السلام عليكم
هاذي القصيده للشاعر عبدالله الفرج من أهل الكويت
أرسلها للأمير محمد بن عبدالله الرشيد
[poem=font="Simplified Arabic,5,white,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
ماحلا النظّم المسطّر كالعقود=والسلام اللي كما الدر النضيد
كيف لا ومضمّنه مدحٍ يكود=مايجيبه شاعرٍ لو هو لبيد
مدح شيخٍ مودع الدنيا سهود=سارت الركبان بأذكاره تشيد
حيثه إنسان الدهر عين الوجود=النضار الجوهر المحض الفريد
بدر تم شمس فضل بحر جود=وافرٍ بالفيض طامي بالمديد
ماخفى من طالعه نجم السعود=ولد عبدالله محمد ابن رشيد
ضيغمي تتلاه قومٍ كالأسود=باسهم عند اللقاء باسٍ شديد
سل بني عتبه وسل عنه السعود=والخليفه قاطبه والبو سعيد
وإنشد العربان قطّان العدود=يخبرونك عنه بالعلم الأكيد
عن ربيع الضيف عن ريف الوجود=عن ذرى الملهوف عن ملجأ الطريد
عن كريمٍ مودع الدنيا مهود=مع سهودٍ مايكوده مايريد
في حمّله مثل جنّات الخلود=ينعش السكان بالعيش الرغيد
مودعه حيث الأمان من السهود=كالحرم مازال مفتوح الوصيد
ممن الخايف الى جاله يذود=لايذٍٍٍ بعزومه اللي ماتبيد
وفي سناعيسٍ يبيدون الحشود=حسبهم ياما يضدّون الضديد
يرهبونك كالضواري والفهود=الطنايا ماعليهم من مزيد
قاطبينٍ حول من يوفي العهود=من يخافه كل جبارٍ عنيد
إحذر العربان هو وادي زرود=للرها للشام لأمصار الصعيد
باس مرهوب الشبا ماض الحدود=حيثه المقرون بالحظ السعيد
كم غزى قومٍ وهم اهل الجرود=مايردوّن السند لأهل السنيد
وإرتماهم في بحورٍ من جنود=حشوها منهم صناديدٍ وِصيد
يوم قالو ماعن لقاهم صدود=أودعهم عندها الحب الحصيد
يحلف الحلاّف بالله الودود=غب كونه مانجى منهم شريد
وصدّر الرايات حمرٍ والبنود=من دماء ماصانهم كثر العبيد
يستهّل بعارضٍ ماله حدود=ممطرٍ بالموت يرذي من بعيد
تشتعل نيران حربه بالوقود=كالحشر تاتيك في يومٍ الوعيد
مالها غير البنادق من رعود=أو بروقٍ غير منصاف الحديد
ذا فعل سم العدا غيظ الحسود=يشهد الله والإله اكبر شهيد
ماذكر شرواه مغوارٍ يسود=نافلٍ بالصيت والذكر الحميد
شاد مجده مايشيده بالوجود=من يحّله للعلا قصرٍ مشيد
مستحيل ان ذاك مايحظاه كود=واحدٍ مثله ومثله هو فقيد
دون عب الشمري حرب الرقود=وإرتكى بالصعب من دهرٍ نكيد
والعطى بالمال من كنز النقود=والسخى بالجذ من حبل الوريد
ولو منال العز سهلٍ مايكود=شفته من الناس في سود البليد
وإستوى فيه الماسود هو والأسود=مير حاشا مايصير العبد سيد
حق يامبدي النفايل بالشهود=كل جريٍ عند جريك مايزيد
ياعريب الخال يازاكي الجود=باحليف العز والراي السديد
اشتكي لك من تباريح النكود=والخطوب اللي تشيّب بالوليد
هن دعنّي عنك ثاوي بالقعود=وإحرمنّي لا أوافي بالنشيد
لو عزانن عوقهن وأسر القيود=ما نحنّي عن ندى علياك بيد
كان قدت النفس لك قودٍ يعود=واعتريك بحال جودك كالبريد
من على كالنوق مبروم العضود=صيعريٍ مايمّل من الفديد
مير هذا اللي جرى لي بالودود=والتماني لاتثيب ولا تفيد
والسلام وأخص به نفسك وأجود=عقب هذا عم به كل الرشيد
ثم صل الله على خير الوجود=مالعى ورقٍ على روس الجريد[/poem]
رحم الله الامير محمد بن عبدالله الرشيد والشاعر عبدالله بن محمد الفرج .
تحياتي
رد مع اقتباس
وأول مره ؟؟
لانه مكرر 
شف والله ودّي اخدمك بس الموضوع ماهو بيدي
المشاركة الأصلية كتبت بواسطة الزقروطــي
المفضلات