[poem=font="Simplified Arabic,5,white,bold,normal" bkcolor="black" bkimage="" border="none,medium,gray" type=4 line=0 align=center use=ex num="0,black"]
-الحب في انفوس المحبيـن حـراق=والعين تدمـع يـوم تذكـر قمرهـا
-والقلب يحزن لا طري عنده افـراق=والروح تهوى من تركها وهجرهـا
-والجرح في وسط الأعماق مشتـاق=يم الـذي خـط الجـروح بخطرهـا
-حتى المشاعـر كلهـا دوم تنسـاق=للـي يحركهـا إذا مــا أمـرهـا
-كل ما بـدا يـوم جديـد بالإشـراق=قامـت مخيلتـي تذكـر صـورهـا
-قامت تذكر كيف حبـي لهـا فـاق=كـل الحـدود وكـل بـر وبحرهـا
-قامت تذكر كيف مسكـات الأعنـاق=وكيف التحايا وكيف فلـت شعرهـا
-قامت تذكر يـوم أرسلـت بأخـلاق=كل الرسايـل يـوم دمـي حبرهـا
-لكن حسافة كل مـا راح الإشـراق=راحت هواجيس المحبـة وصورهـا
-العين ما تدمع تـرى ذل وإشفـاق=العين تدمـع يـوم طـول صبرهـا
-والقلب في وسط الاضلاع ما ضـاق=ولا صاح من ظلم الحيـاة وغدرهـا
-والنفس لو زفت لك آلاف الأشـواق=ما أوفت بقدرك لو تفنـي عمرهـا
-أنت الهوى وأنت الغلا وأنت الأذواق=وأنت الـذي كـل الحيـاة بأسرهـا[/poem]
رد مع اقتباس
المشاركة الأصلية كتبت بواسطة الدهور
المفضلات