( مجرد .. شعور .. اكتبه بــ كي بورد غائب )
.
.
.
يعني تبي :
بالعيد لك عيديه..!!
قصيدةٍ ...../ ما قلتها بـــــ بنيـــّه ..
[poem=font="Simplified Arabic,5,white,bold,normal" bkcolor="transparent" bkimage="" border="none,medium,gray" type=2 line=1 align=center use=ex num="0,black"]
لك ..؟ / ابشري والشعر لاجا وقته = " سحٍ غدق " يشبه بياض النيّه
البارحه كنتي هنا في بالي = واحلى العشق شيٍ على طاريه
ياغايبه مدري أنا اللي غايب = الحب بعيون البشر ماريّه
من لي شهر وأنا اعد غيابك = بكرا .. بعد بكرا .. ولا من جيّه
وسولفت بك للشمس وقت غروبه = واستاحشت في صدري القافيّه
يا ام الدلع فلّي هنا مجدولك = وتبختري.. يالله شوي ..شويّه
وانا ورب الكون حيٍ حبك = وإنتي عنود وقلبي المحميّه
من نجد فيك ../ وفيك .. لمحة حايل = وثغر الجنوب ../ وفـــتنة الشرقيّه
لا يابعد حايل واهلها جيتك ..= شاعر و يرسم أوّله تاليّه
اغليك واغلي ديرتك واشتاقك = واحس حبك خلطةٍ سحريه
بس الوضع في أمتي متردي = بين المغول ودعوة الحريّه
اوضاعنا ياغاليه ملعونه = اسلامنا صار آفةٍ عصريه
بوش اللعين وقوته متحدي.. = امس العراق وباكر الشاميّه
وش عاد باقي غير نتف لحانا = وسبي النساء ..وعقولنا ملغيّه
ماهمنا اسلامنا وش صابه = ( ماعاد يربطنا سوى الجنسيّه )
افكارنا صارت لُعب .. نرميها = وعشنا ( حقيقة ) معضله فكرّيه
اهم شيء نواكب التطور = ( ونعيش لحظات العبث عفويّه )
نبي البنات يجودنّ الطاره = مع الشباب يطـــبّــقن ( عكسيّه ) ..!!
اوجاع ياكثره هنا في صدري .. = هذا شوي وغيره المخفيّه ..
والشعر ..له في داخلي مبادئ = حاجه كذا تدخل بها الشخصيّه ..
شاعر و اكتب هالشعر لعيونك = واقطف ورود الحب بين ايديّه
ملتاع ../ واجذب لك هنا موالي .. = واعيّشك في دنيةٍ ورديّه
حطيت لك بين الحنايا ديره = وكتبت صك ../ وباسمك الملكيه
واعوذ في ربي و انا الجي له = من اهل الحسد واهل سواد النيه
و غنيت لك شعرٍ غريب اطواره = والعيد جاء ..وفرحته منسيّه
و دام الغياب دروبنا ..يمشيها... = بالعيد لك مني هنا عيديّه ..! [/poem]
.
.
.
.
وعودهــ للغيـــاب ..
رد مع اقتباس
المفضلات