السلام عليــــــكم ورحمـــــــــــة الله وبركاتــــــــه ،،،
الشاعر الكبير / سليمان بن شريم رحمه الله تعالى !!
شاعر معروف وغني عن التعريف ؟؟
ولكن لا يمنعنا ذلك من التذكير بقصائــدهـ وسامرياتــــه الرائعــة
نبذة عن الشاعــر :-
ولدسليمان بن شريم عام 1305هـ وتوفي عام 1363هـ ولد في عين بن قنور وانتقل الى عنيزة وكانت تتوهج شعراً وشعراء ومجالس للشعر ورواة وكأن الجميع يتحدث لغة الشعروبالتأكيد فان ذلك اثرى شاعريته وزادها توهجا , تنقل بن شريم بين عنيزة والكويت والحجاز والرياض فوجد في كل مكان من هذه الاماكن شعراء كبار ساجلهم واحتك بهم تطرق بشعره لجميع اغراض الشعر من مديح ورثاء وغزل وحكمه وكان الجميع ينتظر جديده فعندما يقول القصيده تنطلق بها الرواة من قلب الجزيرة الى الكويت والحجاز ولقبه الحديث بمتنبي الشعر الشعبي ماهو إلا بالشئ القليل الذي يستحقه ذلك الشاعر الفذ ،،،
يتميز شعره بتناسبه مع كل الاجيال لسهولة مفرداته وقوة معانيه وجديد افكاره ودليل ذلك انك لو استعرضت بعض قصائده ستتعجب لسامعها وانها لشاعر توفي قبل أكثرمن ستين عام في حين أن هناك شعراء معاصرين لاتستطيع فهم مفرداتهم ،،،
صدر له ديوان اسمه ( ديوان سليمان بن شريم ) في عام 1410هـ من جمع بندر الدوخي ونشرت قصائد بن شريم في العديد من كتب الشعر الشعبي والصحف والمجلات وله مساجلات ومراسلات مع معاصريه من الشعراء الكبار امثال (صقر النصافي - بن دويرج - عبدالعزيز الفايز - مرشد البذالي - عبدالرحمن الربيعي - لويحان - منديل الفهيد ) وغيرهم ،،،
من اشهر قصائده رحمه الله تعالي قوله :-
سرى البارق اللي له زمانين ماسرى ** صدوق المخايل بارقه يجذب الساري
وقوله :-
قال الذي مايزمله شاهد الزور ** والكامل الله واكـــبر الخلق مكـبـور
وقوله :-
ياهل الفاطر اللي فوقها من كل دشن جديد غالي ** سلمو لي عليه الى لفيتو صاحبي ياهل المامونه
وقوله :-
الاياعين ابوي العين يازول تعداني ** تعداني وانا غافل ولا راعا برديه
وقوله :-
عن اللي صفح نصفح ولو كان هو غالي ** والاقبال يبشر صاحبه بالنبا العالي
وقوله :-
يالله يامجري القــــمر من مغيبه ** يامرجعه للشرق من عقب تغريب
وقوله :-
ياونتــــاه اللي برت جسم حالــي ** بري الدبا نبنوب غصن تغشــلاه
وقوله :-
حيا الله اللي يغــيب ويسرع الرده ** اللي يجيني الى منه تباطانـــي
القصيدة التالية للشاعر سليمان بن شريم ( رحمه الله )
وكان رحمه الله مشهور بعزه نفسه لدرجه كبيره جدا ، لذلك هو كثير الزعل والتشرّهـ ..!
