بعيداً عن المقدمات بدخل في الموضوع على طول
الموضوع يالغاليات إني فتحت شنطتي أبي أدور كحلي القلم بس مالقيته !!
طيب وش المطلوب ؟؟
المطلوب ياطويلات الأعمار اللي تلقاه منكم ترسله عالخاص
لا مابعد وصلنا للمطلوب باقي مقطع من النص
المهم حست الشنطة ولقيت كحل غريب ماهب كحلي !!
ولأن ماعندي غيره اضطريت اني أستعمله بعد مابريته طبعاً ,,
طيب وش المطلوب الحين !!؟
المطلوب يالغاليات اسم هالكحل
لأنه بصراحة روعة كأنه زيتي ورسمته مهبوولة وينفع للشتاء لأنه مع البرد ماراح يسيح ويحوس الدنيا<<<الله يستر لايطلع بس من هالألوان الزيتية وأنا مدري
وودي أشتري مثله بس عجزت أعرف ماركته لأنه واصل لآخره واسمه مابقي منه الا حرفين !!
سألت أخواتي عنه اذا كان لهم وقالوا لأ !! شكل وحدة من الوحدات قالطتن على شنطتي وماخذة كحلي ومستحية تخليني بدون كحل قامت وحطت كحلها ولو انه منتهية مدته
والحين بعطيكم آخر حرفين من اسمه وعليكم تكملونها
يعني جاية أوسع صدوركم ببلاش
مكتوب يالسنعات بالخط الكبير :
HY...............
وبالخط الوسط :
UX..............
وفيه بالخط الصغير :
CIL...........
بس الظاهر انها بنسل يعني قلم
يالله عاد نبي فزعتكم عشان أفزع لكم في القريب العاجل,,
وتقبلن خالص مودتي وحبي ,, <<<<<<<< يسمونها مداهنة
رد مع اقتباس
المفضلات