اسعد الله اوقاتكم
وعدّتكم بقصيدة وهاهي
....
[poem=font="Arabic Transparent,5,burlywood,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
حظّي غدى عصفور كلٍ دريبه !=! يوم اليتيم لعشوة الليل جابه
ذاك اليتيم اللي حياته صعيبه !=! كن الافاعي علّقت به نيابه
مصيبته ياكبرها من مصيبه !=! ابوه راح وهمّ الأيـــــــام صابه
صغير سن ونار صدره لهيبه !=! والجوع كافر والمهابه مهابه
البيت خالي والمواقف مريبه !=! أمه تلوج وطار منّه صوابه
جاره جفاه وزاد جفوة قريبه !=! حِـسْــبو عليه بْـلا فوايد قرابه
ضاقت عليه اللي لغيره رحيبه !=! عاف المقام وضايقنّه ثيابه
نصا الخلا ودموع عينه سكيبه !=! واللي بعمره ملتهينٍ بطابه
نط الرجوم من الوزا والحريبه !=! وشكا على اللي كل خلقه تهابه
عمل عمول الذيب " يقنب قنيبه" !=! ونسوه ربعه مادرو عن غيابه
شات الحصاة وصاد طير بشعيبه !=! خذاه وعوّد ظن محدٍ درابه
دخل على أمه قال : هاك ابشري به !=! وكلٍ من الأخوان ياخذ نصابه
يالله اطبخي ياعزوتي يالحبيبه !=! دعيت ربّي واعجلن في جوابه
سمع طقيق الباب .. ردّد : "غريبه" ! !=! منهو ذكرنا وحطّنا في حسابه!
قالوا : عمامك .. عصبةٍ لك عصيبه !=! ومن فرحته ،، فتح لهم كل بابه
قالوا : سمعنا الطير بإيدك تصيبه !=! وعجزت بواردنا " الا يالغَـرابه ! "
ياوليدنا أمك " بنت قرم وعريبه " !=! وكلٍ سمع عن جود ابوك وحكا به
هات العشا من غير شكٍ وريبه !=! وتقاطَعـوا له صيدته وآآآآآسفا به
" وحظّي غدا عصفور كلٍ دريبه " !=! " يوم اليتيم لعشوة الليل جابه "[/poem]
شكرا لطيب مروركم من هنـــا ..
رد مع اقتباس
المشاركة الأصلية كتبت بواسطة أم نــــــــــواف
المفضلات