والقصيدة هي تعبر عن معانيها وتشرح القصه :-
[poem=font="Simplified Arabic,5,royalblue,bold,normal" bkcolor="orange" bkimage="" border="none,medium,gray" type=1 line=0 align=center use=ex num="0,black"]
يا أهل الركايب اللي قربهم مطواه = من الفيحا ناصين ديار ورانا
تحملوا مني لأهل السيف بوصاه = عند العوازم ربعنا واقصرانا
أهل السوالف والبيوت المبناه = ومجالس تفرح قلوب الحزانا
تلفون ربع ملفين على ماه = قولوا لابن جامع يعرف اخويانا
لا صار يجهلنا ترانا عرفناه = ولا هيب سيرة الرجال تخفانا
اللي قصيره ما تسوى سوياه = عفن القرى من قربته ما سقانا
الخرفشي يوم حنا خطرناه = بتنا القوى لولاه معنا عشانا
ليته نصانا ببلادنا قبل ننصاه = حتى يميز طيبنا من ردانا
إما حقرنا كان حنا حقرناه = والا عطانا قدرنا وامعنانا
ياطول ليلة بايت الجوع طولاه = عند الكديش اللي بفعله تدانا
ليل صبرنا به وليل سريناه = من خوفتي ناكل صغار أردفانا
ليت العوازم مقطعين مخصاه = لياه تكثر رِجعته بحلفانا
لو هو مع الجربا قطع كف يمناه = لياه ياطا غيرنا ما وطانا
ياللي تعرف السب وشلون معناه =باللي نسوي قدام بيته عشانا
هو يستحق السب وإلا مدحناه = ولا صار هذي سيرته وش ترانا
إن كان عقب هالجرب ما طليناه = باكر يروحون العوازم صيانا
هذا جزاه وراعي الطيب نجزاه = بالطيب لأجل أنه بطيبه جزانا[/poem]
وهذهـ القصيدة من احدى روائع بن شريم ( رحمه الله ) :-
[poem=font="Simplified Arabic,5,black,normal,normal" bkcolor="orange" bkimage="" border="none,medium,gray" type=1 line=0 align=center use=ex num="0,black"]
يا غـزال نطحنـي قايـد للجميلـه =نمره أول من أول ما بعد صار تالـي
كل ما جيت اباقف له وديره بحيلـه = استدار الهوى عقب الجنوب الشمالي
خابر انه ربيب بلاد ما ينحبـي لـه = واثر ما زاد من ولفي يزيده جفالـي
يا حليّ العنود اللي عيونه كحيلـه =علنّي من شهد ريق شربته لحالـي
ليتني وانت يالغالي سنيـن طويلـه = لين تمحى من البيدا رسوم الجبالـي
كلما جيت أبد له عن طويل الجديلـه = يشفع الحب الاول ثم ينسـاح بالـي
يا محمد قصير الهرج يقطع طويلـه = والله اني فلا اسلى عنه دبّ الليالـي
ان بغى يضفي الحسنى ويرضي قبيله = يستبيحه ويدمح له الى صار غالـي
سالفة قولة ابا انساه والقـى بديلـه = مثل من يرخص النيره ويغلي الريالي
كن في عينه اليمنى سيوف صقيلـه = شرّفوها هل العادات يـوم القتالـي
كن في عينه اليسرى غروس ظليلـه = زاهيه مع طلوع الشمس ري وعدالي[/poem]
وهذهـ قصيده قالها الشاعر سليمان بن شريم ( رحمه الله ) عندما توفيت زوجته :-
[poem=font="Simplified Arabic,5,white,normal,normal" bkcolor="firebrick" bkimage="" border="none,medium,gray" type=4 line=0 align=center use=ex num="0,black"]
أرى الدار يا خلاف عافت نزيلها = ولا عاد يرغب جالها من يجي لها
عفت عقب حيٍ ولّف الشمل بينهم = عليهم طهاة العز يسحب شليلها
جفت سكنها واللي بقى منه سكنها = جميعٍ وفرّخ بومها في نثيلها
