بعيد النظر حطوني الربع نيشان

[ولد العود]

[poem=font="Simplified Arabic,5,crimson,bold,normal" bkcolor="transparent" bkimage="backgrounds/9.gif" border="none,medium,gray" type=2 line=0 align=center use=ex num="0,black"]
بعيد انظر حطوني الربع نيشان=ترا سهيل يضهر والسحابه سحابه

وكنا بهاذا المنتدى ربع وخوان= وبعد الحصل ماعاد فيها صحابه[/poem]

[((بعيدالنظر))]

[poem=font="Simplified Arabic,5,white,bold,normal" bkcolor="transparent" bkimage="" border="outset,thick,gray" type=2 line=0 align=center use=ex num="0,black"]
هلا مرحبا ترحيب من قلب ولسان=وآنا لامشيت الدرب حاسب حسابه
وش اللي حصل فالدار ياذيب سرحان=ولن كنت ذيب الخبت كله ذيابه[/poem]

[سرحــان]

ولد العود ....بعيدالنظر


مساكم الله بالخيررر




الله يعطيكم العافيه


معكم بالصف لاعدمناكم

[((بعيدالنظر))]

سلمت ياسرحااان .
حضورك يعني لي الكثير ياكبير .
لك محبه من القلب ياسرحان وسعيد بخلقك وألقك يابطل .
وكم هي متابعتك تسعدني وتزيد من تواجد الجميع

[بتول آل علي]

أخي الفاضل
ولد العود

أفا عليك .. مازلت أخ عزيز و غالي
بغض النظر عما قد يكون حصل ..
فأنا متأكدة أن الصدور شمالية




بعيد النظر ..

صح لسااانك
و عليك ترجعلنا اياه







الدهور

[ولد العود]

بعيد النظر انت شاعر ولك مني كل احترام ولعب معك

يشرفني ويزيدني معرفه

سرحان انت دايمن من المتابعين وصاحب وفا وخلاص

الدهور مشكور وذا لم تغيرين اسمك ماريح يجي مطر على الديره الي انتي فيها

[ولد العود]

[poem=font="Simplified Arabic,5,crimson,bold,normal" bkcolor="transparent" bkimage="backgrounds/9.gif" border="double,medium,gray" type=2 line=0 align=center use=ex num="0,black"]
على شان امتزعل عليا على شان= نحشر السباع الظاريه وسط غابه



ونا ياطويل العمر ماني بزعلان= عليك انت ياراع الشرف والمهابه[/poem]

[بتول آل علي]

الدهور مشكور وذا لم تغيرين اسمك ماريح يجي مطر على الديره الي انتي فيها

أكيد مو فاهم معناه ولا ما قلت هالكلام

على كل حااااال تبقى عزيز و غالي

و الزعل مرفوض بين الاخوان

[((بعيدالنظر))]

الغالي / ولد العود
أتشرف بك وباللعب معك .
لكن عاد وسّع صدرك وابشر يالغالي باللي يرضيك.
والمسأله سهله والحياه والناس تحتاج إلى من يطوّل باله عليها .
وليا فقدنا طولة البال ما لقينا أصحاب ولا أحباب .
وأخوك((بعيدالنظر) ماهو بشمري لكن وجدت في منتدى شمّر نعم الإخوان ونعم الرفقه
و الحقيقه يختلف هذا المنتدى عن كل المنتديات اللي أزورها بما يكتنزه من أقلام رااائعه وأعضاء يحملون النبل والأخلاق وطيب المعشر .
شهادة حق ليس لي من ورائها قصد سوى الحق فقط
وهي شهاده بطبيعة الحال لاأقصد منها إلغاء حقك بالمطالبه إن كان لك حق .

إستلم لاهنت

[poem=font="Simplified Arabic,5,white,bold,normal" bkcolor="transparent" bkimage="" border="inset,thick,gray" type=2 line=0 align=center use=ex num="0,black"]
خذ الحق مثني وأترك فلان وفلان=تقدم بدعوه وإستمع للإجابه
ولن جاك راس المال ما أنته بخسران=وتعرف خطا وقتك وتعرف صوابه[/poem]

[ولد العود]

ماعليش الاخت الدهور انا مزحت معك حسب الميانه المحدوده

اقصد اسمك الدهور وسبق وسلتك عن معنا الدهور وقلتي يعني الدهر المحل

فقلت غيري اسمك على شان يجي المطر ونا من ديرتك لاتفهميني خطا