السلام عليكم ورحمة الله وبركاته ،،،،،،،
نهاية الأبطال
.
.
.
الفله .. تعني المزح البريء في إطار الذوق والأدب
المشرف العام : هو أخ عزيز له مكانه واحترام في قلوب جميع أهل المضايف
وله الفضل بعد الله في أن جمعنا في بيتنا الثاني ... المضايف .
وهنا ،،،
أخوكم الأصيل .. يحب أن يداعب عواطف المشرف العام .. لعل وعسى أن يحطوه
بمنصب : نايب المشرف العام ( يانهار مش فايت !!!!!!! )
،
،
،
،
ياهل ترى ...
هل أجد مشاركه من خالي العزيز //// أبو غازي ///
،،
،،
،،
قظت المقدمه .. وآن لنا الآن أن نخش في الموضوع ،،
**************************
يالربع أنا من جيتكم بهالمضايف المبروكه ونا من نكبه إلى نكبه
ومن كارثه لأخرى ..ومن قراده لأختها ...
وبالذات مع الإداره ،،، وأخص من الإداره الـ ...
حولو شوين لايسمعنا أحد
.
.
معركتي مع ...
المشرف العام !!!!!!!!!!!!!!!!!!!!!!!
والصراحه إني مزهب موضوعي هذا من رمضان
لكن ..قلت يابوثوب ،، الناس صايمه والشهر شهر عباده
ويوم قضى رمضان .. سافرت ( الله يحفظن في حلّي وترحالي )
أها .....
والحين ... لامفر ولا مناص من تنزيل الموضوع !!!
( بالله عليكم .. تعرفون وش معنى : مناص !!؟؟؟؟ )
المهم ..
قد يقول قايل : ليه اخترت خصمك هو المشرف العام ( الله يطول بعمروه ) ؟؟
أقول : لسببين ،،،،،
الأول : إن المشرف العام مشغووووول بمضيف الشكاوي ...
مكامش بين هذا وهذاك .. ولهذا .. مالوه مسايير على الفله
( ألاّ تسان حظي الحلو يبي يجيبوه !!!!!!!!!!!!!! )
ثانياً : لأن أبوسلطان .. مالوه بالقصيد والشعر
فلهذا ... قلت خل أستعرض عضلاتي بقصيده ...
وأما موضوع الشكوى .. فهو :
1 ـ كل شوين يبون ياخذون اللقب ( ثوبي ) .
2 ـ اقترحت أن يزيدون صندوق الرسايل .. قال : الرام ماياسع والهاردسك تعبان
والميموري مدري وشبلاه !!!!!!!!!
وكل ما أقترح اقتراح يمار إنوه مرفوض جميتن وتفصيلن وفصلتن وتجميلن
ولكن ،،،،،،،،،،،،،،،،،،،،،،،،،،،،،،
ليعلم روّاد الفله ...
أنني بعد كل هذه الفتره من الصدمات التي تعرضت لها ... لم أجد منهم
الفزعه المطلوبه .. ( اللهم ألا بعض الأعزاء )
وكنت أظن أن أهل الفله .. كلٌ لايتجأ وجزء لايتكلل ...
بيد أنني ( إنتبهو لـ : بيد )
بيد أنني أيقنت أنني أصارع الأمواج لوحدي
لهذا ... قررت الانسحاب من الفله ..إلى مضيف آخر سيرد إسموه في ثنايا القصيده
والله من وراء القصد ،،،،،،،،،،،،،،،،،،،،،،،،،،
يقول أبوثوب :
[poem=font="Simplified Arabic,5,white,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
يامعتلين أكوار فجحات الأقدام=تريّضو ياعيال خوذو كتابي
مدّو .. وخلو حادي الهجن قدام=من شان يقطع به صعاب الهضابي
مسيركم من ديرتي تسعة أيام=بالضبط مايخطي عليهن حسابي
قولو لبوسلطان : يالمشرف العام=وشعلمكم حطيت دابك ودابي؟
لعوزتن وحنا مع الناس صيّام=وبمضيفكم لاشك أبا افقد صوابي
الناس تعطي غالي المال والخام=ونتم خذيتو يالإداره ثيابي
قلت: الرسايل... قال : ماياسع ( الرام )=مطلوبكم ( ياصيل ) ماهو مجابي
كني مثل طير ابن برمان لاحام=يجدع على راعيه حيه ودابي
ون قلت أنا المظلوم .. قال إنت ظلاّم=ون قلت عطني تهمتي قال : مابي
ون قلت: صنعا باليمن ... قال : بالشام!!= جنوب من غزه شمال الروابي
يالقاضي .. احلم لاتحكمن بالاعدام=ياعونت الله لاتحسبن ارهابي
لاصار خصمك يصدر أنواع الأحكام=لا واعذابي منهم واعذابي
(ياصيل) عن دارك إذا خاطرك شام=لو صك باب(ن) ينفتح ألف بابي
من عقب ماأفنيت عام(ن) ورا عام=ودفنت بالمضياف زهرة شبابي!!
جبت القرار اللي مختم بالأختام=وأعلنت بالفله قرار انسحابي
ياصار ما تاتي علينا بالاولام=شوفو لكم واحد يسد بغيابي
و .. دنّو لي اللي فوقها خرج وخطام=منقيت(ن) من بين كل الركابي
أبا انحر اللي تشبع الطير لاحام=عسى مضيفه يرتوي بالسحابي
في مطبخ(ن) فيه الموايد والأنعام=مابين مثلوثه وصحن الكبابي
بين اللحم والرز والخبز ويدام=وأتسله نوخرها والاخرى تجابي
هذا وقلبي في هوا ( فلتي ) هام=أذكر غلاها من نسيم الهبابي[/poem]
نعم ... سأرحل إلى مضيف المطبخ ..
وأتمنى من خيواتي أن لايموتن من الفرحه العارمه والعامره والغامره !!!:480r:
لاشك سيستفيدن منّي في أشهر طبخه لي وهي : بيض عيون !!!!!
كما أنني خبير في تقطيع الطماط .
ولا أريد أن أوضح لهن أنني اختصاصي في طبق الزيتون !!!!
.
.
.
( يابو ثوب ... الزيتون مايبي لوه شطاره )
المهم ...
هذا قرار نهائي لا محيد عنه
وها أنا ذا ...
أودعكم كلكم
لأن المشرف العام إذا قرا قصيدتي ...
سيقوم خلال 3 دقايق و 14 ثانيه بشطب عضويتي !!!
يقول رحمت جرير :
فإما حياة تسر الصديدز * وإما ممات يدبل التسبد !!
وهكذا فلتكن :
.
.
.
نهاية الأبطال !!!!!!!!!!!!!!!!!!!!!!!!!!!!!!!!!!
[05]همسه أخيره ..
طنخاااان
مالك شغل بموضوعي
حسّك عينك خشمك إذنك تقرب لموضوعي
لايكون أشوفك مغلق الموضوع أو حاذفوه
ترا .. أدل بيتكم ..
وأعرف سيارتك الكامري الجديده
قظى الموضوع:480r: [/05]
رد مع اقتباس
المفضلات