[poem=font="Simplified Arabic,5,white,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
دّوري ياظلمة الليل عن لحظة شروق=
مل جفني والهواجيس تلعبي لعب
يمكن اللي نام مجبور من نومه يفوق=
يكفي اللي راح قدراح ماينفع عتب
عن سوالف تدمي القلب خلوني اروق=
خلو الامال للعين لحظه تقترب
ياظلام الليل وش فيك ماعندي حقوق=
وش تبي بالضحك ياليل وانت مكتئب
للبشر اوصاف ياليل واطباع وفروق=
ومن يساوي طيّب الذات بالفاسد كذب
وللشعر اوزان ياليل واعلام وطروق=
وبحر شعري لو تلاطم غرق بحر العرب
وقتي اللي ناعم العود في نفسه يسوق=
مطلبه معقول ياناس بحدود الادب
ليه عفة بنت الاجواد ماعادت تلوق=
ودها بستايلٍ غير يستاهل تعب
وش نداوي دام الاجساد تبلاها الحروق=
وانت لاتنسى التفاصيل راقب عن كثب
دام راع الذوق ياليل ماعوّد يذوق=
وارتفع صوت الاباحات واعلنها صخب
طابلك ياضايع الراي تمجيد السروق=
وصارعرفك للتقاليد في عرض وطلب
بس ياراع الشعارات يكفينا فسوق=
.لاتعلم طالب العلم نوتات الطرب
وش توقع لاغدى العف غدار ويبوق=
وقاري القران منبوذ في كل الكتب
يعني الاسلام محضور في جسمه فتوق=
اعزلوه انفوه خلوه في جسمه جرب
ودي اراقب من الافق لمعات البروق=
جف ضرعك يالمقاديم لوشفنا سحب
بس ياليت المقابيل تحملي شروق=
ضاق صدري والهواجيس تلعبي لعب [/poem]
رد مع اقتباس
المشاركة الأصلية كتبت بواسطة علي الشهراني
المفضلات