يا شراي الأسهم قررررب قررررب فردنا فردنا

**الحنشل** · 01-01-2006 02:58

سلام عليكم

يا الربع قدر الله على وشريت قطعة اسهم بنك البلاد

الله لا يخسر شريتهن بـ(915.25 ريال)

حيث أني سمعت لي طرف علم يقول

أن سهم البلاد يبي ياصل فوق 1200ريال

واشوفه نزل لثمان ميه وكسور

وانا يا رفيدزكم الشيطان غدى يوزن يقول قويه بع بع

وعلى قول المثل الحنشولي (( شاور عشير ولا تشاور خبير))

ما ادري اتناه اغديه يرتفع

والا ابيعه بخساره

**كحيلان** · 01-01-2006 14:45

الاخ الفاضل الحنشل ...

من ملاحظتي اليوم للسوق والذي دار فيه ...

البنوك سوف تقود المؤشر وباذن الله بتشوف الارتفاع له لو يقلل من خسارتك ...

البلاد سهم استثمار رهيب بس مو بالسعر اللي اخذت فيه

لو اخذته باسعاره الحاليه لكان افضل بكثير ...

ولكن عليك الصبر الايام هذي واذا لم يرتفع ...

باذن الله لك عندي سهم تعوض فيه خسارتك وتطلع بربح ما تتخيله

بس ما احب تبيع بخساره الصبر زين الايام هذي

هذي نصيحتي وطمعي الوحيد هو الدعاء لي

ملاحظه :

البنوك هذا الاسبوع او القادم سوف تعلن نتائجها وهي من تقود المؤشر

الصبر زين وابشر بالخير

وتذكر هذا 1050

تقبل فائق احترامي وتقديري لك

دمت بالف خير

**شموخ** · 01-01-2006 15:27

نصيحه لا تبيع اصبر الصبر زين ان شاء الله بيرتفع بالذات البنوك لها مستقبل يعني حتى لو ارتفع بسيط إذا ماجاك راس مالك لا تبيع اصبر لو سنه وان شاء الله في اقل من سنه بيرتفع

التجاره يبيلها صبر وكفاح

تحياتي
شموخ

**سفن أب** · 01-01-2006 15:28

اناوالله ماعندي إلا كم كرتون

[mklb1]

[gdwl]سفن أب [/gdwl]

[/mklb1]

تسان تبي تقايض ماعندي مانع أيه نسيت يافلان وزود تنكة تمر حلوه بعد هاه

**شريف روما** · 01-01-2006 18:08

^
^
لوسمحت عطن كرتون سفن اب

الحنشل انسى هالفلوس واعتبرهن راحن عليك
ضمهن عند الوالده
ولاتجي صوبهن
وصدقن بيرتفع السهم من جديد ويجيك ربح
بس اصبر وان الله مع الصابرين

**درداح** · 01-01-2006 18:21

واشيب قلبك يادرداح
حنا وين وانت وين ماعندك بالطي لوسمل نبي نتدفأ عن هالبرد اللي يكصم الجبه

**الحنشل** · 02-01-2006 03:50

الصبر زين وابشر بالخير

وتذكر هذا 1050

ايا بعد حيي وميتي يا كحيلان

ابي اصبر وابي تذكر1050

**الحنشل** · 02-01-2006 03:56

إذا ماجاك راس مالك لا تبيع اصبر لو سنه

شموخ سسسسنه الا واشيب عيني وش يصبرن سنه

تذكر1050

**الحنشل** · 02-01-2006 04:01

اناوالله ماعندي إلا كم كرتون تسان تبي تقايض ماعندي مانع

اقول تمطعز علي

هين هين يا البردغان

أسمك جاين باتسر تبي سلف

واذكرك بكرتون الـ(سفن اب) يا البردغان

تذكر1050

**الحنشل** · 02-01-2006 04:12

ونعم بالله يا ابا شخطه

لكن هذي فلوس مهي لعبه

تصدق يا الزقروطي كنت ابني على هالسهيمات امال كبيره

كنت أخطط بعد ما ابيعهن

اشري بيت بحي العليا

وسياره مرسيدس حوض

وأركب سنون كرستال +سنين ذهب

<<بعد كشره

لكن للأسف ضاعت أحلامي

تذكر1050