المكان: العين..دار الزين
الزمان : 9 مساء ..بتاريخ ..عربي يفضل الاختباء من ال سي آي اي
كنت بالدور الثالث...بذيك الشقه
اراقب الشارع..ناس رايحه وجايه...قلت لنفسي ..مشينا يابو حميد
وبلقافه ..((ليست غريبه عني ))..طلعت ..وانا ما ادل
ماني خايف من الضيعه ...
بس حلوه الضيعه بالعين
وانا ماشي
عفوا وانا منطلق على طيارتي اف 11
مريت صالون حلاقه ...قلت فرصه ..ودخلت
قلت ارتب حالي ..
من ديكور الصالون مارضى خيالي بأقل من
حلاق تركي مخضرم
ولكن ((تأتي الصوالين بما لايشتهي الشعر ))
**
بكبريائه المدهش ...كان جالس "الهندي"
طربان على اغنيه ..اراهن انه حفضها ...وخياله يسطر له
قصر بدلهي ..يشتريه..ويرجع يقهر ام حبيبته ..اللي ما انتظرت..
وزوجتها ل كومار ..تاجر الفلفل ..جاره الغني ...و...و...
المهم قطعت حبل افكاره
"فاضي صديق "...جاوب "فدل"
توقعت انها تفضل وجلست...قال .."دقن"
صرخت ب لا الناهيه ..."شعر بس" ...ماني فاضي تجارب
وبدا يقسم على شعري ... وانا ابتهل انها تعدي على خير
فجاه داهمني بسؤال ..."كم عمر انت " قلت ليش...
قال زياده شعر ابيض ...قلت لا مافي زياده عمر انا 26 بس
قال صبغ شعر ...قلت لا ....
انتظرته يسال ليش؟...مو بس انتظرت تمنيت
كنت ناوي اصير له احمد الغزالي
بس هو قهرني مثل ماقهرته وحرمته مكسب الصبغه
المهم طلعت من طقوس الهندي وودعته
وتمنيت انها اخر محطه هنديه لي بالعين
حسيت بالجوع ..لقيت نفسي على ضفاف لبنان
لوحه مكتوب عليها كافتيريا بيروت ..بدون تردد دخلت
ولاني مدمن شاورما طلبت ثلاثه ..مع حبيب القلب بيبسي
...سألت المعلم وكان كبير بالعمر ..ياعم وش اسم هالشارع ؟
قال شارع خليفه ..ليش مانك من هون ؟...قلت لا والله ياعم
شكرته على الشاورما الطيبه وطلعت ...
ياااه وانا ماشي تذكرت ..معجون الاسنان خلص يلزمني جديد
فرصه هذي صيدليه ..دخلت
لقيت صيدلي ..سوداني مشغول شويه بمراجعه الحساب
قلت لو سمحت معجون اسنان... قال طيب ..
ياسلوى...شوفي الزبون
منو سلوى؟
وجت سلوى ...وليتها ماجت ..
لبنانيه ...حفظها الله آيه بالجمال ..طولها فارع ..عيونها قاتل مضارع
قالت" تفضل "
"جاوبت بعد ماتلبكت يادلّي"
ابي علاج
"نسيت المعجون"..."والله اني مجنون"
ردت بعفويه ومدت ايدها الشلال على شعري
"باين شعراتك مئصفين"..مسكت الشعر شوي
تنميت ان اللحظات توقف ...
وقالت ..عندي زيت شعر ..منيح لهيك حاله ..بتجربه
رديت ..شعر زيت ..يؤ...زيت شعر ..مو مشكله هاتيه
ناولتني اياه ...والله ماطالعت فيه ...
وقلت بجلافه ..كم حسابه .؟
قالت بشي من الذوق ...مو هون الحساب..هونيك..
واشرت بشلالها..على السوداني...وهناك
صحيت من حلم اليقظه
دفعت قيمه الزيت...ونسيت المعجون
وطلعت رافع راسي قدام سلوى ..اللي ما قدرت استوعب انه هذي نهايه المطاف معها
**
رجعت للشقه ..بدون ماضيع
وللحين سلوى بين عيوني
\
//
\\\
/
\\
//
\
/
[poem=font="Simplified Arabic,5,tomato,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
صارت حكايات الغرام التعاليم = احيان ترسي واكثر احيان تهوى
انسان بس ضلوع رحال ومقيم = ماشاف كل العين باسباب سلوى
خل الزمن ياكل فتات المعازيم =لاصرت مقوى ليش حاولت اقوى؟
الروح غاصت بانكسار الترانيم = والعالم الله هالصواديف بلوى !![/poem]
***
حبيبتـــــــــي
تمنيتك ..سلوى
على قربها لي ...كنتي اقرب مني ومنها لي
تمنيتك لحظه ..اوأني لحظه..تعيشيها
لو سلوى ...تصحي كل علاج ...
مايفيد مع مجنونك
خليه بس يعيشك
ويعيشك ..ويشفى بك ...
حتى لو مالك صلاحيه
يرضيك ..اتساقط كذاا
حبيبتي
رد مع اقتباس
المفضلات