صباح الشعر
نبض جديد اتمنى يحوز على بعض من الذائقه !
.
.
واضــح من عْـيون الشتــــا ان الشتــــا يشكـي كثيــر
همّــه كبيـــر ...... اقســـى من الدمع الأخيــر ....
ياهل ترى زعلان ليـــــه ؟!
مامرّت الغيمـه عليــه ..... والاّ المطـر غاب ونسيــــه!؟
عسـاه يكون بْــألـف خيـــــر !
والطيــر باحضانه يطيـــــر
مافيــــــــه اشهى من الشتـــا درب ووصـــال وتيــــــه !
.
.
كثر ماغابــت البسمه عن شــْفاه العمــر بــدري
اخيراً شفـت في عينـــك أماني عمري الثانـي !
بديت اكتب من اوجاعي بشيل الهم من صــدري
عساني شلـت من همــك وانا همي تناسانــــي
تخيّل ! قلـت ابهديلـك شعر ( واللي درى يــدري )
اثارينـي هديــتـك روح تنبـض بين وجدانـــي
كــأني كنــت اعيشــك فالسمـا والكون من حــدري
كأنــك جيــــــــت للـدنيــا ... تبي ترقــا علشانـــــي
ياآخر من سكن قلبي واوّل من عرف قــدري
يااوّل من حفظ اسمي وآآآآآآآخر من تهجــــاني
اذا ماتت مع البسمه اماني عمرنا بــدري
يعلّمنـا الشتــا نقدر نعيش العمـر من ثانــــي !
.
.
.
ولا نحتار ونـــْعانــــــــــــي ..!
شتا ياعمرنــا الثااااني
يعيد المجــد لسيوف العواطـف والنصر للمجــد
يلـم الروح عن طيش السوالف والسهر والويل
حكى اعظم حكايات الشجر ومعانقـــــه لــلورد
رسم احلى نهايات الشعر ومخاصمــه لــ الليــــــل
تغنـــــــّى للشموع الغارقــه نبض وحنان و ... ود
يولّـع سيـــرة الحب القديــم بريحـــــة القنديــل
على طاري البحور ومعمعتها والجزر و المــــد
يعلّمنا الشتا نبحر على قمة ثقافـة جيــــــــــل
شتانـا لو عبر درب القوافــي ماوضع له حـــد
حبر هـالأرض محتاج لــ مطــر واللي خلق هالسيل
.
.
ياسادة همـوم البشـر
ياقادة احزاب الكــدر
يامن عشقـتــوه بـضميــــر
خلّوا ( الشتــا ) يجــنــي مطـــر !
.
.
قرّب لــي اكثر ياشتـــــاي
باقي تفاصيلـــك معــاي
الصدق باحضان الوفـــــا
يقهر مـُحبـيــّنـــك قهـــر !
.
.
ياهل تــرى زعلان ليــه !
او ياترى كل الوجيـــــــه
قـوّيـــتها ليــن انكســرت
والاّ الشتــــــا ماينكســـــــر ؟
رد مع اقتباس
المفضلات