وساد الثعل فيها وطالت مخالبه = وابا الحاس والواوي تورّث مقيلها
وصراخةٍ بالليل تلعي بركنها = على خربة شتّت نياها نزيلها
جفا العز جانبها وباتت بذلها = وهي قبل من بعد المدى ينعني لها
وذي حالة الدنيا كفى الله شرها = الى خاصمت ملزوم تفلج قبيلها
تضحك بوجهه ضحكةٍ يستسرها = وهي علةٍ ما هوب يكمل جميلها
خذتني وانا في غفلةٍ ما حسبتها = سحابة عذاب من تحتها رفي لها
واصبح نظيم العقد في كل ديره = وانا واقف ما كني الا هبيلها
أدير النواظر والمسامع ولم ارى = من الربع والخلان ما نلتجي لها
كثير المعارف والطوارف على الرخا = الى بدا اللازم لحاجه بدي لها
ارى الناس والدنيا وهلها ومن بها = كما حلم ليلٍ خاب من يرتجي لها
تجدد منازلها وترفع نشورها = وفي حزة المنزل سريع رحيلها
اقوله وانا نفسي من الخوف والرجا = تجاذب قزت من رقيها واتحويلها
وجسمٍ نحل كله جميع ولا بقى = على رمته من حاله الا قليلها
سقى الله صروف الوقت مني ولا سقى = لذاتها وسرورها وتعليلها
اتبيّن عدوي من صديقي الى حكم = زماني بنقلاتٍ ثقيل مشيلها
يصير القريب بعيد ما يسمع الندا = ولو يسمع الصيحات ما يرعوي لها
خليل الطرب ومساير الوقت بالرخا = كما مزنةٍ غرا بعيدٍ مخيلها
تغرك مخايلها وترجي وترتجي = وعلى دربها تخلي الطراقي صميلها
وانا اسباب مابي من عذابي وعلتي = من احبار سّوٍ ضيّع الله دليلها
تبث الردى بالطيب والطيب بالردى = وضحاها تشابه من عماها بليلها
وش خانة الدنيا الى عاد ما بها = صديقٍ وثيقٍ حيلته ينشكي لها
وهي كلها مثل الغمامه وتنجلي = كما ضحكة الجاهل غضبها يزيلها
وانا في زمان اربع طعش قرن حسبتي = وترا كل نفس فعلها فعل جيلها
احذّر بها نفسي و ورّخ زمانها = ترا الجيم ناش الغين واخلف نزيلها
واصلي واسلم عد ما هبت الصبا = على سيد الكونين حتى خليلها[/poem]
وله من القصائـد ايضا ً :-
[poem=font="Simplified Arabic,5,orange,normal,normal" bkcolor="royalblue" bkimage="" border="none,medium,gray" type=1 line=0 align=center use=ex num="0,black"]
جزى الله صروف الوقت مني ولاجزى=لذاتـهـا وسـرورهـا وتعليـلـهـا
تبين عدوي من صديقـي الـى حكـم=زمانـي بنقـلاتٍ ثقـيـلٍ مشيلـهـا
خليل الطرب ومساير الوقت بالطـرب=كمـا مزنـةٍ غـرا بعيـدٍ مخيلـهـا
تغـرك مخايلهـا وترجـي وترتجـي=وعلى دربها تخلي الطراقي صميلهـا
ارى الناس والدنيـا واهلهـا ومابهـا=كما حلم ليلٍ خاب مـن يرتجـي لهـا
تضحك بوجهـك ضحكـةٍ تستسرهـا=وهـي علـةٍ ماينـتـداوى عليلـهـا
توريـك مايلهيـك عنهـا وتلتـهـي=وهي خدعةٍ مهـوب يكمـل جميلهـا
ولاريتهـا الا ساعـةٍ ثـم تنجـلـي=كما ضحكة الجاهل غضبهـا يزيلهـا[/poem]
وله ايضا ً :-
[poem=font="Simplified Arabic,5,black,normal,normal" bkcolor="burlywood" bkimage="" border="none,medium,gray" type=1 line=0 align=center use=ex num="0,black"]
ياونتاه اللي بـرت جسـم حالـي=بري الدبا نبنوب غصـن تغشـلاه
