العتب على النظر

**انالاغير** · 23-11-2005 02:07

:: سلام عليكم يااهل شمر

من حسن حظي اني اصبحت بينكم قطعت الفيافي ورياض نجد

اليكم

كنت ابحث عن مايدلني على القراءه السريعه لكي_ انفع طفلي فلذة كبدي _فاذا بي اتبع رابطا فاذا انا بمنتداكم

ضيفة ثقيله عليكم

منتداكم جميل جذبني رغم مشاغلي للتسجيل فيه واقضى وقت طويل في رحابه
انتهينا من الحديث بالفصحى
ننتقل للحديث بلهجة عامه محببه لي

قلت منتداكم جميل بس الحلو مايكمل
تعرفون ليه؟؟ لان لون منتداكم يبعث في النفس الحزن وكان منتداكم في (حداد )
ولا!!!وكانكم تعذبون الضيف عندكم تكتبون زياده بالوان تغيب مع لون منتداكم من دخلت منتداكم

وانا الله يخلف على النظر

شوي راسي يدخل في الشاشه
معليش خذوني على قد عقلي وجاوبني عن السبب في الالوان المتضاده

,

,

,

عوما كنت امزح

بترحبون وتردون الصوت ولاارحل غير ماسوف علي؟؟؟؟؟

**ابو غازي** · 23-11-2005 02:18

هلابك / الف

وهذي هي الساعة المباركة اللي لفيتي بها علينا / وجيبي هالوليده الله يخليك معتس

انتِ بين اخوانك واخواتك ببيتك الثاني مضايف شمر

ننتظر مشاركاتك وتعقيباتك المميزة

وبكل تاكيد / اخونا محمد الشمري
سوف ينقل متصفحكِ هذا إلى مضيف التراحيب والتعارف هناك بالبوابة الشرقية للمضايف
لكي يتشرفون اخوانكِ واخواتك بالترحيب بكِ هناك

لكِ كل الود

اخوكِ ابو غازي

**راعي الطيب** · 23-11-2005 02:25

الا الستايل الادغم عاد

يزعل ابو احمد

يا هلااااااااا والله ومرحبااااااااااااا

زاد النور نور بطلتك وحسن اسلوبك

نورتي بين اخوانك واخواتك وهذا شرف لنا وجود عضوة تتفاعل معنا مثلك

لا تحرمينا من جديد مشاركاتك ولا من تعليقك وردك على مواضيع الاخوان

**ريم شمر** · 23-11-2005 03:49

هلا فيك اختي وحياك الله بيننا في مضايف شمر

واما الستايل فهو خاص بمضايفنا ويميزها عن غيرها

وتأكدي مع الوقت سوف تتعودين عليه

كذلك هناك فيه مجال للتغيير

يمكنك اختيار غير هذا اللون من خلال الاعدادات في لوحة التحكم

وياهلا ومسهلا فيك

**راعي الوقيد** · 23-11-2005 09:51

شوي راسي يدخل في الشاشه

الشوف شجر والا هذا تحسبينه شاشة

هذا رواق البيت << بيت الشعر

معليش خذوني على قد عقلي وجاوبني عن السبب في الالوان المتضاده

والله ما ندري حنا ناخذتس على قد عقلتس والا على قد نظرتس والا على قد الشاشة

شوفي إذا جيتي للمضايف انشدي عن ام طخطيــــخ ـ وحدة من الأعضاء ـ معه

له مخطر بس تشلهبه على النار شلهبة الى ما يحمر شي بسيط وهمن مع فرخ

الهامة ـ قمة الراس ـ مكوى واحد ومع العلابي واحد ومع عقب الرجل كل رجل واحد

وبإذن الله مع السعوط وحجبة اربعين يوم ما تاكلين لا سمك ولا سندوتش بيض

وان شاء الله يد بيد

وانشدي البناااااخي ابو غاااازي إستشاري كوي رجال ومعه افضل مخطر

يخطر على الباااال

بترحبون وتردون الصوت ولاارحل غير ماسوف علي؟؟؟؟؟

خلينا نعالجتس اول بعدين نرحب مع العافية

بعدين يابنت الحلال وين تبين جاية بهاااهـ ـ المضيف العام ـ ليه ما رحتي لأبو خليف وذيبة شراف

مجهزين معاميلهم القهوة والشاهي والضبان مربطين بعضهن وبعضهن يسرح ،،،

حول المضارب بمضيف الترحيب

انتِ لاغيــر !!

يالله حي هالبنت

اسفرهـ وانورهـ .. استهلت وامطرت ،،،

انتِ بين اخوانك واخواتك في بيتك الثاني مضايف شمر ،،،

نتمنـى ان تجدين ما ينفعك وينفع فلذة كبدتس طفلتس حبيبتس

وننتظر منك المشاركات والتعقيبات الجادة وغير الجادة ،،،

تحيتـــــــي لتــس ،،،

والسلااااااااااااااام ...
..

**تواصيف** · 23-11-2005 10:23

حياك الله ياخيه
اتمنى لك الفائده هنا

بالنسبه للستايل
صراحه حلو
انشالله مع الوقت تتعودين عليه

اتمنى لك التوفيق
وياهلا ومسهلا بك معنا

تحياتي
اختك
تواصيف

**محمدالشمري** · 23-11-2005 11:21

حياك الله أختي أنا لاغير في مضايف شمر

وكما قالت الأخت ريم شمر فهناك لوحة تحكم بأمكانك أختيار ما يعجبك .

ونحن بانتظار مشاركاتك

**ابو خليف** · 23-11-2005 12:34

حياااااااكي ربي بيننا

وهذي الساعه المباركه الي انضميتي لنا بالمضايف

ولاتحرمينا من ابداعك وتواجدك المستمر معنا

اما بالنسه للون النتدى اختي
بمكانك اختيار اللون المناسب لك او بالاصح الستلايت المناسب
من الصفحة الرئيسيه
مو ضروري تجلسين على اللون هذا
مع انه معجب الكثير من الاعضاء واولهم انا
مره ثانيهه مليون مرحب بك بيننا