[align=center]السلام عليكم
حجرف هذا كان امير شقراء وهو من البواريده يعني بواردي وماهو
حجرف الذويبي المعروف كما يظن البعض.
وكان له مواقف طريفه مع ولد اخوه نسيت اسمه اظن انه محمد
المهم فيه قصه حدثت بينه وبين ولد اخوه وكانت طريفة جدا
وهي :
يقولون في يوم من الايام جا واحد للاميرحجرف وقال له :
الحق يا طويل العمر البدو جوك ومتجهين لم الاثل الحق يا شيخ لا يفسدونه.
المهم حجرف هذا ارسل لولد اخوه محمد وقال له : رح لم الاثل وانتبه
لا يخربونه البدو الى مرو من عنده.
المهم ان فيه شي من وقفة النفس بين الولد والعم حجرف مدري وشو.
يوم راح محمد لم الاثل والا هاك البدو منوخين بعيد عنه تحت الشمس
وينزلون عفشهمويوم تغدوا وهم يقومون يطقون ويغنون وقامن البنات
يرقصن وهم مبسوطين آخر انبساط
انهبل الولد يوم شاف الغناء والرقص والبنات المزين.
هاذا الولد واصله معه من عمه الي دايم يتأمر عيله
المهم راح لم البدو وطلب منهم يقربون في الظلال تحت الاثل طنش اوامر
عمه
يا نسيم الهبايب خبري وين خلي *** خبري وين خلي يا نسيم الهبايب
يوم جتنى الركايب قمت امسي واهلي *** قمت امسي واهلي يوم جتنى الركايب
المهم انيسطوا البدو شالوها معه وهات يارقص لين تعبوا وداخوا .
مر واحد من اهل الديره وشاف الي شافه وان البدو حاسوا الاثل وخربوه وهو
ركض يبي يعلم الامير عن سوات ولد اخوه < بلاس
قام الامير ارسل في طلبه ويوم جاوه المرسول والا محمد المسيكين كد
مشو البدو عنه وخلوه لحاله مهمووم ولا يدري وش يسوي.
قال له المرسول قم شف عمك الامير يبيك .
قال وش يبي بعد هالعم ؟؟
راح محمد لعمه وهو طفشان مرررررره
قال له عمه الامير وهو يهاوشه :
انا مرسلك تتنتبه للاثل والا علشان تقول يا نسيم الهبايب خبري وين خلي؟؟؟؟؟
قال محمد لـ عمه بلهجة قويه اجل تبيني اقول : خبري وين عمي
والله العظيم ودي ان بيني وبينك بحر من رماد علشان افتك منك.
وراحت هالسالفه قصه من قصص المجالس الفكاهيه.
المهم عساها تكون اعجبتكم القصه مادري السالفه
تحياتي
رد مع اقتباس
المشاركة الأصلية كتبت بواسطة ابن جشعم
المفضلات