أيام عطال المنتدى , جيت للفيضه فيضة الخواطر والا مابه الوالي , والمنتدى
ماغير بيبانه تصطك , والرياح شديدة الاندفاع والبروده مابين كر وفر , واسأل
عن اخوي موج البحر (( راعي الفيضه )) وعلموني ناس بالحاره أنه متحرش بله
ناس مما أدى الى نقله الى مستوصف الحاره وبجبهته ثلاث فلقات (( من نوع
الدمار الشامل )) المهم الرجال عسى الله يقومه بالسلامه مهو به والفيضه مابه
احد , واقوم وان القرم وازين القهوه والشاي وتغديلك هالمعمايل تصطك وصوت
النجر له رنين مغناطيسي , وشوي والا هذولا بعض الاعضاء , والا هاذي اختي
ظبيانيه ومعه البخور اللي ريحته تمشيك وانت مغمض من سلهومه لحايل !! والا
هذا مجلس الشعر حضر ممثلا ب (( عادل الشمري , محارب الخيال , تسعه من
الناس )) والا هذا الروائي الكبير والمتحدث الرسمي باسم المنتدى اخونا (( ابو
يزيد )) وهي تزين الجلسه , ونتقهوى هكالقهوه اللي ماعندك حلا منه , وشوي
والا هذا الفارس ابو مرزوق ممتطين صهوة نمره ويحدي حدا ,خذينا لنا ساعه
والا هذا اخونا (( ابو حلا )) معه انواع من الحلى البحريني والمغربي , المهم غدة
شبة من احلى مايكون , مثل ماقال الشاعر : في فيضة مافيها نفس ثقيله , هذا
ولد عم وهذا ولد خال , وهذا رفيق مالقينا بديله , شوي الا مارنا اسعاف
المنتدى شايلن اخونا موج البحر , لانه عقب الفلقات يلزمه راحه اسبوع , وكتبوله
على تنويم بالهدوج عشان النفسيه بس والاطياب والكوكتيل , المهم اني سديت
مسده بغيابه عسى الله يجيبه على خير !!
تقبلوا تحيات
اخوكم الووووووسي
رد مع اقتباس
المفضلات