السلام عليكم ورحمة الله وبركاته
اييييييييييييه
الله يقطع بليسك يا طنوخ فطنتن ايام زمان ايام الفروله تسانك خابره
هذا يالربع عام من السنوات اللي طافن(او مظن ان صح التعبير)
جينا انا والشبث نبي نكتب بالعسكريه وكان معنا المحروم والاصيل
يوم وصلنا للمعسكر اللي بوه التقدوم او الكتب(كلن يسميه بكيفوه)
وانا اشوفهم يتدربون واحد ثنين يوم اني اوجست الذله وانا اتاخر عن ربعي وانا الوذ
حدر تانكي عندهم بالمعسكر يعبون بوه ماء وهم يمرون من عندي العسكر
وانا اقوم اتراعد واضرب اخماس باسداس
وانا اجي يم ربعي امشي مليون ابي النحشه وهو يمد رجيلتوه ابو ثووب
يمار انا جاي على خشتي امشي اربع ميه (حشا مو بشر)
المهم يالربع وحنا ندخل على الظابط حقهم الله لا يوريكم شنب وعجرا تفلق البعير
يوم مكتوب على صدروه فلان المخاوي وحنا نتلفت يموه بالغرفه يمار هاك الولد المسيكين
اللي متشققتن بديلتوه وهي تنزل دميعتي على حالتوه يا بعد حيي اويت لوه
وهو يقرب منوه شبيثان وهم يتقاضبون الاذان عوذا الرجال متعذب وهذا ما صدق خبر
انوه شافوه ول يا ابو شبثه عساك ما تعود ويالله نفكهم يمار اذانهم تصابب دماء
وهو يجي المخاوي وهو يوقف شبوث معه على الجدار ويقول لهم ارفعوا ادينكم ووحده من رجلينكم(بغا يقول ورجلينكم كلهن)
مالكم بالطويله يالربع وهم يقبلوننا بالجيش وهم يكدوننا كد التريلات
وهو يغدي لنا جعير وصياح ابو ثووب حطوه بالاعاشه وكل يوم يجينا نحاسبوه يبتسي
اثريه المسيكين يخلونه يقطع بصل بتالي اليول ويجي يمنا ودزدروه معوه يبينا نقطع لوه
(حنا وين وانت يا ابو ثووب وين)
ويوم من الساعات طلعونا برا كان وقته خميس وجمعه وعدنا طالعين من جهنم مو من معسكر تدريب
وحنا نطلع ونفتر بهاكالقريه الصغيره وحنا نلقا لنا واحدن مشخص وملبق لوه سيارتن صغيره
على يمين الخط وحنا ندزب منوه
بالخير ياهالولد وهو يرد علينا وهو يقول لنا تبون عصيرن زين طازج وتوه نازل بالسوق
قنا عطنا منوه تسانوه رخيص قال كلكم بريال(الريال على وقتنا يحتسي مو مثل هالحين يالله يجيب ولاعه) .......... وحنا ناخذ من العصير اثريه حامض الملوي ولونه حمر وحنا من العطش سفينا منوه يما قلنا العيد باتسر(مو باتسر هذا من خلال الحتسي)
وحنا ننكس لمعسكرنا يمار شفناهم يتدربون عاد حنا كرهنا التدربي كلوه (اقصد التدريب بس عاجز امس واكتب من جديد)
وحنا ننحاش عن المعسكر ايه جايين متاخرين واكيد يبون يكدوننا وحنا ننام هاك الليله بالخلاء
يوم وعينا الضحى يمار عويناتنا حمرن تقل كابن بهن صلصل يالربع وش السالفه
قال ابو ثووب (ايه خبره بالتختره) هذي فرولتكم اللي البارح طرقعتوه
والليه يعلنا من فرولتنا سالمين هالحين وش يقولون علينا
وحنا نجي مروحين للمعسكر واول ما شافنا الحارس (مدري الخفير نسيت اسموه)
وهو ينسدح على صفحتوه اليمنا وهو يقوم يرفس تقل ضاربوه بسسته افزعوا الا ما افزعوا وهو
يجيه طير شلوا ابو ثووب وهو يسوي لوه تنفس مدري شلون اقضبوا وسدوا عليه وقام الرجال يتنفس افيه
عاد عقب ما تجمعوا العسكر والظباط قالوا اكيد انتم اللي ضربتوه