على عشيـر بالمـوده صفـا لـي=وازريت أنوش حماه وانـا اتعـداه
غرو جبينه مثـل خـط الهلالـي=سبحان رب صـوره ليـن سـواه
وحيـاة رب كمـلـه بالجمـالـي=من مفرق الهامه إلى حـد ماطـاه
انه منول وامـس واليـوم غالـي=واتلى زمانه بالغـلا مثـل مبـداه
مالـه حلـي إلا مـودة عيـالـي=اصغر عيالـي بالغـلا كنـه إيـاه
لا ابطيب ماشفته وهـو ماعنالـي=عفت المكان اللي يغيظـه ويجفـاه
لو دلهونـي عنـه مانيـب سالـي=اشفق على شوفه واهوجس بطرياه
شوفه دواي وقـل شوفـه زوالـي=حكيم طب جامع داه ودواه
حقه على إلـى تزخـرف قبالـي=ابعـد مـزاره بالهـوى واتمـنـاه
وحقي عليه إلى اعترض له مجالي=يصفح ويلقاني على الطول والقـاه
مابه من العذروب عنـق الغزالـي=إلا الزمان اللـي حدانـي وعـداه
ريقه حـلا مـن در عفـر متالـي=لا ورحن من مدفق سـال مجـراه
هبي بريحـه ياهبـوب الشمالـي=كود الجنوب ومطلع الشمس تنصاه
عبث صبيت لعشرته من صبا لـي=سجلـي بنجلـه والمـوده مجـازاه
يامـا ويامـا فرقتـنـا الليـالـي=نجع مقيـم وفـرق البعـد لامـاه
أقفت مراحيله وانا اقفـت رحالـي=خليت مداهيلـه وعميـت ركايـاه
وخان الزمان بعشرتـه والتوالـي=ورثت من يصفـق شمالـه بيمنـاه
وعضيت بسرة شاهدي من هبالـي=وونيت ونة مـن نقـل داه بـرداه
اسهر إلـى نـام المعافـى لحالـي=والصبح اجدد ذكر حمـام واسمـاه
هنـي دحـش دب الايـام سالـي=ماولعه طـردالعماهيـج واغـراه
ولا صلاه من التصاريـف صالـي=وذاق الفراق وتاه مثلـي بمسـراه
ياطول ماطاوع نسيـم الهـوا لـي=من قبل يبدي لي من الوقت مجفـاه
واعتظت من عقب الجديد السمالـي=ولا ينفع الفايت ولو قيـل محـلاه
ليتي قريـب لـه وبيتـه موالـي=والعلم مـن بينـي وبينـه مناجـاه
ان كان له بمواجهـي مثـل مالـي=وقلبي معـه يبـراه والهـم يبـراه
وإلا تراني عنـه طـاون حبالـي=يلقى وانا القـى واحـد كنـه إيـاه
مانيب من يتبـع خفيـف الخيالـي=إلى تحدر بارقـه عفـت مرعـاه
هذا وصلوا عـد رمـل السهالـي=على نبـي شيـع الديـن واحيـاه
وآلـه وصحبـه كلهـم بالكمالـي=واللي تبـع سنـة نبيـه ومجـراه[/poem]
من قصائد الحكمة لدى الشاعر / سليمان بن شريم :-
[poem=font="Simplified Arabic,5,white,normal,normal" bkcolor="black" bkimage="" border="none,medium,gray" type=1 line=0 align=center use=ex num="0,black"]
عن اللي صفح نصفح ولكان هو غالي=والاقبال يبشر صاحبه بالتبهلالي
على مامضى باول زماني ومابقى=ولا خير باللي ماله اول ولاتالي
الى شفت جفوى من رفيقٍ لقيتني=جزومٍ على جفواه من كل الاحوالي
ولا ابين اسراره وعاره يعورني=اخليه في فاله وانا اروح في فالي
ولا نيب حبابٍ لمن لا يحبني=تصير المحبه فيه بلوى وغربالي
كما تاعبٍ يتعب على غير فايده=وهو سابقٍ حفار جحرٍ وهو خالي
ولا ابين اسراري لمن لايسرني=ولوشلت حملٍ باهظٍ صبري اشوى لي
والا اطلب ثنى المعروف من غيرصاحبه=اقيسه بعقلي واستدله بالامثالي
ولولا الدلايل مااقتدى ساري الدجى=ولولا المعرفه ماادرك الجود رجالي
ولانيب اجازي راعي الطيب بالردى=وانا خابرٍ ماادركت يذكر من فعالي
