كنت أتصفح و فجأة شدني اسم
اسم غيراسم
اسم على قلبي عزيز
قلت يا الله الخيره
طرقت الباب وفتحت أول صفحات الكتاب
وفجأة اشوف دلال وصب لي فنجال
وكني أسمع قول سمْ
مدري يخيلي أو عقلي يلقني
ومدري لو رد صحيح من صوتٍ بعيد.. المفيد
المفيد أني قنعت ذا من بيوت الكرم شامخ مثل الهرم
وانا اعياني الترحال
قلت يا الله الخيره
أبا أتريح
نوخي يا ناقتي عسى فيها جديد
نوخي يا ناقتي الرخا نوب يفيد
وديت أقرا وما شعرت
قلبي صابه سهم هذي حقيقة مو وهم
السهم في الصميم لا وفي وسط الوريد
وانا اقول اليوم عيد
اتلفت منهو الرامي واثري الرامي حبيب
سهم حب وسهم عشق
لا والله ألا اليوم عيد
ونويت أودع بعد يوم جهيد
وتوني امشي والمقصد بعيد
أشبكتني شبكة
صكت الأبوب بفولاذ وحديد
وصرت اردد
هو حظي العاثر صحى أو حظي الشاطر غفى؟
ارجوك يا حظي كفى ارجوك يا حظي كفى
وفجأة.. وانا أتذمر ألمح اسمها
اسمها شمر.. الله يازينه اسمها
اسم غير اسم
اسم مرسوم رسم
اسم على قلي عزيز
وبديت أكتب واخط والرسايل سلم واستلم
ورسالتي هذي لكم. الله يبارك بالاسم اليّ جمعنا بكم
رد مع اقتباس
المفضلات