[poem=font="Simplified Arabic,5,white,bold,normal" bkcolor="transparent" bkimage="" border="inset,medium,white" type=2 line=0 align=center use=ex num="0,black"]
الظروف اللي اجمعتنـي بالعنـود الجامعيـه=جمعتنـا بالدراسـه يـوم قلبـي مانسـاهـا
أستلذت في غرامـي كـل شعـر الجاهليـه=لين سخرت القوافي من هواها فـي غلاهـا
هي عنود الصيد هي اطهر وانقـا مودميـه=هي هنوف قد تعدت كل وصفن في حلاهـا
يشهد الله مانظـرت بعينهـا غيـر الحميّـه=ومارأيت إلا المعزه والشموخ اللـي زهاهـا
بنت شيخ ٍ هو عقيد القـوم فعـل ومقدريـه=رابيه في بيت عـز وطاعـة ٍ للـي براهـا
كامله والكامـل اللـي خالقـن كـل البريـه=مانقصها غير تخبرني وتفصح وش خفاهـا
لي معاها عام كامـل غامضـه ذا الآدميـه=حيرتني واربكتني وازعلتنـي مـن جفاهـا
ويوم انا أشفيت الممات ولاحيـاة ولاعطيـه=قلت يانفس العنا ليـه العنـا وانتـي هواهـا
لعنبو منهو تراجع عن هـواه وعـن خويّـه=لين يدرك غاية المجمـول يرقـا مستواهـا
وجيتها شايل خفوقي واردن حـوض المنيّـه=في يميني بيرق العشـاق قايـد فـي لواهـا
شارح ظروفن حدت قلبي على عشق بدويـه=ماعشق غير البداوه والجمـال اللـي كساهـا
وقدر الله نلتقي في أغرب زمن يا أحلى صبيّه=وقدر الله لي أهيم ابحرهـا وأغفـر خطاهـا
وكان حبي واضحن وضح النقا وين الخطيّـه=دفتري مفتوح واقري صفحتي واللي وراهـا
وان قريتي دفترن مخطوط بحروف أبجديـه=أنكتب في أول سطوره جملة ٍ محدٍ قراهـا
ساقني حتى القدر صوبه ولا لـي فيـه نيّـه=غير حظي والظروف اللي جمعت وقتي معاهـا[/poem]
وســلآمـتـكـم
رد مع اقتباس
المشاركة الأصلية كتبت بواسطة Sha3r
المفضلات