اجازيه بالحسنى على الطيب والنقى=واشيع ثنا مجده على روس الاقذالي
ولو باربي تالي زمانه وحسني=مقادم كراماته تكفي عن التالي
ولاني بهراجٍ على غير مستمع=تجي رمية العرض لها مثل وامثالي
ولامهديٍ شوري لمن لا استشارني=يجي مثل صوت القايله بالخلا الخالي
ولا ناصحٍ من لايميز نصيحتي= يصير الدوا مجهول والجرح قتالي
واقابل مع الوجه المقابل واباشره=على راحةٍ مني ولاني بملالي
ومن لا ادرك الجودا على وقت شبة=ارى انه لها في تالي العمر مانالي
ترى عاذل المشتاق عن راس مقصده=كما اللي يرد السيل يرجع الى العالي[/poem]
----
[poem=font="Simplified Arabic,5,teal,normal,normal" bkcolor="white" bkimage="" border="none,medium,gray" type=1 line=0 align=center use=ex num="0,black"]
احذر من العيله ترى الحق مدروك=مثل العمل يدركـك مامنـه فكـاك
وادمح خطاء جيران بيتك لو اوذوك=ترالقصير وحرمة البيـت بحمـاك
واللى يجي من رفقته ريب وشكوك=حذرا عنه لياك تصـدف بممشـاك
والى جفوك اهل الوطن وستخفوك=اقلع غريسك منه واهـدم ركايـاك
تراك لو تمشي على الرجل صعلوك =ابرك من اللى تلتجي لـه وياطـاك [/poem]
----
ومن قصائدهـ السامريــة :-
[poem=font="Simplified Arabic,5,white,normal,normal" bkcolor="gray" bkimage="" border="none,medium,gray" type=1 line=0 align=center use=ex num="0,black"]
البارحة ساهر والدمع يجري = والقلب حزن علـى فرقـى حبيبـه
كريم يابارق ينوض حدري = واللي سرى بالغـداري يقتـدي بـه
والى ضرب وادي خلاه يجري = عسى طروش البوادي ترتوي بـه
متخفي لابس له بشت بدري = حسبي على البشت واللي غرني بـه
يامدرج الساق حالي منك مبري = بري النجاجيـر عيـدان صليبـه
ابو قرون تغذى بالشمطري = مثل السفايف علـى كـورالنجيبـه
ابو عيون الى دلت تخزري = ترمي بالاسباب ويل اللـي تصيبـه
ابو خديد يشادي نجم فجر = والا القمـر لاانتحـى يبغـي مغيبـه
ابو نهيد كما الفنجال زبري = ويمزع الثوب مـن حـال غصيبـه
ياليتني عالم بالغيب وادري = عن غض الانهاد من هو من نصيبـه
ياليتني حايف ويقال خبري = انهب صخيف الحشا ثـم اغـدي بـه
من طاب لي طبت له والكل يدري = واللي يتغلي علينا وش نبي به
ان مت حطوا بدرب البيض قبري = تكفون حطوا على قبري نصيبه
يا من يرد الحبيب وياخذ اجري = قفـا بـلا سبـة ربـي حسيبـه
ماقدر الله على المخلوق يجري = والعبد لزما تـرى ياخـذنصيبـه
وا قو ما صابني واقو صبري = لعل مـا صابنـي منـه يصيبـه
يا الله طلبناك مغني كل فقري = كـل علـى قدحالـه تعتنـي بـه[/poem]
----
[poem=font="Simplified Arabic,5,black,normal,normal" bkcolor="gray" bkimage="" border="none,medium,gray" type=1 line=0 align=center use=ex num="0,black"]
ذيـــــب يـــــا الــلـــي هـاضــنــي بــعـــواه=قـبـلــك وانـــــا عـــــن صـاحــبــي ســالـــي
مـــــن مـبــســم كـــــان الـعــســل يـشــفــاه=مــصــيــون مــــــا داســـــــوه الانـــــــذال
