يقولون وكفانا الله شر مايقولون ان فيه قبيلة بدويه منذ مبطي
ويقاله قبيلة فلة الحجاج
وشيخ هالقبيله اسموه ابو غازي
وكانت هالقبيله عايشتن بأمان الله ولا عليه حرب ولا ضرب
وكان شيخ هالقبيله ابو غازي يسوي في صباح كل عيد سباق بين فرسان هالقبيله
واللي يفوز يعطيه من ما اعطاه الله
وبسنتن من السنين جمع ربعوه وقال يالربع تروني ابي اسوي سباق من باتسر
واللي يبي يسابق يجيني ويسجل اسموه عندي
طبعاً الشباب ماصدقوا خبر وكلن قام يسجل اسموه ويستعد للسباق
وقبل غياب الشمس جاوه ولد عموه سلمان النبهان وقال يابو غازي فيه بناخين لي
يبي يجي من الديره وابيك تسجل اسموه بهالسباق
قال ابو غازي وش اسموه
قال النبهان اسموه مناكد
قال ابو غازي طيب ياولد عمي سجلناوه وخلوه يجي
مالكم بالطويله
قامو الشباب يجهزون ويستعدون للسباق
واللي قام يتمن على فرسوه
واللي يمرن حماروه
واللي يتمرن هو براسوه
ومن ضمن هالفرسان فارس اسموه المطنوخ
وجمع شلتوه عندوه بالبيت بالليل يخطط للسباق
قال يالربع من عندوه لي خطه علشان افوز باتسر
قال حديهم انا عندي لك خطه يافارس الفرسان انت
قال المطنوخ وشهي خطتك
قال انت يافارسنا ما ينافسك الا خيال الجربا راعي المرودن الشبث
قال المطنوخ ايه بس هذا فرسوه جربا ولا تقدر تركض
قال ايه يالمطنوخ بس والله هالجربا به ميزه
قال المطنوخ وشهي هالميزه
قال عندوه له طلا جرب واذا دهنه بوه والله تغدي فشقه ولا تنلحق
قال والسواة يالربع دبروني
قال حديهم انا اسرق طلا الجرب حق فرس الشبث
وهاللون تغدي قفش يعني فشقتن محترقه
وهم يقومون يضحكون طول ليلهم
وبهالاثناء ( ياحلوي وانا مثقف ) كان شبيثان خامدن ببيتوه ومطرفن طلا الجرب علشان
الصبح يدهن فرسوه
وملزقن مسجل على اذانه ( راعي طرب )
اما المتنافس الثالث فهو شنقل ومشاركن هالسنه بحمارن خضر
ورابطن شطرطونات ( تيب ) على رجلينوه اصفر وازرق ( متعصب الولد )
والمتنافس الرابع المحرووم وعليلوه ناقتن فاطر ( راعي نياق من صغروه )
ويوم جاء الفجر وهو يرسل المطنوخ حدا خوياه وهو يسرق طلا الجرب حق الجربا
ويوم قعد الشبث مار ماطرى على قلبوه ولا فقدوه ( متحمس الحبيب )
المهم يوم جاء الصبح وهم يصفون
وقبل يبدون السباق وهو يصيح سلمان النبهان يابو غازي اقهر شوين اقهرك بالله
قال ابو غازي وشعندك
قال هذا بناخيي مناكد يبي يسابق
وهو يجيهم مناكد عليلوه سيكل ( حضري الولد ومتطورن شوين )
المهم صفو الربع
المطنوخ راتسبن فرس
والشبث راتسبن فرسوه الجربا
وشنقل راتسبن حماروه
والمحروووم راتسبن ناقتوه
ومناكد راتسبن سيكلوه
والباقين على رجلينهم
وهو يبداء السباق
وهم ينطلقون
وهي تغديلك عجاجه
وماتسمع الا صريتس الكفرات ( ياروحي يالفرملا ون )
وعندك عندك
وعندك عندك
ولا يزال المطنوخ متصدر
ويسقط عليه شنقل بحماروه ( من الحماس راتسبن على رقبة الحمار )
ويطوفهم المحروم هو ويا ناقتوه
وشوين ليمار هذا مناكد لوه رشه بسيكلوه من عندهم
ومن قرادة حظ المطنوخ وهي تحذف بوه الفرس على الجماهير
ليمار محدثن عدة اصابات خطيره في عدد من وجيه العشيره
والمحرووم اختفا في ظروف غامضه
وبقي التنافس بين شنقل ومناكد
وقبل النهايه وهو ينفك زنجير سيكل مناكد
وتصير من حظ شنقل اللي فاز بالسباق على حماروه
وهو ياقف على حماروه ويقوم يومي للجماهير بهيلاهبوه الاصفر
وهو يطلع ببسي من مخباوه ويقوم يرجه وهو يفتحه ويرش على عشاقه احتفالا بالفوز
( متأثر بشوماخر )
اما الشبث لقوه بلشانن بفرسوه عند خط البدايه
قايمتن تحكحك تبي طلا الجرب
وجيتك منهم مدري عنهم
واسف على الاطاله
وتقلدوا تحيتي
هلاااااااااااااااا
المشاركة الأصلية كتبت بواسطة الشبث
المفضلات