بما أن هذا وقت الخطوبة للي ناوين الزواج بالعطله الجايه .......الله يوفقهم
فكر واحد من العيال بالعرس وصراحه هاذي ثالث سنه اللي يفكر بالعرس ولكن الدجه ترده
جاني وقال يابو صياح أبعرس........قلت ماعندي بنت أجوزه لك
قال لأ........أبي تكاليف العرس من.............إلى .........وش رايك
وجبنا الآلة الحاسبه للحساب
لوازم الزواج والعرس/
المليك عشان يكتب الكتاب(نقل الملكية)500ريال
مهر للنت تظبط به وضعه(ذهب ومكاييج وخلاقين)25000
قصر الأفراح10000
مفاطيح12000مع الطبخ
فواكه ومشروبات 3000
الطقاقه5000
خرابيط حريم من حلويات ومكسرات3000
لوازم الولد من ترميم كامل(ثياب وخلافه)3000
...................................................
السكن/
إجار شقه5000مقدم 6شهور
غرفة نوم 6000
فرش3000
تأثيث مع التكييف25000
قال خويي أصبر أصبر............. كم طلعن هذولي
وأفدع بالآلة.....طق........طق.......يساوي950000خمس وتسعين ألف
ورجعت حالة الإحباط للمسكين\nراتبه 2800ريال ولا عنده أي سيوله
قال بلاش مانبي مره ..........هذا والمصاريف ماهي كله ومصاريف الزواج بأقل التقديراتوطلعت منه كلمة وهو ساهي والهموم راكبته........الشام شامك لامن الزمن ظامك
قلت بلا شام بلا بطيخ...............أعقل
قال وش الحل طيب...................سكتت
عاد عقب هالمصاريف ولا ننسى أن أكثر شبابنا بالوقت الحاضر ماتزيد رواتبهم عن هالراتب والعونات ماهي مثل أول بين البنيخي لأن كل واحد يالله يعين نفسه
وش الحل برايكم ؟
رد مع اقتباس
المفضلات