ســاعـــة نـطـحـنــي مـــــد لـــــي يـمــنــاه=قـــــال الــمـــوادع يـــــا بــعـــد حـــالـــي
يـــــا مـــــن يـعــاونــي عــلـــى بـــلـــواه=بـــــاح الــعـــزا والـصــبــر عـــــزا لـــــي
يــــا عــــل عــيــن مــــا بــكــت فــرقـــاه=تـعـطــى الـعـمــى فـــــي صـبـيـهــا الـغــالــي
الله يــنــســى الـــلـــي بـــعــــد يــنــســـاه=يــــا كــيــف ابــــا نــســى طــيــب الــفــال
مـــــا ادري حــــــدر والا نـــصـــى مـــربـــاه=والا مــــــع ابــــــن حــمــيـــد نـــــــزال[/poem]
----
[poem=font="Simplified Arabic,5,limegreen,normal,normal" bkcolor="firebrick" bkimage="" border="none,medium,gray" type=1 line=0 align=center use=ex num="0,black"]
يـاحـمـامـه تــغــرّد فــــوق غــصـــن الـجــريــد=هـيّـضـتـنـي وشـــانـــي مــفــخــتٍ شــانــهــا
جـعـلـهــا الله لـــراعـــي شـــوزنـــيّ مــجــيــد=يـكـســر الـنـايـفـه مـــــن ريـــــش جـنـحـانـهـا
الـحـمـامـه لــهـــا بـالــنــاس كــيـــدٍ شــديـــد=كــــل حــــيٍّ شــكــا مــــن قــــوّ شيـطـانـهـا
ذكـرتـنـي هـــوى الـلــي مــثــل عــنــق الـفـريــد=قـــبـــل تـدهـكــنــي الأيـــــــام بـثـقـانــهــا
لاســقـــى الله عــلـــى قــلــبــي نـهـارالـشـديــد=يــــوم فــرقــا الـعــيــون لــشـــوف حـيـانـهــا
كـــل مـاقـلـت طـــاب الــجــرح عــــوّدجــديــد=يــــــوم فـــارقـــت مـنـزلــهــا وبـلــدانــهــا
الــهــوى طـالــبــه لامـــــات كــنـــه شـهــيــد=والـمـحــبــه كــثــيــر الـــنـــاس مـاصـانــهــا
مـنـوتــي والـتـمـنــي خــابـــره مـــــا يـقــيــد=مـــن قـضــب سلـعـتـه مــــن عــقــب جـحـدانـهـا
لــــذة الـعــمــر تـنــقــص والـلـيـالــي زيـــــد=ســــنــــة الله بـهــالــيــهــا وسـلــطــانــهــا
كــل مــن جــت لـــه الـدنـيـا عـلــى مـــا يـريــد=بـــدّلـــت لــــــه طـرابـتــهــا بـحـقـرانــهــا [/poem]
----
[poem=font="Simplified Arabic,5,black,normal,normal" bkcolor="white" bkimage="" border="none,medium,gray" type=1 line=0 align=center use=ex num="0,black"]
سرى البارق اللي له زمانين ما سرى=صدوق المخايل بارقه يجذب الساري
على فرعة الوادي وسيله تحدّرا=وغنت طيور الما على حاير الجاري
مرامي غزال عقب عرفه تنكرا=عليه الله اكبر كل ما حل له طاري
برى الجرح منه , ومني الجرح ما برا=وهو يحسب انه يوم طال المدى باري
نطحني بجزّ الثوب حدر المشجرا=جميل المحاسن لا ضخيم ولا عاري
ابو لبة مثل القمر ضاح واسفرا=والى غابت القمرا تقدى به الساري
تراى سلبة العاتق الى صدّ ما درا=كما سلبة العرجون في صفحة الذاري
صويب الهوى مسكين مشيه على ورا=ترى النقص فيه وحيله اقوى من الضاري [/poem]
اتمنى ان تستمتعــوا بهذهـ القصائــد لشاعــر عنيــزة الكبيــر ،،،
ولكم التحيـــــــــــــــة ...
رد مع اقتباس
المفضلات