صباح الخير ياوجيه الخير !!!!

[المخاوي]

السلام عليكم ورحمة الله وبركاته

صباح الخير ياوجيه الخير

تسيف انتم ياربعنا يا أهل الفله

وش العلوم وش الاخبار

عسى كل شين مزيان



وعسى الوالمه اللي انا خابر والمه



تروني جايكم هلتسان وذابحن الجوع شهر ماذقت الا اللي يسد الجوع بس

وتخبرون عاد برد وجوع ليا منهن اجتمعن ,,, علووووووم

وذبحتن المشاوير وصفقتن لي مصرقعتن مع برديات وصكن راسي ؟


ولا فرحت على الله اني ازبنكم



ألا



وشنوووووح الفله صافقته هالهبايب ؟!! ليه ماروقتوه يالنشاما ؟؟!!


يالربع من يعطيني اخر العلوم والمستجدات والله اني عاجزن لا افتر وانشد ؟




تحياتي

[شنقل]

هلابوووووه

يالله حيوووووه

عسااااك داومت (يمذرح باجازته شنقل)


ابشرك الامن مستتب

وكلوه تمااام يافلااااان

بس يالعشييير

الفله قامت تخر علينا يوم جاء المطر

ياما فزعت بلي شراعن مغيبه عندي بالدتسه



<<ماله تسبدن على الحرشه

الزقرت طافيتن نارهم

والزقرتااات مدهرااات بالفله
ام قرون وام اسم طوااايل


لو انت معطيني وكاله على الفله

تسااان عاسفهم لك



الا ابسعلك












ماقابلت













عفيتل باجازتك

[بو رائد]

هلا وغلا بالمخاوي ياالله حيوه لك وحشه يافلان
اخباري عيدنا بهالي شمالن من حايل وكان الجو
منتاز (كلمه مقتبسه من نبراس) وحضرنا حفل التراث
اللي حول الخطه وابشرك كل الامور طيبه والوغدان بخير
الفله تقل طافيه هاليومين يمكن تخبر الناس توهم ناكسينن
من الاجازات لكن فالك طيب ياالمخاوي والعيال مايقصرون
وكذا الاخوات الطيبات فما نحن الا اسره واحده دمت بخير
ولك كل التوفيق وعساك دايم بالوجود ايها الوافي

[شريف روما]

هلابك يالمخاوي

مامن علووووم تسر الفلة طخٌت

يابعدي عجل لنا باستضافة عضو
ابي اندحوه بكم سؤال في بالي


وعذبنا فراقك يالغالي خاف الله فينا خاف الله

[ابو مرشد]

هلا يالله حيوه المخاوي و الله الامور على ما هي عليه من سجلت الى اليوم نفس الشي الردود زينه بس المواضيع قلت


اخوك فهد المرشد

[المخاوي]

هلا بالعشير شنقولي

اي والله داومت يافلان وامحق من دوام

قامت تخر بلاه والله ماشديتوا الكسور ولاكربتوا الاروقه

بس الشراع سوى خير

اما عفيتل ماشفتوه لاهو ولا عسيفل


دمت عشيراً لي

[المخاوي]

بو رائد

ياهلا وغلا بشاعر الفله

وياحلو والله علومك والعيد عليك تبارك وعساك كل سنه تعيد بهالمتسان


والفله ان شاء الله تبي تشب ضوه بوجود امثالك يالغالي


ولاتباعد عننا ترانا مانمل من سوالفك

[سلطان زمان]

ياهلا والف هلا بالمخاوي ...

انت رحت من هنا والفله تلولست من هنا... كل واحد شاف نفسه .. شانت النفوس .. آه آه يالمخاوي وين رحت وخليتنا ..
قاعد اجاهد لوحدي .. ومحد يعطيني وجه .. آه آه ياحرقة قلبي ..

محد يعقب ويقول لو ( تسلمو ) صاروا ربعك عفون الله لا يبلانا ...


افتح الصفحة واشارك انتظر عودة الفارس ... انه الوفاء ياصديقي انه الوفاء ..

والان جاء دورك...

[ابو غازي]

والله يافلان / ماخليت علينا ماطتزه وجوعك بك بك حتى السطيل اللي تخبر انشــــــــــــــق

اقول / الجيب ماهوا للبيع



المخاوي

رواقك خابروه تلولس برواق مضيف / الريم / بالفصيح / وابو فيصل / يجروه يبي يلحف
مضيف قصة وقصيدة والمشرف العام / ابو سلطان يقول والله ماهوا معكم ابي أغطي
بوه مضيف / الدعم الفني

ولاوالله أدري ويش صار

[المطنوخ]

هلا وغلا بملح الفله والريّي الله يحِفظَه<--قاعد يمد خمس ميه من حدر الطاوله

والله ياراكبك حق من هنيه الين هنيه<--فاتح يدينوه

ياخوي تبي تغيب طيب حط لك فزااعه طيور والبسه سريويلك وفنيلتك العلاقي

الله يجيرك الفله يبي له غربله

يبيله تصفيه مثل ماتصفي القهوة من الحثل

جونا ناسن وادعثوا بنا واعدونا الله يخاااارجنا

ونصيحتي لك لا تفتر لان تبي تزوم تسبدك

اقول هالمره هذي ان ما ركدت وقضبت ارضك ترى نبي نحط تحت الاقامه الجبريه تحت حراسة الخال ابوعجرا<--دزل مسعدك

ابوغاااازي وشبلاك تروعت من طاري الخال