يالربع حنا فزعنا لوه عاد المليعين قال ايه هم اللي صربوني لاني شفت عيونهم وباين عليهم سكارا
قال ابو ثوب شربنا لنا عصير فروله وانسدحنا وقمنا الصبيحه وهذا شكلنا
قالوا العسكر مصدق وهم ياخذوننا ويشلوطوننا تمتير بالساحه من الساعه حول الحدعش 11
الى الساعه حدعش 11 بالليل الا ياربي سترك الواحد اليا قعد بصفك تقل تريله طالعتن طلعة الغاط
وهو يمر من عندنا شنقل ياكل سندويشه تنقط بصل
وحنا هلتسا من الجوع قمنا عليه تقل تسلاب الله يكرمكم
وهو يخلي سندويشته وهو ينحاش ذل على روحوه المسيكين
وحنا نتخامشه ويالله يحصل كل واحد لقمه (فاز بالنصيب الاكبر المحروم (هالمره ما انحرم)
المهم يالربع وحنا نقوم عقب ما افرجوا عننا وحنا ننام مثل نومة اهل الكهف الله يستر
يوم كامل الى يوم السبت الساعه ثلاثه الفجر وهم يقوموننا ويكدوننا
المهم يوم طلعة الشمس يمار هذا شنق يوم شافوه الشبث وهم يتلاحقون بالميدان تقل جيوب
يوم شافهم ابو ثووب وهو يقوم يضحك يما بغا يموت وحنا نهديه وشس السالفه
قال طرا علي اسماعيل ياسين يوم يلحق الشاويش عطيه على السيكل مدري الدباب
وحنا نبخه ضحتس معوه يما دمعت عيوننا
وهو يجي الشبث من عندنا هو وشنقل يمشون عشرة الاف (اف 16 ) ارض جو
ما تسمع الا صريتس كفراتهم تقل بافلام مصريه اللي سياراتهم تفحط حتى بالتراب
وخذينا هناك الا واصوات انفجارات وطرطعان وقنابل عوذاااااااااااااااا وش السالفه
يوم خذينا هناك وهجد الوضع وحنا نلقى شبوث واطين لوه لغم حول المعسكر وقابعن بالدنيا كله
وهو ينكس عليه شنق وهو يضحك الين طلعن طويحيناتوه قال شبوث ترا انا محد يقضبن لا انت ولا عشره من كراعينك هاللي فجرت المعسكر بهن
وهي تقبس مرتن ثانيه ولو عساكم ما تثورون
(صدز يالربع عندهم حيلن بلشانينن بوه)
المهم يوم خذينا هناك وهو يطيح علينا المطنوخ يمكن ضربتوه الشمس
وهم يسعفونوه وكمامات وابر وحبوب يوم كشف عليه الدختور وهو يلقى ببطنوه كيلوه
شين احمر يالربع وشهو ماكل قلنا ما كلا شي قال هذي فرولتن ضاربته الشمس ومدهونه
بزيت شعر حق الهنود
قلنا حنا شربنا عصير فروله بس ما كلينا
يوم صحلا ابو طنخه وهو ينشدوه الدختور انت وين لائيت الفروله دي قال هذا واحد
كان ملبق وشربنا من عندوه عصير ويوم ابعدوا ربعي نكست عليه ولهمت من الفروله اللي عندوه
واكتني كثرت منه
قال الدختور نيله تنيلك انتا ما تعرفش وش تاكول المسيكين وهي تنزل دمعتوه
يا ويحي يا بعد حيي يا ابو طنخه يمكن اننا نبي نفقدك عقب هاك الفروله اللي باعه علينا
قطراوي حسبي الله عليه وعلى شربيتوه
وهنا خلصت حتوتة الشربيت اللي باعوه علينا قطراوي اللي بغا يهفي بابو طنخه
>>
>>
>>
>>
>>
>>
>>
>>
>>
>>
>>
اول شي اعتذر من الاخوان واتمنى انه ما تصير بخاطر احد اسف اني غلطت على احد
وثاني شي
كل عام وانتم بخير وعلى وجه هالعيد اهنيكم واقول لكم كل عام وانتم بخير وعساكم من عواده
ومع السلامه والى اللقا بحتوته جايه على الردميه
رد مع اقتباس
المشاركة الأصلية كتبت بواسطة راعي الردميه
المفضلات