعب او مرهق لأنه مره صارت لي يعني الحمد لله مو كل مره تصير لي كنت أيام اختبارات

اها.... وهذا اللي ابي اوصله لها واقنعها فيه
يعني القضيه بأذن الله عاديه جدا سببها التعب وقلة النوم
لاهي مرض ولا عين ولا حاله نفسيه
واكيد اذا طبقت نصايح تعاليل بيروح هذا كله

تسلمين شموخ بس غريبه وين القصيد هالمره

**شام** · 19-01-2006 23:16

الأخت ريم ..
طرح لمشكلة تكاد تكون شبه عامة .. و لربما نعاني منها و لكن بدرجات مختلفة بين القليلة و المتوسطة ..
أو الشديدة ..
طبعاً يوجد عدة أبحاث حول هذه الظاهرة و هي عبارة وسواس يصيب عدد لابأس به ..
لدي بحث حول الموضوع .. واليك الرابط أختي ريم .. أتمنى أن يفيد ..
هنا ...

**( المسك )** · 20-01-2006 02:09

خليها تطرقع بلها كوب عنزروووت ومعه حلتيته

وعلمهاا بالشررررررررر

**عبدالله المهيني** · 20-01-2006 02:41

كتوضيح
انا قصدت بالوسواس انها تشك انها مريضه
وان سبب مايحصل لها مرض عضوي
بالرغم من انها سوت فحوص واشعات وطلعت سليمه

لكن بما انها انسانه خوافه
فهي مو مقتنعه بكلامي
وتظن اللي يحصل معها مرض له اسبابه

حياك الله اخوي عبدالله
من الناحيه العضويه فهي سليمه بأذن الله
فقد قامت بالفحص اللازم والنتائج طيبه

ومن الناحيه النفسيه فهي كما اعرفها لاتعاني ابدا من مشاكل نفسيه
بالعكس انسانه متفائله وسعيده في حياتها وفي زواجها

كما قلت لك سابقاً أختي ريم

فسويولوجياً يبدو أنها سليمة

( أي أن أجهزة جسمها لا تعاني من أي مرض )

ولكن بما أن لديها خوف معين فهذا يعطي دلالة على أنها تحتاج

إلى زيارة طبيب نفسي

لأننا نلمس أن صحتها النفسي تحتاج إلى تقويم في جزء معين

وهي جزئية النوم

كما أننا يجب أن لا نضع أنفسنا في مكان المعالج النفسي

بل يجب علينا أن نلعب دور الوسيط بينها وبين ذهابها أو إقتناعها بالذهاب

إلى المعالج النفسي

وهذا أمر لا هو عيب ولا هو حرام

بل على العكس أصبحنا نعي حاجتنا لزيارة هذا المعالج كلما إحتجنا لمساعدته

هلا بأخو طنخه

عندما أقول فسويولوجياً فأنا أقصد أجهزة جسم الإنسان

أما السيوكولوجياً فأقصد الأمور النفسية أو كما يسميها البعض بالعقل الباطن أو الأجهزة الباطنة في الإنسان

هذا ونسئل الله لنوف وللجميع العفو والعافية

**ريم شمر** · 20-01-2006 21:20

ايمان

هلا ياحيي
هلا وغلا بالعسل امونه

شكرا ياغاليه على الرابط وهو فعلا قيم ونافع

المسك

هلا فيك اخوي
حياك ربي كل مامريت او طليت

خليها تطرقع بلها كوب عنزروووت ومعه حلتيته

وعلمهاا بالشررررررررر

الظاهر ان هذا الحل

والا نستخدم معها اخر العلاج ,,,اللي هو الكي

عبدالله المهيني

ولكن بما أن لديها خوف معين فهذا يعطي دلالة على أنها تحتاج

إلى زيارة طبيب نفسي

هلا فيك اخوي ولك شكري الجزيل لاهتمامك

اتمنى ان لاتظطر للجؤ لهذا الخيار
لكن ان كان هو الحل فلما لا ؟!

دمت بخير وسعاده

**صلفيق** · 21-01-2006 10:52

أخــــــــتي ريم ..
خليك من السوالف اللي ماتجيب الا الهم ، عليك لرأي أختنا [تعاليل] تريها عين الصواب. بس عاد الخدامه مهي ضرورية لهاك الدرجة .
قولي لنوف والمطنوخ ومن هم على شاكلتهم من هذه الحالة :
يحتاج الإنسان من 5-8 ساعات للنوم كل 24 ساعة (ضرورية) لبقاء الجسم في حالة صحية جيدة ، ويجب أن تكون منها 3 ساعات ليلا على الأقل ( وهذا هو أفضل أوقات النوم ) أما نوم النهار فمهما زاد .. لايغني عن نوم الليل . وصدق الله العظيم إذ يقول " وخلقنا الليل سباتا" . وهذا هو إجماع جمهور الباحثين النفسانيين أيضا.
ومن قل نومه ليلا عن هذا الحد فلا غرابة أن يحصل له تماما كما حصل لنوف ،، وكلما زاد الوقت زادت شدة الحالة . فعلى الأخت نوف والمطنوخ تنظيم وقتهماا كما ذكرت الأخت تعاليل وإلا وصلا لدرجة لاأتمنى أن يصلا لها.

تحــــــــــــــــــــــــــــــــــــــ ــــــــــياتي للجمــــــــــــــــــــــــــــــــــــ ــــــــــيع

**المطنوخ** · 21-01-2006 20:41

الغالي صلفيق

طيب واللي مايقدر يتحكم بنومه؟؟؟
يعني تخيل ادخل بغرفتي ابي ابدل ثوبي
اقعد على السرير ابدى اتثاوب واحط راسي وانام
ومره اقعد يومين مواصل ومافيني نوم
ومره انام يوم كامل
ومره ساعتين
ماني عارف شلون اسيطر عليه

تحياتي لك